翠苑甜品專家 (北角道)

营业中

休息中

今日揸車過咗嚟北角，準備接女朋友收工，咁啱去到英皇道附近見到有間糖水舖，心思思想食返碗糖水，咁啱又路邊有錶位，諗到唔諗拍咗埋去先講。Menu有多種中式甜品選擇，有熱有凍，見今日熱熱地，揀一個凍甜品食。芝麻糊燉鮮奶（凍）糖水甜度適中，芝麻糊雖然係凍嘅，但做到好似心太軟咁，一攪就流出嚟，食落好滑。鮮奶食落唔溜，食落重奶味。好夠凍，差啲想叫多碗再食多次。Remark : 門口有咪錶位，方便揸車人士過嚟堂食及外賣😁

春秧街街市附近，街坊生意糖水鋪薑汁湯圓 （熱）薑汁夠熱，湯圓芝麻餡，雖係來貨，但質素唔錯，皮薄流心夠油香 首創健脾補腎腰果糊（熱）星期六/日限定，熱㷫㷫，濃稠，夠晒糊，甜度適中，輕輕食到腰果肉，食到腰果香 

勁！翠苑真係唔使講咁多，係種食下午茶既好地方😊。佢哋個喳咋食落好過癮，煮得啱啱好，咬落去豆仔唔會太硬，又唔會爛，簡直係煮豆高手。個紫米露更加係香濃得嚟唔膩口，完全冇得輸，諗住食兩啖，點知唔覺意間啖啖都掃晒😋。個燉蛋好滑，蛋味純正，一食就知新鮮。嗰啲西米，小小一粒粒，界乎透明嘅感覺好吸引人呢！喺呢間簡直係可以嘆盡晒傳統糖水好味道嘅！廣東話有句嘢叫「口齒留香」，係講食物好吃到令人回味無窮，翠苑啲糖水真係做到咗呢一點！無怪乎成日門口大排長龍啦👍！所以話，想試下正宗嘅老餅，真係一定要嚟翠苑一試喇！

呢間糖水舖好有舊香港風格，經過見到就走咗入去嚟個飯後甜品。一睇餐牌就見到呢個名為「首創健脾補腎腰果糊」，咁得意，即管試下你先！首創健脾補腎腰果糊 $21我本身就好鍾意腰果嗰種果仁味道，上枱後見到碗腰果糊色澤偏啡，充滿腰果香！食落雖然無聞落咁香濃，但微稠的腰果糊都好正，食完會覺得好滋補，幾好！如果你平日食果仁都偏好腰果的話，應該要試一試呢個腰果糊，甚有驚喜！

港岛虽为美食高地，但平靓正的糖水始终少了一点。翠苑算是街坊糖水里很喜欢的一家，便宜大碗，用料扎实，能让我毫不犹豫一口气干完俩，足以证明其优秀。湾仔店和北角店都吃过，而且开门时间比大多数糖水店都早，从中午开始就能痛快食糖水了！·【首创腰果糊加芋丸】【芝麻糊拼核桃糊】【香芋椰汁西米芋丸】【海带香草绿豆】【喳咋】·每一碗都称得上精彩。糊糊类质地浓稠，味道滋润浓郁，表面泛着实打实磨出来的坚果油脂，在热糖水温度的烘托下香气暗涌。·只在周末及假日才供应的腰果糊，不枉我专程跑一趟，毕竟全港真没两家在做同款。满当当一碗已经高出边缘，溢又欲止的饱满状态看得人心花怒放。·万糖水皆可芋丸，翠苑的手工芋丸跟常见的九份芋圆不同，嚼起来不仅糯叽叽，而且腮帮子不会太费力。大颗圆溜溜的芋丸的融入，给传统糖水的搭配以及口感都拓宽了一个维度。·椰汁底清甜可口，西米晶莹大粒，香芋也给了好多，再糯一点就更好了。绿豆沙也拿得出手，不过相比很多绿豆沙这碗有点太甜了。·这里的喳咋又是一大碗热热闹闹的豆子开会，浓甜而不腻的奶香吃得我差点热泪盈眶，点它会吃到撑，不点它会后悔。

在北角有兩間翠苑甜品。我試咗近北角mtr出口 果間，覺得幾好味，就去咗北角道這一間。燉蛋 $19味道是跟mtr 附近那間一樣的。啲燉蛋又滑又可口。合桃糊 加 湯圓 $21 + 10我原本以為兩間味道應該會一樣，可惜呢一間合桃咪較少，咪味道不夠另一間濃，而且感覺較稀，所以合桃糊的味道較另一間遜色。

第一次寫食評, 因為呢間鋪實在太差舖頭嗰幾個阿姐態度惡劣, 話好忙其實掛住傾計; 尤其係個短髮阿嬸, 極沒禮貌.叫咗碗蕃薯糖水湯丸,  唔好食,  食左一半都冇就食唔落去, 仲要亂收費, 唔會再幫襯咁嘅質素點解仲生存到？

📍 翠苑甜品專家 (北角)北角北角道13號地下-🌰 補腎核桃糊 $19 鴛鴦鍋核桃的香氣很濃 口感很濃郁 熱熱的很適合冬天喝 🥭 楊枝甘露 $21芒果汁有微微的濃稠度 配上一些微酸的柚子果肉和增加口感的西米露 非常的清涼環境 ⭐️ 3/5食物 ⭐️ 5/5推薦指數⭐️ 4/5 #food #foodporn #foodstagram #hkfoodie #hkfood #hkfoodblogger#北角美食

今日25/1初四，買咗一碗燉奶一碗渣渣。收銀阿姐話$60。餐牌寫住燉奶$24，渣渣$27。收銀阿姐話新年加$5。比完錢出門口望清楚餐牌同根本無notice 話加價。個阿姐根本求求其其亂噏！諗諗吓覺得唔對路返轉頭問多次，佢嗱嗱淋比$5我！原本$51，跟住$55！我見咁多人嗰幾蚊就由佢。門口有個阿叔仲笑笑口話乜咁醒目呀？後面有另一個客話加咗佢$4一碗。以為明碼實價原來都係⋯不過以後「請我都唔會再幫襯」！祝生意興隆，比心機呃得一個少一個客。恭喜恭喜

這間中式糖水鋪，位於北角的地鐵站附近。店舖環境乾淨衛生。一般中式糖水都有，例如紅丶綠豆沙，合桃合桃露、芝麻糊等等⋯款式多而且價錢大眾化。它們最出名大良燉鮮奶，又香又滑是女生必選。糖水甜度控制得很好，不會太甜也不會太淡。木瓜杏仁燉銀耳～＄23，清潤養顏。合桃糊～＄24 合桃香滑潤腸。

同爸媽都係比較鍾意食中式糖水，因為系自己在家整不到的味道😆，而且依間價錢合理好抵食，港島區都有幾間分店，水準維持不錯！佢嘅中式糊類糖水吾會水希希，夠晒黏稠，而且吾會過甜，一定會再回頭來食😬******************************✨補腎腰果糊 $21（4/5）叫了熱的，好香好滑，也不會太甜。注意‼️只有星期六日先有供應✨合桃糊燉鮮奶 $24（4.5/5）私心推介❤️我次次黎都食呢個😍比起芝麻糊我比較鍾意食合桃糊（只是個人口味），叫了凍的燉奶都唔會雪到好實，而且吾會好甜，甜度比裏面的合桃糊低✨芝麻糊燉鮮奶 $24（4/5）依間系算整得好食嘅芝麻糊👍🏻因為都係夠濃夠香！

翠苑甜品專家（North Point）️前排去北角Staycation🏨 食完晚飯去酒店附近行吓🦵 點知見到幾間舊式甜品舖 是但揀咗一間嚟試真係幾有驚喜🥰🥰⌖ 楊枝甘露 🥭💰$22雖然一碗過冇咩擺盤嘅花巧 不過價錢夠抵食！ 🤔🤔 選用嘅芒果有兩款🥭 甜酸夾雜 食落又幾得意🤣🤣 同埋幾新鮮 西米偏大粒同爽口 仲有些許碌柚碎🤏 芒果汁偏淡少少 鮮芒果比較搶味～⌖ 大良燉鮮奶 🥛💰$23有一種返鄉下嘅味道😿😿 呢款甜品真係好少喺香港糖水舖搵到🫠 燉奶好滑溜 甜度適中🤤 奶味突出 未試過嘅朋友仔不妨一試😗😗☻ 回頭指數：7 / 10 ❝ #Amiの港島覓食記#Fatshit_ami #desserttime #北角美食 #港式美食 #港美食 #食好西 #港式甜品 #中式甜品 #楊枝甘露 #大良燉鮮奶 #北角甜品推介 #港式糖水 #中式糖水 #北角糖水舖

冇乜幾可去北角，經過見到想食嘅店舖就入去試😂好似發現新大陸咁～海帶香草綠豆沙$18呢期燥熱，食綠豆沙啦！好多年冇食過呢啲涼野，食黎下下火～比較杰身，海帶好足料！合桃糊燉鮮奶$23呢個中式甜品係市面上買少見少，見到一定要試啦！味道比想像中差少少，合桃糊比較稀！燉鮮奶真係好鮮奶😂對合桃糊有要求嘅我表示麻麻地！整體偏甜，當然中式糖水「甜」係正常架！

今日路過見到有間比較舊式嘅糖水店，就入去試下，我哋叫咗合桃糊，芝麻糊，大良燉鮮奶。合桃糊冇核桃味，芝麻糊冇芝麻味 ，大良燉鮮奶反而比較好，不過好在甜品唔係太甜，但老實講，唔係太好食，所以都唔會再幫襯。

好耐冇食過中式糖水, 突然經過見到呢間舖頭, 決定入去幫襯一下, 入到去坐底咗就睇下有咩揀, 最後決定試碗芝麻糊燉鮮奶, 真係覺得唔錯, 另外加六蚊要埋芋丸,真係抵食! 一定會再幫襯!