炊豕店 (加路連山道) (已結業)

晚上跟朋友打完球之後，路經排滿隊的炊豕店。有見時間尚早，於是便排隊等侯。等了大約十分鐘便可入座，坐位不是很寬敞，加上帶著球拍的我，更有感擠逼。我們點了蔥油豬扒飯，蔥油加上白飯本身已經是很完美的組合，再加上又熱又脆的豬扒，這碗飯真的很好吃！豬扒不會太肥利，剛剛好！60多元於銅鑼灣一帶，是真的物超所值！強烈推介另外我們亦點了芝麻雞翼，雖然有點乾，幸好微辣令雞翼味道帶點驚喜。蘋果汁也不錯 只是另加8蚊就能喝到。下次來，可以嘗嘗他們的肉燥飯～

邊個話銅鑼灣淨係得貴野食?其實銅鑼灣除咗大商場入面嘅食肆街巷入面都有林林總總嘅小店今日我就去咗試依間係加路連山道嘅豬扒店其實之前都成日經過炊豕店依間小店 但每次都好多人排隊 今日我下定決心一收工就衝過黎食 果然 排咗五分鐘就有得入座lu^^佢地無一本本嘅餐牌 都係用紙✅✅✅落單雖然黎之前係openrice都見到啲人話塊豬扒好大但佢上嗰刻我都有俾佢嘅份量shock到😂因為真係超級大塊 大約係兩隻手咁大🖐🏻🖐🏻我地叫咗葱油豬扒飯 佢地嘅秘製醬汁送飯真係無得頂我同母親大人share一碗都每人分到咁大碗可想而知係有幾大份!!!咁除左小菜我地都叫咗幾款小食分別係辣味海蜇 芝麻雞翼同涼拌大豆芽可能真係店主炸野有一手芝麻雞翼好香脆好惹味🤪同埋好鍾意佢地放大豆芽嗰碗 好懷舊成餐飯加埋野飲都係每人$70到 又飽又好味 係銅鑼灣黎講真係超抵食隨時返黎encore!!

今日去開銅鑼灣南華會附近，知道有條街有好多餐廳，就特意去覓食啦經過見到炊豕店，心諗呢間餐廳個名咁熟嘅，原來係之前聽朋友介紹過，一直以為係貴價日本餐廳，所以久久無去試，今次經過門口，得知餐廳價位大約$60一個飯，決意同朋友排隊一試！人龍大約有10人，等咗10分鐘左右，好快就有位入得去了！入到去先知唔係日本餐廳，原來係主打懷舊嘅本地餐廳，鋪頭比較細，座位亦比較逼，不過勝在人流去得快我同朋友一行二人叫咗signature嘅葱油豬扒粗麵，肉燥汁豬扒飯，一個小食芝麻雞翼，同埋蘋果汁，2個人都只係$160！呢個葱油豬扒粗麵嘅葱油真係可以用海量來形容豬扒又超級大份，細食嘅女士絕對食唔曬！豬扒炸粉好薄身，又炸得好脆身，就算攤咗一陣先食都唔會淋！值得一讚嘅係飯係珍珠米，煙韌有咬口，一啲都唔馬虎對比起豬扒嘅份量，芝麻雞翼就顯得比較細隻，果然係小食！

呢間已經食左幾次，今日同朋友黎食，夜晚依然好多人，大約等左15分鐘左右就有入到去。雖然佢啲位比較窄，但啲野食真係唔差。價錢相對同區黎講真心平，而且份量夠！豬扒又即整，脆卜卜好好味。不過啲小食就一般般。

今次去左一間連店名都唔識讀的—炊豕店話說呢間店，之前都有朋友介紹過，話一到飯點時間門外就大排長龍，坐無虛席，主要係食豬排飯，今次我都唔執輸，拉埋女朋友去食，去嘗一嘗呢碗豬排飯的滋味7點幾去到，岩岩好有2個位置，唔洗等，直接入左去坐底，一坐底，見到周圍充滿懷舊氣氛，旁邊仲有一幅紅磚牆，幾有舊時食大碗飯的味道坐底緊係拿拿杯睇餐牌，我隻肥豬都開始叫肚餓，見到旁邊枱的大大塊豬排，真係閃爆我隻豬眼最後就叫左咖哩炸豬排粗麵、芝麻雞翼、椒鹽魷魚、可樂同麥精。唔使10分鐘，野食到首先黎左係芝麻雞翼，炸得好脆身，外層灑左七味粉，好惹味，一啖咬落去，好香脆，有小小肉汁湧出黎，好正 主角出黎啦 咖哩豬排粗麵，估唔到d豬排咁粗咁大塊，一碗大大塊放係麵上，咖哩係另上的，第一下咬落去真係我係香港食過最好食既炸豬排之一，好香好多肉汁好甜，係愈咬愈有味，同薄薄既外皮一齊咬，一軟一硬，真係無得輸 連埋d咖哩粗麵，配搭一流，終於明白我之前食個d豬排同呢個相差幾袁食完呢碗，大開我隻豬眼仲有個椒鹽魷魚，本身我都好鐘意食椒鹽魷魚，佢碟起碼有7-8粒魷魚，粒粒都好大粒，魷魚同椒鹽個味好夾，旁邊仲有一個醬油，沾左之後係更香，魷魚裹