極尚大喜屋 (鱷魚恤中心)

营业中

休息中

很久沒有跟朋友聚會了，趁今晚早收工，就同朋友去觀塘「極尚大喜屋」開餐。「極尚大喜屋」位置鱷魚恤中心三樓全層，一開𨋢就見大大個招牌，非常易搵！由於太肚餓，一嚟我們先點了一大盤新鮮魚生，全部厚切，三文魚、蝦、帶子等乜都有，勁好味！創意壽司係「極尚大喜屋」的重中之重，而且會經常換款式，每次嚟都有新鮮感。玉子配鰻魚、帶子配魚子，款款都咁正！另外，海膽壽司都係回本必食，出面食起碼$20一件呢！除了壽司，呢度仲有好多熟食，例如女士養顏必食的花膠，勁惹味的一口燒牛肉，獨食或開心share都得！飲品方面，汽水、啤酒、日本清酒都有，我就揀了日本啤酒呢！甜品方面，食飽最啱歎返杯乳酪呢！星期四晚巿時段每位$328，女士都好易回本！

想食得暢快、唔想每叫一個菜都要計住計住驚爆budget？任食放題啱晒你！平日去開apm，今晚就轉戰去鱷魚恤中心搵食！「極尚大喜屋」位於三樓，一坐低，我們就急不可待瘋狂點餐！先來一大碗新鮮魚生，雖然是任食，但三文魚等都是厚切，好有口感！然後就點林林總總的壽司！除了傳統款式外，今次還多了很多創新款式，尤其是有款加添芒果的，非常鮮味，搞到我連續order了三次呢！手卷方面，大大粒魚子手卷咬得好爽口！除了必食的魚生、壽司和手卷，我們還叫了林林總總的美食，例如蝦多士、花膠等，真係滋味無窮呢！趁肚子還有空位，最後更去自助區添了些熱食例如炸雞刷到最後呢！飲品都非常多元化，連熱飲都有，非常照顧到我的需要呢！

對這家店最高高高高高的評價就是員工的服務態度，真的非常正面。由致電查詢價錢開始，接電話的女職員非常有禮，非常耐心的說明價錢和用餐時間，更建議可以幫忙預先留座用餐。到昨天前來用餐時，walk-in的人非常多，而我訂了座，職員很快就安排入座，帶位的職員亦非常有禮。送餐和收碟的速度亦非常迅速，雖然有點漏單的情況，反正可以再下單，整體服務也非常滿意。花膠和蔥爆鱔球有點過鹹，其他點餐的食物也很滿意。自助吧的食物（尤其海鮮櫃）經常都見底，可能食客太多吧！希望能多加注refill就好了！總括而言，值得一試的。