初見

营业中

休息中

今日係情人節，晚上禁堂食，又想同老公撐下枱腳，改為lunch去拍拖。"初見"個名好日本feel。就決定同老公試下啦。入到去環境幾靚，門口上面有天窗，d光照入來幾舒服，樓底好高。A5 初見四色刺身丼配味增湯($88)刺身基本上都好新鮮，三文魚都幾靚，帶子都有返咁上下大粒。 比較特別係佢唔係白飯，係有d日式拌飯粒粒係上面的飯。A6 日式咖喱炸吉列豬扒配白飯、味增湯($68) 可能係我地見識小，第一次食好似咖喱湯一樣的咖喱飯。又或者係同我心目中的咖喱豬扒唔同。講返個lunch ﹐吉列豬扒好大塊，唔算好厚，幾好味。咖喱係比較稀，我感覺好似配左一個咖喱湯咁？我覺得好似叫左一個吉列豬扒咁，同咖喱無咩關係。餐飲可以配花茶，叫左一杯試下，係玫瑰花茶，好香同都幾多玫瑰花。依家多左好多店都係用手機掃曲，依度都係。

打開餐牌其實好想食漢堡包，刺身，又想打邊爐。。。係疫情期間，當然打下邊爐啦～不過係一人邊爐🍲。原價88，加38有刺身三片，餐湯（南瓜湯或者面豉湯），仲送一杯餐飲。甘掋食，當然加啦～忍左一個月，食左塊三文魚、吞拿魚同油甘魚，感覺好開心，雖然魚味道淡淡，但肉質還新鮮。估佢唔到，唔係用Wasabi而係用山葵，而鼓油都唔會太鹹。我諗🤔如果唔係疫情下物流影響，餐廳的魚生應該係好有自信的，能以鮮味取勝。火鍋海鮮都算鮮甜，有青口，同3種蝦，6粒手指尾甘細的蜆肉等等。而估唔到有三文魚腩。本身個窩有白菜、竹輪、豆腐同椰菜等蔬菜，食完先有位落肉類😁。湯底唔會太濃味，好香龍蝦味。有菜有肉，配上珍珠米，食到好飽了！花茶係熱玫瑰茶，無糖，中和剛才的味道。

初見是荃灣一間文青風的日本菜餐廳。一到達餐廳門口，看見門口這個設計，已經可以深深感受到初見這種味道，令人不禁定格在其中，迫不急待想到餐廳感受一番。的菜式尤其多樣化，不僅有日式燒烤、火鍋、拉麵，也有刺身和漢堡，能一次過配合各人不同的口味。而我和朋友分別叫了日式燒烤和漢堡。初見特上漢堡飽配炸薯條$88初見特上漢堡飽餐十分足料，内層夾著厚片牛肉、香濃芝士片、流心玉子、煙肉和青菜，配搭著新鮮沙拉和大條薯條，食落飽口，不會太油膩。再配搭埋跟餐飲品時日花茶, 更能解膩。 板燒雪花牛肉配日式味素飯$98板燒雪花牛肉餐都非常豐富，12塊大大片雪花牛肉片、一大碟菇和南瓜、一碗白飯，跟餐果茶茶包，分量十分多，即使同朋友happy share也不用擔心唔夠食！而且雪花牛很嫩口，燒至半熟時配搭牛肉醬汁、鹽燒汁和海鹽，更是一流，香滑多汁，食完十分滿足。此外，不得不讚及的是店員十分貼心！不但在上菜時建議我們先燒配料菇和南瓜後飽嘗板燒雪花牛，更在我和朋友閑聊期間先後幫我們添加了3次板燒火種，服務質素非常好！初秘溏心蛋1隻$12另外，由於朋友十分好溏心蛋，我們更特登點了1隻秘製溏心蛋，味道香濃，口感不錯。總括而已，初

呢日難得放自己一日假, 約左個朋友黎荃灣行街街~本身就打算晚餐食日式野, 行左一陣就俾呢間既門口既餐牌吸引左!裝潢好日式, 入到黎有種好舒服既感覺入面仲呢有呢面草牆, 用黎影相一流!時間尚早未有好多人, 不過過多半個鐘就幾乎坐滿哂人!細心留意天花, 原來仲掛左D樹枝添係時候入正題喇, Menu既選擇有好多呀好多都好想食!!我個主食就加左$35升級做套餐, 有刺身、湯同花茶刺身小碟好豐富好厚切既魚生真係唔夠喉呀! 兩啖食哂, 好想繼續食南瓜湯足料既南瓜湯, 仲好香花茶初見版石燒香草吉列牛肉拼溏心蛋配白飯呢個吉列牛好特別, 外面綠色既係香草, 第一次試呢個組合! 十分期待仲有溏心蛋, 超豐富~牛肉基本上係生既, 可以按需要煎到你想要既程度好食又好玩! 個牛肉質嫩滑, 容易入口, 非常驚喜呀!初見特選仙氣壽司拼盤名乎其實仙氣十足既壽司拼盤!好有排場既感覺有三文魚、帆立貝、吞拿魚、海膽、蟹子、油甘魚, 仲有甜蛋同一隻赤蝦! 非常新鮮既魚生, 我最鐘意係隻蝦! 好肥美!見到D相都想再食過..Overall食物質素高! 環境好舒適, 店員服務好下次一定要黎食多次!

好喜歡去幫襯小店，這間在荃灣的小店好方便，在海壩街地鋪。有客人等待入場出面有餐牌，見都幾抵食又想打打邊邊，就入去食入到去別有洞天，樓底好高；上面一層層擺放裝飾及不同顏色的酒類飲品樽！這也是飲品區，樽裝花茶及其他飲料製作處（菊花熱茶）白菊花茶好香開得好靚，清香消濟，喜歡淡淡香味的菊花，又可清熱我們點了一個拉麵及一個一人鍋，拉麵加$35轉套餐（包熱花茶/果茶/玄米茶一杯、沙律/刺身小碟、自家製西湯/和風味噌湯）選了沙律，有蟹籽/熟蝦/不同沙律菜，清新又健康！口感爽配上香滑沙律醬🥗🥗🥗（日式叉燒配自家製豚骨湯拉麵）🐷大大碗，好香又多料叉燒好香好軟腍，3片肥瘦剛好，煎得好靚呀，好易咬！拉麵有咬口，剛剛好的質感，份量多；配料有清甜爽口粟米粒、黃金色糖心蛋、大大片紫菜、香蔥粒、筍片等等，豐富的配搭！豚骨湯好好飲，不會咸好香濃推薦（什錦海鮮什菜鍋配龍蝦湯）熱辣辣上枱，好溫暖又香噴噴龍蝦湯好香滑、金黃的湯底有好多配料（冬菇、金菇、雜菜、豆腐、芋絲、蘿蔔等）好健康喔海鮮都多款式，有我喜愛的三文魚（無骨又快熟又香）、2種爽脆肥美蝦、有口感螺肉、青口及蜆！放了海鮮進鍋中煲！這個龍蝦湯配海鮮好夾又香濃美味，材

«又去食街搵食»星期六日的荃灣，人多到彷如置身旺角，食肆更是多不勝數。來到海壩街的「初見創作料理」， 店名起得挺有心思呢！一進鋪，綠油油的一大片葉子，甚吸睛。«F2 傳統生菜蕃茄芝士和牛漢堡，配炸薯條» $95漢堡扒好多汁，薯條炸得香脆，沙律菜也很新鮮«E1 卡邦尼溏心蛋意粉 »$78溏心蛋很香滑，煮得剛剛好，超好吃。 意粉彈牙不漿口，煙肉和蘑菇份量足夠。«炸芝士餃子釀雞翼三隻 »$58 (跟餐減$5)雞翼炸得香脆，內外都不油膩。«轉餐加$35»有刺身四片，西湯和花茶。刺身很新鮮，不錯。