得龍大飯店 (已搬遷) 新店位置

當晚有幸被同事應邀飯局,得龍大飯店就浮然於他們腦海中,因為大家都很喜歡該店名物"金錢雞"。由於人未到齊又帶點肚餓關係,先點了花雕話梅豬手( $ 88 )；花雕清甜,不好酒的朋友都應該會愛上,豬手可口味美。錦鹵雲吞( $ 78 ),雲吞皮炸得香脆可口；醬汁酸酸甜甜夠醒胃,而且醬汁裡材料夠豐富,有叉燒,魷魚,菠蘿和蕃茄。吃了兩款佳餚,人都到齊,可以品嚐需要預訂的金錢雞( 每件$ 30 ) 這道菜式了,今次味道非常可口,雞肝燒得恰到好處,肥豬肉,薑片看似下欄既食物配上麥芽糖,只可以用兩個字形容好吃。金銀菜南北杏燉白肺湯( $288 ) 湯煲得非常濃郁好好飲,湯渣好食,不過點湯渣既豉油就沒有灣仔信得過那麼出色 燒鵝皇半隻 ( $ 218 ) 今次燒得皮脆香口,加上鵝肉當造,食落肥美可口。山楂咕嚕肉 ($ 90 ),繼金錢雞後又一名作,咕嚕外表炸得脆口,而且肉肥瘦適中,坊間整咕嚕肉最敗北既係醬汁,多數係太酸且汁太多;而得龍係做到唔會多汁之如,配合山楂,減低膩感。羔蟹粉絲煲 ( 約 $ 300 多 ) 由細到大海鮮對我嚟講係絕緣體,本人對我嚟講呢煲野冇期望,我第一口吃落粉絲索哂羔蟹既味道非常好吃

金錢雞,鴨腳包,焗蓮蓉西米布甸,唔訂就冇得食,一場去到點可以唔試最出名嘅呢 好濃味,個蜜汁好好味,肥豬肉+豬肝,好特別味道好好,好精緻,不過都係有大舊肥豬肉糯米飯好乾身,好味,係d蝦差d超好味,肉唔多粉,夠脆,個汁啱啱好凍食,食到酒味&梅味,好特別焗蓮蓉西米布甸...唔會太甜,好味

傳統菜都食過好幾間，今次就試下得龍，名就聽過好耐，亦有朋友黎過。4日前已經訂位，但係就唔記得訂野食，食之前1日打去，D單已經full哂啦…唯一個佛跳牆仲未fully book，照殺！菜式基本上是睇左食評先叫啲~花雕話梅豬手 - 花雕酒好濃，好香(我實在好鍾意花雕果種酒香味)，加上話梅果種酸酸甜甜，作為餐前小食，就最適合不過。佛跳牆 - 叫左個4人份量，都足夠我地7個人分，每人1碗啱啱好。如果自命係湯神啲就唔該order個大D架啦~湯啲味道濃郁，材料的精華完全溶響湯裡面個，賣相亦非常清澈，入口鮮又味，望下個碟湯渣先~有烏雞、瘦肉、金華火腿、花膠、海蔘、正淮山、螺頭、杞子…材料好豐富呀！古法太爺雞 - 味道特別，而且好入味，食落有陣好清啲茶燻味(好似茶葉蛋咁，但係冇咁濃烈)，以為咁入味，D肉就嚡口啦?又錯啵~D雞肉啱啱好，夠熟又嫩滑，燻過啲雞皮特別好食，配合埋雞肉啲黃油…嘩~膽固醇?咩黎架！?果然係得獎啲菜色，好味!呢個太爺雞今我想起我媽媽做啲油燻雞，我立即問番坐響我旁邊啲媽咪D味道似唔似，佢都話似呀~不過因為油燻雞啲烹調時間好耐，媽咪近呢10年都冇煮過啦~(我老公一聽到就立即叫佢整啦~因

兒時家在黃大仙，所以每當家人做生日必會到新蒲崗的中式酒家吃飯。但是自從搬離那地區之後已經很小去，加上現在大型酒樓已經取代了此類酒家。但是再光顧它之後發現兒時的情懷再現，更加記得兒時每每最希望的是可以喝汽水。今天因為只有兩個人所以不可以點太多的菜式，所以只能儘量選我們喜歡吃的：-花雕話梅豬手---第一口吃到感覺花雕酒太濃，可能只是一時間接受不了；往後之豬手已經沒有那樣濃的酒味，但是可惜的是話梅味道不太明顯，可能是被霸道的花雕酒蓋過。豬手份量適中，作為第一碟菜式，像冷盤一樣的開開胃口。蝦子柚皮---聽說要弄柚皮功夫很多，而柚皮弄得不好會有苦味道。所以絕對是功夫錢，蝦子的濃汁用來送飯很是匹配。山渣咕咾肉---那是今天最精彩的一道菜式，固然是招牌菜，一口吃到的咕咾肉是脆脆的，對比其他我所吃到的咕咾肉是像一舊肉而已的明顯是其獨特的地方。本來太爺雞和梅菜扣肉是我們想吃的，但是我們總想留一條尾巴等自己下一次還有藉口再來光顧一次，所以我們想留待下集大結局才吃。能吃到一頓美味而又帶自己一個兒時回憶的晚飯，實在覺得富足！（下集再見！）