Tea Lab (已結業)

話說登打士街真係有好多台式茶飲店，真係眼花撩亂，不過總有一間啱晒你嘅選擇😎去家樂坊行街之後，順便過對面嘅Tea Lab買肥仔水✨<芝芝莓莓> $32呢杯飲品可以選擇沙冰底或者奶昔底，我就選擇咗奶昔，外表夢幻，充滿少女心，打卡一流😆飲落好重嘅士多啤梨味，奶蓋微鹹加埋士多啤梨嘅甜味好合襯，建議嗌微甜甜度啱啱好💓<法國日落梳打> $38我地仲嗌咗店舖推介嘅人氣飲品，漸層效果好吸睛，一杯飲品體驗到異國日落美景~飲品分別用檸檬、香橙、草莓汁製成，店家提醒需要攪拌後先好飲用，味道酸酸甜甜，消暑解渴，而梳打水增添清新感覺，不過呢款飲品嘅冰度甜度喺固定架，不過唔需要太過擔心，我覺得無想像中咁甜🙌🏻

喺旺角街頭行到好熱🥵 真係想飲番杯冰涼嘅凍飲🥤 今日就嚟試吓呢間tea lab🧪 飲品店嘅位置位於AEON對面 行完街過嚟飲就啱哂法國日落嗌呢杯嘢飲完全係因為佢隔離個sample好靚🥰 而家雖然0+3 但係始終都未放寬到自由去旅行🧳 飲呢杯嘢飲就當自己去咗轉巴黎㗎喇✈️ 飲品嘅顏色好有層次 主要有三種味組成 檸檬🍋 香橙🍊 草莓🍓 店員有細心咁指示我哋影完相就可以撈勻成杯嘢飲㗎喇 呢杯就冇得揀甜度 但係完全唔會好甜 主要係有水果嘅酸味為主 好fresh好舒服😌芝芝莓莓芝士奶蓋真係我嘅最愛😍 完全無法抵擋芝士奶蓋嘅魔力🧀 底下嘅飲品可以揀綠茶沙冰或者係奶昔 我就揀咗奶昔啦 士多啤梨奶昔相對法國日落會甜少少🤏 但係我就覺得更加啱我嘅口味啦 配埋個奶蓋每一啖都係幸福嘅滋味😋係我哋等緊飲品嘅期間突然有超級多人嚟呢間買嘢飲呀🫢 原來係咁出名嘅 下次再嚟試吓佢新出嘅梳打系列先😛

家樂坊對面不嬲都好多小食同茶飲店啱晒掃街😼今日同朋友係旺角行街口渴想買嘢飲，見到呢間試業期間全部都有8折優惠😱‼️抱住平平地嘅心態就同朋友一人一杯試吓😛法國日落 ($30) 係呢到嘅signature drink，店員話因為呢杯嘢飲要做一個漸層嘅效果所以冰度同甜度都係固定嘅，一拎到上手就見到個日落嘅漸層🌄飲落去有啲似lemonade，但平時啲lemonade 有時會酸到好難飲😵‍💫呢杯最底加咗啲士多啤梨，所以飲落去酸酸甜甜幾開胃，同埋都容易入口👍🏻而且啖啖果肉，係幾有特色得嚟又幾好飲😋另一杯就嗌咗芝芝莓莓 ($30) 🧀大家都知我鍾意飲奶蓋呢杯真心幾香而且奶蓋份量都幾多☺️底下飲落去似士多啤梨味奶昔，奶味會比較重，微糖都啱會太甜，飲落去都有啲士多啤梨籽食到🍓個人都幾鍾意飲😝總括嚟講呢到嘅台式飲品幾有心思，趁而家試業期間優惠一試無妨🤪