仙跡岩 (至秀商業大廈)

营业中

休息中

還記得第一份part time 就是做仙跡岩，珍珠奶茶，孖寶雙輝，厚吐司全部都是經典食物，當年更是我們放學後的聚腳點，今天來懷念一下胚芽珍珠，飲品類可選杯裝或重量裝，小麥胚芽營養價值高，加在珍珠奶茶上，多了一份口感，珍珠煙靭無比，點一份湯麵或飯類，飲品便可以有半價優惠同友人點了一麵一飯共享招牌小兵哥三牛麵，牛肉/ 牛根 及 牛𦟌，除了三牛，還有配菜有紅蘿蔔，酸菜及豆腐，材料充足，牛肉夠腍，牛根未算最腍但反而有口感爽口台式豬軟骨滷肉飯，滷肉夠濃味，每一啖連同白飯一起吃簡直一流，一啖接一啖，豬軟骨也不錯，肉夠香仙跡岩中最愛吃脆豆腐，有四件跟八件點，外層脆脆的內裡超滑，再沾上旁邊的醬汁，整體好似臭豆腐還有花枝丸，有別於墨魚丸，剛剛炸起時形狀比起乒乓球還要大，同樣沾上旁邊的味粉，咬一口，有一粒一粒的花枝仙跡岩分店越來越少，它是我地的童年回憶，希望我們可以讓仙跡岩繼續留傳下去

今日同朋友去佐敦食飯，喺b出口附近見到有間樓上cafe，仲有free wifi，就入去試一試。 入邊座位幾多，都坐得幾舒服，有一個好大嘅街道景。 見餐牌第一頁係介紹牛肉麵，於是叫咗佢個牛展牛肉麵，再加一個雞中翼讚岐烏冬配咗個珍珠奶茶，同熱花旗參蜜。另外叫咗個花枝丸，奶油豬同花生厚片吐司。 過咗五分鐘，熱花旗參蜜同珍珠奶茶分別送上，熱花旗參蜜係有個杯同個壺，可以refill幾次，味道唔甜有花旗蔘味。另外珍珠奶茶，有好多珍珠，珍珠大粒爽口，有奶茶香。 過多兩分鐘，牛展牛肉麵同雞中翼讚岐烏冬都送上，牛展牛肉麵有好多配料，牛展同牛肉都有好多塊，而且用比較扁身嘅面，更容易吸到牛肉湯嘅味。 而雞中翼讚岐烏冬，有半隻鹵蛋，同兩隻雞中翼。魯蛋同雞中翼都好入味，而讚岐烏冬爽口彈牙，吸曬湯底嘅味。 呢度上餐好快，過多五分鐘，花枝丸，奶油豬同花生厚片吐司，都分別送上。 花枝丸好大粒，唔多油，好熱。應該係啱啱油炸出來，粒圓肉質彈牙。 而奶油豬，用嘅係厚身嘅包，個包烘得啱啱好，個包乾身而且冇烘燶，啲奶油同埋煉奶溶曬落個包度。 最後係花生厚片吐司，的確比街邊吐司時厚一至兩倍，花生醬搽得好勻循，麵包密度亦都好高，