竹園海鮮飯店 (已結業)

竹園海鮮飯店，是一家由我老爸推介，在80-90年代十分紅的海鮮餐廳。跑馬地感覺專營街坊生意，地方整潔，服務態度有善，沒有一些傳統老店的惡習。由於一早已訂位，報上名號就順利入座。甫入座，服務員馬上送上炸魚仔花生、清湯蘿蔔及一壺熱竹蔗茅根，之後就可以去餐館外的海鮮缸即點即撈。當晚點了 - 清蒸東星斑、芝士牛油焗本地龍蝦烏冬底、清蒸扇貝、豉椒炒蟶子、蒜蓉粉絲蒸貴妃蚌及砵酒桶蠔。點完海鮮回到座位可回其他菜式，當晚點了紅燒乳鴿、臘味糯米飯等1斤5兩的東星斑，竹園蒸魚的火候掌握得十分好，魚肉熟度剛好蟶子十分新鮮，豉椒味道不會太濃，重點係熟成度剛好，爽而不韌重頭戲，芝士牛油焗龍蝦烏冬底，醬汁味道濃郁，本地龍蝦爽口彈牙，烏冬加上醬汁不會太膩(當然荷包夠深可以選澳洲龍蝦，肉多味濃，波士頓反而不推。不吃龍蝦我也有選用老虎蝦開邊，味道都非常好。)都係個一句，火候掌控一流，熟成度十分好，粉絲只用海鹽吊味，味道剛剛好不過不失，個蠔個心還是半熟嫩口驚喜之作，蝦多士炸至金黃色，鬆脆可口不油膩，蝦肉也爽口總括而言，物有所值，對食物的火候掌控，蒸炒煮炸都掌控十分得宜。紅燒乳鴿就一般，但臘味糯米飯係炒得顆粒分明，值得一試

肥肥家族其實不時都會出入跑馬地，只係家人從未幫襯過位於電車總站o既「竹園海鮮飯店」，適逢兩位長輩一同慶生，佢地就特意擇日請大家一試「竹園」馳名o既靚海鮮。步進餐店一刻，即可望到門外玻璃架上擺出名貴靚翅，好有氣勢。用餐大堂o既牆身貼有大大張印有中、日、韓三語o既彩圖廣告，相信食客不乏亞洲籍遊客。後方則掛出金絲百福圖，剛巧配合當晚個生日派對，真係好意頭。主人家一早已訂好多道菜，並安排好白酒、紅酒、及細佬最愛o既香檳，盛設非常！賓客到步不久，服務生迅即呈上多款香口醒胃o既小食如魚仔花生、青瓜、皮蛋等以作送酒之用。小食原來全為免費贈送，當中o既苦瓜雞腳、椒鹽豆腐、椒鹽茄子更是新鮮熱辣辣，前菜都咁有鑊氣，當真令人十分期待接著落黎o既海鮮菜式。秘製潮州翅：據悉，「竹園」雖則唔算係潮州酒家，但其「潮州翅」可謂鎮店名菜。嘩，翅品香濃足料，腍滑暖胃，食完一大碗都唔覺膩口溜滯，果真名不虛傳！避風塘瀨尿蝦：少食海鮮o既XO仔真係大鄉里，要人教先識得點去剪開啲瀨尿蝦黎食。微辣o既瀨尿蝦肉爽脆惹味，堅！蒜蓉粉絲蒸貴妃蚌：每人最少有一隻o既貴妃蚌爽滑非常，簡單以蒜蓉蒸煮已能吊出鮮甜，伴上o既粉絲吸盡貴妃蚌流失o既