麵道 (已結業)

好日都唔黎一次沙田 入黎一定係食好野😜餐廳唔算好大 但坐得幾舒服 平日夜晚都排左一陣隊🙈門口已經寫住每日限量供應嘅數量😳而我今次黎目標明確🍜極上牡蠣雞清湯拉麵！每日限量20碗😍另外拉麵亦可加$25升級滿腹套餐包一款小食同嘢飲前菜我地叫左枝豆同柚子味付蓮藕片 叫埋杯生啤等住食 正！天婦羅炸得好鬆脆 雖然係雞翼但係啖啖肉食落好似雞扒咁🤤羽根燒得好脆 加芝士真係必食 上枱過左一陣食仲有拉絲效果🤤好好彩食到！唔好睇佢係雞湯 食落口超重蠔味🦪廣島蠔好肥美 粒粒多汁之餘唔會腥😋配料方面超豐富 有肉碎 柚子皮 筍 京蔥 溏心蛋👍🏻溏心蛋仲係流心嘅 拉麵亦都好爽口彈牙上枱時已聞到好香蝦味🤤湯底好濃厚 配料方面仲有黑木耳同小餃子 叉燒亦好大塊 肥瘦適中燒得好香🤭

咁岩去開石門附近，見到港鐵站外有間拉麵鋪！症情關係好耐冇去日本食拉麵，一於試試佢過下口癮😚😚🍜 特盛雞叉燒味玉博多雞白湯拉麵拉麵湯底濃郁，唔會太過油膩，湯汁勾住拉麵一齊食簡直停唔到😋😋😋。雞叉燒方面雖然軟身，但略為鞋口，發揮一般。🍜 黑松露蜆貝醬油湯拉麵 湯底同平時食開既拉麵湯底好唔同，偏中華風，黑松露味亦不太突出，唔係太習慣。不過勝在配菜多，有豚叉燒、雞叉燒、蜆、味玉，每樣都可以試下。有下次既話會叫雞/豚拉麵。🥟 芝士羽根燒餃子芝士煎餃不太推薦，雖然芝士鋪滿係餃子上面睇落吸引，但食落去發現面頭既芝士並冇融入係底下既餃子，而餃子餡亦無再加芝士，比較失色。值得稱讚係叫拉麵時可以選擇唔同軟硬度、濃郁度、多蔥少蔥等等，迎合唔同口味。👍🏻👍🏻總括而言去開附近又口痕想食拉麵既話都可以一戰，但價錢相對較貴，性價比不高。