227甜棧 (已結業)

呢間糖水舖係朋友介紹嘅，一試就喜歡！已經食過好幾次，環境坐得舒服，又唔使排長龍。成間餐廳裝潢都好中式，入面除咗有中式糖水，仲有好多養生類。平時諗開中式糖水都係熱食，但呢間入面都有好多凍食同唔同款式嘅糖水揀，可以自由搭配自己鍾意嘅糖水。呢款有得凍食，鮮奶加蛋白一齊燉好香好滑，花膠喺面頭，都算幾多，仲有杞子喺上面，咁配法都幾好食。滿滿的愛玉喺面，配以桂花蜜，好香好甜。有冰底，食之前要攪勻佢，食完透心涼～入面仲有少少珍珠，有啲咬口。呢到嘅糖不甩同其他地方嘅好唔同，有兩款味道，一款係原味，一款係綠茶味。有三種粉俾你點嚟食，一種係花生，一種係似杏仁味嘅粉，一種係綠茶粉。個人最鍾意中間嗰隻～

甜住養身配合甜棧一詞，連店鋪裝修亦都跟客淺無異內𥚃牆身以紅色為主，配以木枱椅及中式紅色大燈籠，用膳體驗滿分花膠燉鮮奶蛋白($51)燉鮮奶就試得多，但配花膠就第一次，不禁一試。花膠切碎加幾粒杞子，再送一口甜甜的鮮奶蛋白，夠創新，不錯有咬口的配搭。原隻木瓜燉燕窩($69)木瓜熟而清香甜，若單食中間椰奶及燕窩，會感到椰奶味有重而非常甜。相反，若連同木瓜一齊食，味道就剛剛好。總結，連食甜品都可養身，抵讚

係附近整車，又唔想飲咖啡，就入咗呢間好似台灣嘢嘅糖水舖食個糖水等攞車。內在環境都算係有心思裝修過，卡位ok，木凳，你預咗硬、唔好坐，不過檯凳都好乾淨無癡立立～花膠燉木瓜蓮子雪耳，清甜，感覺好潤，都算多料，有成4-5舊花膠食個蓮子煲到岩岩好，係新鮮蓮子，好香！$49抵過花膠燉蛋好多！花膠燉鮮奶蛋白，首先勁少花膠碎到冇朋友然後兩樣嘢完全分開，就咁畢上去完全冇意思！好彩個鮮奶蛋白夠濃、燉得都夠滑。如果有下次，我會食平一半嘅鮮奶燉蛋白

花膠燉鮮奶蛋白 $49唔知點解我哋要等咁耐😿30分鐘有多黎到熱辣辣 花膠唔算好大 不過都有好多粒 差不多啦🙈蛋白都幾滑 唔會好甜 名乎其實既養生系列😂不過個人還是喜歡凍的多一點評分:7/10🌟彩虹綜合圓黑糖沙冰 $38好鐘意食呢間 健康又好食🤘🏻黑糖沙冰唔會好甜 而且唔會太快溶🙈紅豆 緣豆都唔會過甜 珍珠都好彈牙😋芋圓有唔同色好qq 而且都好煙韌 同台灣食既差唔多 唔會有勁多粉好難食 食完飯都食得落☺️😚評分:9/10🌟他們還有自得配搭的甜點 也推介 真正認為很多產品也不錯 幾年沒來也能保持水準 難怪也是那麼多人光顧🙈💕😋

早就聽聞太子這間「227甜棧」以養生甜品出位，當中包括一系列加入花膠的中式甜品。這天和朋友到來，試了$49的花膠燉鮮奶蛋白，不俗。$49都唔會預有好多花膠，但總算是真料。蛋白上面鋪上花膠和杞子，顏色幾誘人。個鮮奶蛋白本身好清好滑，但口味偏淡（比正常的少甜還要少甜），啱晒我這些想吃甜又不能吃太甜的人。叫多個$36的雪糕紅豆綠茶布甸，綠茶味難以同一些專做綠茶甜品的日本過江龍比較，但總算清新怡人，賣相亦佳。不得不提是這裏免費任飲的花茶，好淡但有花香，不俗。

近日秋風起，好多朋友都會咳兩聲或者傷風。今晚食完飯，就同朋友去太子一間養生糖水去食個糖水，補補佢227的室內設計好似古代的客棧咁，環境不錯。花膠燉鮮奶蛋白的味道就偏淡，對於我食慣重口味的人黎講真係太淡，唔夠喉。蛋味幾香，入口好滑冇起泡。表面有少許花膠，入口爽爽地有少少咬口，但係味道冇咩特別，呢個配合並無特別或者驚人的感覺。47蚊有少少貴寒天芋圓地瓜圓薑汁糖水，寒天好爽口，芋圓的味道夠甜，有咬勁，表面有少少冰沙，入口凍冰冰好過癮。薑汁唔會太辣，入口好舒服。另外，店家提供糖漿比我地自己加，鍾意食甜D既朋友可以再加黑糖漿。紫米芋圓地瓜圓黑糖水，紫米好香，口感好好，同上面個個糖水的味道其實差唔多，但係呢道糖水就冇薑汁味，味道較甜。加上紫米本身的甜味，不錯哦！

花膠，算是女生的美容佳品。以花膠來製作甜品，絕對令人萬分期待。這道花膠燉鮮奶蛋白，入口清甜幼滑，自然的蛋白香，令人覺得蛋白的比例應該比較重，但又不失鮮奶所帶來的細滑度。再加上面頭鋪上浸足一天再煮的花膠，咬感十足，而且滋潤養顏，相信女生都會對此表示十分喜愛。吃起來。Dep Dep Dep♥

分別在雜誌,OPENRICE見到食評不俗, 再加上以花膠為賣點, 所以刻意揀了附近食肆食完晚飯後, 帶著一班好姊妹來嚐嚐, 我們叫了:豆腐花配黑糖水 - 豆腐不滑, 吃不出豆味, 跟一些專門買豆腐花的店舖相比相差甚遠, 但唯一可取之處黑糖水不是太甜花膠燉鮮奶蛋白 - 還可以, 但我朋友指花膠切得太碎, 好似吃燉鮮奶抵一點花膠燉鮮奶 - 奶味不夠濃, 但花膠算幾大片, 而且不太甜, 還可以花膠三寶茶 - 一般, 說不出有什麼特別, 只不過加了一兩小片花膠而已服務不錯, 環境還可以, 坐位不會太迫, 枱跟枱之間的空間還可以接受。老實說，不見得特別出色, 但路過太子還是可以一試, 畢竟附近沒有相類似的舖頭。

在首頁的餐廳排行榜見到呢間227甜棧於是食完飯就心思思就去左試下佢地既糖水~位置都易搵, 地鐵站行幾分鐘就到.門口裝修得古式古香, 離遠一看已知沒有找錯地方內部裝修精緻, 侍應亦算招呼周道, 解釋每款糖水可如何配搭等等落單後仲提我地有免費熱烏龍茶, 真細心, 可於食飽飯後消一消滯再食糖水~叫了一個花膠燉鮮奶蛋白, 一個花膠芒果布甸第一次品嘗用花膠做的甜品, 感覺特別!滑滑燉鮮奶蛋白,我個碗剛好新鮮燉起由廚房直送出黎, 正呀~蛋白燉得好滑, 中間有數片花膠, 食完感覺好滋補啊~另一個花膠芒果布甸, 布甸面頭亦放了數片花膠兼黑色珍珠, 再淋了淡奶~侍應話個布甸唔似出面街個D用魚膠粉的, 而係用花膠燉出黎既膠質黎到取代魚膠粉, 聽落都好犀利!用匙羹一筆落去, 哇, D芒果肉多到丫, 非常足料!啖啖肉真係好滿足!下次再黎食埋個豆腐花先, D 配料又係比較少見. 而且每款都有養生功效~呢間糖水鋪開張不久已晉升到排行榜第一位果然有道理!

睇雜誌得悉太子開了一間以花膠糖水做招牌的甜品店，一心想去一試；未幾，飲食男女推出團購此店優惠，以$15購買$30現金卷，二話不說就買了兩張！是晚吃完壽司，時間尚早，來了太子一試此店。此店位置不在大街，需要花點時間找尋，但只要見到一間充滿古典味道的小店就是了！小店的裝修很古色古香，收銀處叫＂錢櫃＂，很有趣！此店的招牌是養生糖水，是豆腐花或仙草配以各種配料，店員有詳細講解，但我們的目的是花膠，所以沒有留心他說什麼我們點了花膠蛋白燉鮮奶（熱）和花膠三寶茶（熱），之後店員指示可隨便去水壺取凍頂烏龍茶飲，裝茶的碗很的式，很可愛！花膠蛋白燉鮮奶（熱），燉奶上有幾粒花膠，微甜的，燉奶也頗滑，不老，略嫌花膠分量偏少。花膠三寶茶（熱），内有花膠，雪耳，紅棗，百合，蓮子，一開蓋就聞到很香紅棗味，入面的花膠分量也比花膠蛋白燉鮮奶的多！兩碗共$100，扣回團購的優惠，付多$40就可以了！抵食與否，見仁見智，但與我心目中想食的花膠糖水，還有少少距離（可能係我要求太高了吧）