影片
更多
2021-08-23
7915 浏览
我不嬲都好鍾意打邊爐，呢排立秋之後好似有涼到少少，就更加想打邊爐，無論係港式、台式、定係麻辣火鍋我都鍾意，今次食嘅係一間幾高質嘅台式火鍋，賣點係唔會趕人走、唔使好急食兩個鐘，再出去同朋友食甜品先傾到計既火鍋店。呢間鍋霸吃到飽台式養生火鍋，係一間佐敦嘅台式養生火鍋店，湯底主打特色養生藥膳湯底，好似藥膳醉雞湯底同藥膳椰子雞湯底。火鍋配料超過60款，包括Prime美國安格斯肥牛、西班牙豬肉片、羊肉片、豬頸肉、雞髀肉、多款海鮮、鴨血、手工餃子、ShakeShake鹹蛋黃魚皮等，仲會送Mövenpick雪糕，選擇夠多。小食包括炸魚皮、涼拌麻辣青瓜、木耳，非常惹味。飲品方面有手工冷泡茶、自家製烏梅同台灣進口冬瓜茶，全部都係飲飲。餐廳喺佐敦嘅莊士倫敦廣場，地鐵站行兩三分鐘就到，唔算難book，前一兩日book都有位，book左7:30就入座。餐廳環境幾闊落，全部都係卡位，坐得舒服。座位隔離會擺兩樽雞湯俾我哋自行加湯，冇晒嗰時啲店員會主動換啲湯底。依度會寫明有邊啲嘢食係任點，可以scan QR code點菜。醬料區非常大碟，有蒜蓉、炸蒜、山茶醬、指天椒、蔥、芫荽同麻油。-🥘 吃到飽套餐 💰298/位呢
呢間鍋霸吃到飽台式養生火鍋，係一間佐敦嘅台式養生火鍋店，湯底主打特色養生藥膳湯底，好似藥膳醉雞湯底同藥膳椰子雞湯底。
木耳
103 浏览
1 赞好
0 留言
火鍋配料超過60款，包括Prime美國安格斯肥牛、西班牙豬肉片、羊肉片、豬頸肉、雞髀肉、多款海鮮、鴨血、手工餃子、ShakeShake鹹蛋黃魚皮等，仲會送Mövenpick雪糕，選擇夠多。小食包括炸魚皮、涼拌麻辣青瓜、木耳，非常惹味。飲品方面有手工冷泡茶、自家製烏梅同台灣進口冬瓜茶，全部都係飲飲。
餐廳喺佐敦嘅莊士倫敦廣場，地鐵站行兩三分鐘就到，唔算難book，前一兩日book都有位，book左7:30就入座。
餐廳環境幾闊落，全部都係卡位，坐得舒服。座位隔離會擺兩樽雞湯俾我哋自行加湯，冇晒嗰時啲店員會主動換啲湯底。
依度會寫明有邊啲嘢食係任點，可以scan QR code點菜。
醬料區非常大碟，有蒜蓉、炸蒜、山茶醬、指天椒、蔥、芫荽同麻油。
-
🥘 吃到飽套餐 💰298/位
呢一間嘅火鍋店特別在佢嘅套餐，一般嘅火鍋放題都係60分鐘到120分鐘，而呢度度特別在可以不限時，餐廳5:00開始晚市，喺未有疫情之前佢哋係可以開到凌晨2:30，即係可以食九個半鐘，咁當然疫情之後就只可以食到10點，但都已經有五個鐘，如果係一大班人好鍾意傾偈其實好適合，五個半鐘其實可能兩個鐘已經食飽，但係就可以有個地方傾幾耐食幾耐都得。
湯底方面佢哋有16個選擇，主打藥膳、養生嘅湯底，行台式風格，我就叫個店員推介嘅藥膳麻辣蕃茄牛肉鍋同藥膳椰子雞涮涮鍋。
我係幾個月前去，呢個每位$298既餐仲有，呢家多左個每位$398既餐每位$298既餐，分別係多左Prime牛頸脊同西班牙伊比利亞黑毛豬可以任點。
-
🥘 藥膳麻辣蕃茄牛肉涮涮鍋 （👅: 8.5/10）
藥膳麻辣蕃茄牛肉涮涮鍋
$298
29 浏览
2 赞好
0 留言
呢度嘅蕃茄湯係餐廳自己將新鮮蕃茄打醬，而唔係落啲現成嘅茄醬、茄膏，湯底夠濃稠，蕃茄味出，飲落麻味幾重，唔算辣，唔係好食得辣嘅人小辣就啱啱好，不過帶少少苦澀味，應該係花椒比例比較多，但依種苦味係可以接受，湯底同時有酸、甜、辣、苦，會越煮越麻，夠味唔駛點豉油。呢度嘅牛肋條食落唔會有羶味，食落軟腍夠入味。湯底算係幾重味，會越煮越重味。
-
🥘 藥膳椰子雞涮涮鍋 ＋💰48（👅: 8.5/10）
呢度嘅湯底非常足料，可以好輕易撈到非常之多嘅椰子雞、洋葱、木耳、粟米，湯底用椰漿代替椰水，飲落非常濃味，好重椰香味，因為佢係藥膳湯底，會見到有唔少紅棗，但係唔係會帶有苦味既藥膳湯底，飲咗好清甜，完全係可以當湯咁飲，飲落無平時咁油膩。
椰子雞唔係用冰鮮雞，可以見到佢比嘅都係大嚿嘅雞髀肉，因為個湯夠味，所以令到啲雞好入味好食，食落肥美肉嫩，無雪味，仲可以無限任添，係打邊爐好高質嘅雞肉。
-
🥤 台灣黑糖冬瓜檸檬茶 （👅: 8.5/10）
飲品方面好多選擇，飲品除咗有常見嘅放題飲品之外，仲有提供啲自家製沖嘅冷泡茶，例如有桂花烏龍、四季春、冬瓜檸檬等等。餐廳細心在佢唔止有凍嘅嘢飲，仲會有個暖嘅櫃裝住啲熱飲，而且仲有啲嘢飲係室溫嘢飲。
台灣黑糖冬瓜檸檬茶
54 浏览
1 赞好
0 留言
-
1️⃣ 鹹蛋黃魚皮 （👅: 8.5/10）
自家製shake shake鹹蛋黃魚皮
30 浏览
1 赞好
0 留言
魚皮都比較厚身唔算好薄，咬落脆口，食落魚味足夠，比起一般火鍋店嘅炸魚皮都好食，再加上加咗點都好食嘅鹹蛋黃粉，鹹蛋黃粉嘅味道已經好夠，其實唔需要再落其他shake shake調味。呢一碟前菜實在好好食，可惜在只可以送一碟，冇得任點，只可以點普通嘅炸魚皮。
-
2️⃣ Prime肥牛片（👅: 8.5/10）
Prime Grade 美國安格斯肥牛片
26 浏览
2 赞好
0 留言
-
3️⃣ 西班牙無激素豬肉片（👅: 8.5/10）
西班牙無激素豬肉片
22 浏览
2 赞好
0 留言
-
4️⃣ 手工三寶丸 （👅: 8/10）
手工三寶丸
26 浏览
1 赞好
0 留言
牛丸食落幾彈牙，味道夠重，有麻辣味。
梅菜豬肉丸食到梅菜香。
墨魚丸除咗咬落彈牙，仲食到墨魚味。
-
5️⃣ 自家製手工韭菜餃 （👅: 7.5/10）
自家製手工韭菜餃
29 浏览
1 赞好
0 留言
餃子類仲有麻辣豬肉粟米餃、香菇雞軟骨餃、白菜豬肉餃。
-
6️⃣ 白鱔片 （👅: 8/10）
白鱔片
25 浏览
1 赞好
0 留言
-
7️⃣ 手工黑松露墨魚滑 （👅: 8/10）
手工黑松露墨魚滑
19 浏览
1 赞好
0 留言
-
8️⃣⃣ 海鮮（👅: 8/10）
蜆食落幾鮮甜冇沙。
蟶子肉質夠飽滿，食落一樣冇沙。
帆立貝幾新鮮，食落彈牙
長蟹棒有八寸咁長，食落滿足。
花膠
201 浏览
1 赞好
0 留言
花膠夠爽口，唔算好重膠質。
-
9️⃣⃣ 其他（👅: 8/10）
鴨血
42 浏览
1 赞好
0 留言
鴨血薄切，食落冇腥味，味道唔算好入味，但味道同蕃茄麻辣鍋幾夾。
爆醬濃芝牛丸
28 浏览
1 赞好
0 留言
油麥菜
101 浏览
2 赞好
0 留言
油麥菜幾新鮮，唔會好黃。
-
🔟 雪糕（👅: 8/10）
雪糕
77 浏览
1 赞好
0 留言
-
🌟呢度嘅食物質素係幾高質，冇話邊一種嘅配料特別伏，肉來講係火鍋店幾高質，可以係咁點，丸類係我覺得第二好食嘅配料，我自己特別鍾意爆醬濃芝牛丸，之後要數第三好食係海鮮，夠新鮮肉飽滿，飲品來講最鍾意係台灣黑糖冬瓜檸檬茶。
呢度係用QR code落單，但落咗咁耐都冇試過漏單，落幾多數量就上幾多數量，而且上菜速度都幾快，唔會話張枱冇嘢食要等，而食完嘅吉碟，店員都會好主動過嚟幫手收走，服務係幾周到喺火鍋店來講。
整體係間幾值得再食嘅火鍋店，我覺得同牛大人有啲相似，咁當然牛大人係專食牛，呢間就只有一款牛，但依度嘅湯底同其他配料都出色，配料就唔算好台式，勝在可以坐好耐，易book，絕對係我唔想試新野嗰時會再食嘅火鍋店。
-
👅味道: 8.5/10
🍴環境: 7.5/10
💰消費: $298pp (服務費: 10%)
张贴
