曜鴻石磨腸粉

营业中

休息中

兩間分店都喺屯門 而我哋就揀咗去良景市集呢間超方便行菠蘿山前後食😆老實講 我第一次食石磨腸粉而且皺皮腸嘅賣相唔算討好因為佢完全唔係平時早餐啲豬腸粉咁挺身但食落又好ok喎😋而家排名係炸兩 > 豬腸粉 & 皺皮腸 > 酒樓蒸腸粉呢間老闆娘真係超nice 可能因為我哋堂食佢係咁同我哋吹水😆 又同我哋講邊樣受歡迎啲👏🏻仲有呢間幾健康 可以走油 (即係腸粉面嗰浸)新鮮豬潤腸粉 (拉薄) $20 🙆🏿‍♀️老闆娘話晚晚零晨2點開始石磨拉薄嘅腸粉睇落會俾正常嘅少一半左右但完全睇到入邊啲料 夠晒透 證明真係皮薄餡靚👍🏿友人識落有種特別嘅味道老闆娘話我哋聽 先知原來嗰種係米香味因為係石磨嘅關係 如果好眼少少有機會會見到米衣添而豬潤份量亦夠多夠鮮😋素三絲蒸腸粉 加粟米 $22 🙆🏿‍♀️素食者首選 除咗健康之外 味道亦都唔錯㗎素三絲係紅蘿蔔、木耳同翠玉瓜 再加埋粟米口感好豐富除咗腸粉本身之外 亦有送自製梅菜同埋青辣椒撈埋一齊食 一流🤤🤤🤤叉燒蒸米粉 加金菇加臘腸 $38 🙆🏿‍♀️揀完叉燒之後又想加嘢 但又唔知加乜好呢個時候 老闆娘又出場啦 佢叫埋啲夥計一齊幫我哋諗最後加咗金菇同臘腸 因為本身有

之前好多朋友介紹屯門有兩間全人手石磨腸粉皮薄餡靚，即叫即整係人手用米加水用石磨磨成米漿連餡料一同放入鋼盤蒸所以決定山長水遠入去試一試叫咗兩份腸粉、黑豆漿同埋兩款中式糖水素三絲腸粉三絲分別係甘筍、木耳絲、翠玉瓜，另外加咗生菜，因為外皮非常薄，所以基本上每一啖口感都好豐富。第二份係秘製叉燒腸粉，可以加錢再加其他配料，我自己再加粟米、雞蛋、雞絲。因為太大份食，拎返屋企蒸返熱都仲係好好食。呢度嘅腸粉大部份都係10幾至20幾蚊，可以因應自己喜好另外加錢加配料，都算抵食。芝麻糊給香滑濃郁。我自己特別鍾意紅棗雪耳桃膠，呢一間材料真係好豐富，雪耳同桃膠份量都超級多。

而家連山景街市都有得食的石磨腸粉我一向鐘意食石磨腸粉見屯門有一定要試下啦😋肉燥撈腸粉：一流,肉燥好好味，味道咸淡適中😍我經常幫襯呢味😋薄粉漿好好食，聽講係自己買米返黎磨，所以咁正，食完都未夠喉😝所以買多樣食👇素三絲腸粉：就算無肉都一樣咁好食，有紅蘿蔔絲，木耳，耳肉瓜等等，好足料，另外仲附上豉油，淋埋豉油都好正😊糖水又係我之前成日幫襯佢地，全部都好好食，熱食凍食我都試過，吾錯😊芝麻糊：好香濃芝麻味，好喜歡杰身的口感，吾會太過流質，我鐘意😊紅豆沙：外賣返去雪凍食，凍食又有另外一種風味，好清甜，甜度岩岩好，吾會過甜又吾會淡👍🏻綠豆沙：熱食一樣好清甜，仲有海帶。黑豆漿都好好飲！呢間小店係一間有下苦功同心機的食店，服務又好好，又快手，有咩要求佢地都會配合到，店員有禮貌，所以幫襯過咁多次都仍然會再食佢，舖面乾淨衛生都好重要，等待時間短，自己係真心鐘意，又推薦各位鍾意食腸粉既朋友都黎試下啦 👍🏻