米走雞Deluxe (已搬遷) 新店位置

外面的雞煲多數以麻辣為主 依度有芝士嘅就吸引左我過嚟一試啦店員吩咐我哋唔好郁佢 由啲芝士溶化 芝士份量非常多 望見都心動芝士味道非常入味 而且加湯都可以揀返芝士味道嘅湯 雞肉一樣嫩滑 之後其實都唔太需要用到調味料！但係響鈴就冇想像中好食 我同朋友都覺得口感怪怪地 而且手打肉丸食落都同出面急凍嘅唔太大分別 冇乜咬口 下次可以選麵吸盡芝士汁比較好 因為芝士味真係非常濃好似有個芝士河咁 竹蔗茅根不錯多料睇得出係新鮮煲地點方便 下次會再嚟試吓麻辣味

慢慢走到銅鑼灣突然想吃火鍋但普通中式的火鍋太普通就會想起再來一次米走雞因為這裏有比較不一樣的火鍋就是芝士火鍋等了不一會就已經可以入座了因為地方比較寬敞也是這裏的好處之一先來點一個芝士雞鍋芝士份量要普通就可以了因為激量真的很多很多另外自己有一個獨門秘方就是將少許芫荽放到芝士雞鍋裏面整個火鍋會更香更不膩顏色亦更加豐富雞配上芝士又滑又嫩後來更點了響鈴牛柏葉加上芝士湯底別有一番風味有驚喜的是黑蟹子墨魚滑蟹子味其實不濃但是墨魚滑很彈牙口感很好飲品當然少不了鹹檸檬七喜又開胃又解渴

曾經食過米走雞在長沙灣的分店，當時覺得很好食。今天就來到銅鑼灣分店，再食雞煲。走入餐廳，感覺裝修高級舒適。深啡色的座位，白色的餐桌，牆上還掛著數幅色彩繽粉的圖畫，畫中是香港優美的景色，增添了格調。我們點了小煲的芝士雞煲，選擇了普通份量的芝士。當店員送上雞煲時，只覺普通份量也算很多呢。耐心等待雞煲煮熱，芝士融化。香味慢慢散發出來，令人期待。店員還會幫我們留意雞煲是否可以進食，服務不錯。我們急不及待夾起雞塊，芝士黏著雞塊形成拉絲效果，陣陣熱氣升起。雞塊都是厚肉少骨的，入口充滿芝士鹹香味，雞肉濕潤嫩滑，令人一塊接一塊地食，真的很滿足。食完雞塊，煲内還有很多芝士，加入清湯之後，就可以打邊爐了。五香鮮牛肉，色澤鮮紅，份量不少。在湯底中灼至啡色，便可以食到鮮嫩的牛肉，而且還有陣陣五香味。竹笙雪白，一片片整齊地排列在碟上。煮熟後，口感爽口，吸收了芝士湯的精華，鹹香鹹香的。食了那麼多肉，當然要食多些菜。生菜青翠新鮮，稍為灼一灼，入口「嗦嗦」聲，十分爽口。我們還食了貢丸和出前一丁，都是不錯的火鍋食材。

星期六八點行完書展，即興想食雞煲，經朋友介紹就打電話去問話八點半有位就去咗食啦。間餐廳都易搵，環境好過一般雞煲舖，耐何我地坐既位成日都俾條柱遮住，啲伙計成日都睇唔到我地嗌🤦🏽‍♀️ 廢事煩我地就加湯都係自己黎講返隻雞先，個芝士雞煲可以揀普通/極量芝士，我地怕太膩就揀咗普通，普通已經好好食！好有芝味但又唔會太膩，啲雞都算滑同多肉，唔會剩係俾啲骨你，食到最後發現好多洋蔥，不過啲配料洋蔥都好食👍🏻😂。我地之後仲嗌咗個公仔麵諗住煮芝士撈麵食，但發現唔係太可行，因為個湯太水😂 下次要食都係要嗌返極量芝士。因為我地係四個人既關係，我地仲嗌咗個細既辣雞煲（提外話，我地芝士雞都係嗌細），因為朋友唔係好食得辣就嗌咗半隻辣椒。個煲一黎到先知原來佢會點火整啲火焰俾你睇😂，都幾驚喜，因為我地唔知有呢樣野😂 因為係半隻辣椒既關係，唔係好辣（我覺得冇咩辣味，因為本人食得辣），麻麻地，下次再黎應該剩係會嗌芝士雞。我地四個女仔，其實食完兩個細雞煲已經飽飽地，好彩我地嗌既配料都係菜呀菇呀個啲，都叫食得晒。嗌咗一jar野飲，最後埋單都係700頭，每人二ma蚊都唔洗，都幾抵食，會再返兜👍🏻😋

同朋友行銅鑼灣，週邊開咗好多新型食肆，但最後都選擇了呢間米走雞，可能係閒日，都唔使等位就可以即刻入座，之前朋友食過話如果兩個人食半隻芝士雞都已經好漏啦，不過我係都唔甘心點都要嗌啲配料打吓邊爐先過癮， 不過其實朋友講得啱，因為個芝士雞真係好漏，半隻雞兩個人都食唔曬，勁多芝士拉到絲，同埋洋蔥。不過啲雞都好滑，煮極都唔鞋，可能係急凍雞啩，因為我同朋友發現雞嘅部位主要係雞脾同雞胸，沒有其他部位，好奇怪。牛舌打邊爐就麻麻地，好un。如果鍾意食芝士，剩係食雞ok喇。

第一次黎食，有Wifi非常好，所以用佢Wifi黎寫呢篇野！芝士雞煲味道一般，最特別係冇冰水冇室溫水你飲，如要冰水一定要比錢叫野飲，唔係就比杯熱水你，冇下次，完！

冬天少不免梗係三五知己打邊爐，全港首創中式芝士雞煲可能你未試過吧？！啱啱入嚟門口都係到諗用芝士湯底打邊爐係點架呢⋯⋯總覺得有啲擔心......點知芝士雞煲來到，一口咬落去雞肉很滑，再加上洋蔥令到芝士煲變得清新大家好快已經食晒啲肉，即刻再加芝士湯底可以打邊爐啦試個前菜先，貫徹始終芝士，梗係要叫芝士炸春卷讚👍🏻👍🏻真係新鮮炸出來，裏面有融融芝士在加上芝士粉鵝腸新鮮，洗得好乾淨，配合芝士火鍋爽口手打丸用料足，唔會有好多肥膏打邊爐當然少不免啤酒，係依度最驚喜嘅發現，女士最愛果味啤酒俾人一種好新鮮好Refreshing 嘅感覺👍🏻👍🏻👍🏻👍🏻👍🏻仲有依個係本地香港製作嘅桂圓啤酒，真係有桂圓嘅味道重對身體有益呢👍🏻👍🏻芝士火鍋俾人感覺多少有點膩，所以配肥牛就不太合適！今天我特地挑選了牛頸脊嘅部位，一啲都唔肥之餘仲好夠口感👍🏻👍🏻👍🏻👍🏻最特別嘅發現係黑松露魚麺，平時手啲魚面食得多，這個加上黑松露令到整個味道更有層次回香！不得不食👍🏻👍🏻👍🏻👍🏻

當芝士遇上雞 當小妹既最愛遇上米飯班主既最愛 錦後果係咩？當然係要去食啦米走雞一直好hit 但住港島既小妹一直都未有機會試 Finally 米走雞deluxe 終於登陸港島 港島人有福了 辛苦了好一陣子 那當然要擦餐勁稿想一下自己八點多來到 好多枱都在打邊爐非常熱鬧 不過話明deluxe 當然裝修豪啲啦 牆身掛了幾幅油畫 裝修華麗得黎又不失溫馨 即使坐滿了也不會擠而且仲有強勁wif，充電器提供除左招牌芝士雞煲 仲有麻辣雞煲可以選擇 岩曬唔好芝士既食家亦有不少配料可以選擇 除左基本款 仲有米走雞自創 好似蝦中寶黑松露魚麵等基本款仲可以半份半份甘嗌即使係人數少都可以食多啲款最後我們選擇了 芝士雞煲, 手切特級霜降牛肉, 哈哈蝦中煲黑松露魚麵 ,美國桶蠔 ,白鱔片芝士雞煲 雞煲加入了大量洋蔥 令味道更鮮甜 激多芝士已且仲有拉絲既效果 芝士味頗香濃帶微甜,非常滋味而嚿嚿都係雞脾肉 啖啖肉盡是滋味食完就係加湯打邊爐 加既係芝士湯而唔係普通雞湯 所以加左湯後湯底亦能保持芝味手切特級霜降牛肉牛肉無論色澤紋理都好靚 肉質而且非常嫩,牛肉味濃無筋 連米飯班主都要同小妹搶 白鱔片魚厚度適中而且新鮮唔腥 魚

以前係長沙灣食過，係好好食，唔知佢開咗銅鑼灣分店，所以立刻試下。聽講此店只開了幾日，裝潢都幾舒服，背景音樂放英文歌。。。我係鍾意食辣的，但芝士雞煲就適合一家大細，小朋友仲特別鍾意。成個用餐過程好愉快，食物水準很高，值得再幫襯！