翠苑甜品專家

营业中

休息中

七姊妹道有兩間糖水舖，肯定人多就靠得住啦。楊枝甘露不是我試過最好的，芒果唔夠豪，酸味及甜美不够浓郁。芝麻糊炖奶就非常精彩了。芝麻糊非常之滑，伴炖奶一齐就非常靠得仼。最后桑寄生蓮子蛋茶打包唔該！

天氣凍來一碗中式糖水！又滋潤又好味！ 呢間以前在銅鑼灣有分店！成日去食！而家專心做中式糖水嘅店唔多（好多都兼賣埋西式！）中式糖水感覺有益正氣啲！所以有機會都會外賣比肥髀食！今日同肥髀去開北角，佢一見到呢間糖水店已經要入去食！平時佢食外賣！未試過堂食！呢間比北角店更大，闊落啲！(銅鑼灣店好窄，成日比人撞背）有三張卡位，呢段時間唔係繁忙時段！可以兩個坐一個卡位，所以好舒服，叫個肥髀最鍾意嘅「黑白」，即「芝麻糊燉奶」，肥髀鍾意攪勻食，好核突！佢就食到一臉滿足！我叫咗「桑寄生蓮子紅棗茶」夠熱好甘甜，足料，蓮子好多好大粒，好甜，紅棗得一粒，比較少，味道正常！仲有幾塊百合！味道甘甘地！正！店員阿姐，比較粗豪！不過好爽手！店內廁所好窄，肥啲都去唔到！算乾淨！冬日糖水！好溫暖！