美心小品

营业中

休息中

<英式早餐 $58>🌱開工前，預留30分鐘食早餐！飲晒杯野飲！看出窗外，鳥語花香。早餐能提供一整日的能量，個胃都精神啲。比趕頭趕命的日常，今日賺左一個早上，令心情靚足半日🥰🍽豬肉腸、煙肉、炒蛋、茄汁豆、番茄、多士☕️這裡的咖啡比較燶，fully roasted，即使落左全脂奶伴都救不回來。因此平時愛飲咖啡的我，在這裡比較喜歡奶茶。🪑這裡是自助快餐式Simply Life，食物製作都幾認真。請留意返，食物係即叫即整，所以要等一陣。要在門口等帶位，之後出去廚房落單，返位等食物送到。

美心小品可以話係係將軍澳裏面我最鍾意嘅餐廳（沒有之一）基本上我過親黎坑口絕大部分時候都會黎依度食野，無論環境定係食物質素都令我非常滿意！美心小品雖然係美心品牌旗下嘅餐廳，但係佢係全港只此一間，所以質素控制得好好。依度係一間半自助餐廳，自己搵位，自己點餐，自己拎野飲。點完餐之後會俾個數字牌你，野食之後就會送過黎你個位度。環境方面，依度會放一啲藝術品係唔同嘅地方，燈光柔和，幾有文青feel。今次我地傍晚五點半黎到餐廳，避開最多人嘅時間，所以唔洗等位。由於我地都唔係好肚餓嘅關係，所以叫左啲無咁大份嘅野食，分別叫左扒火腿芝士、公司三文治、英式早餐，同埋香辣雞漢堡。依次係我第一次試依度嘅英式早餐，所以都幾期待。一送上黎嘅時候，都係係我預期之內，賣相唔錯，茄汁焗豆嘅份量唔會好似其他餐廳咁，得幾粒。事不宜遲，馬上試食！茄汁焗豆味道唔錯，但係只係暖暖地唔夠熱，坦白講有少少失望。但係食完煎番茄之後，我改觀左。番茄「索」曬煙肉嘅香味，煎得唔太熟，又唔太生。香腸煙肉火腿，無乜可能唔好食嘅炒蛋係炒得比較熟，但係合我心意，因為我鐘意食炒熟蛋。多士係有啲失敗嘅，因為唔係好夠熱，同埋好乾。可能係因為我放到最後先食啦

突然想食比平日"高級"的早餐, 一心以為價錢"高上"等於食物"高尚". 就去咗重新開返嘅美心小品. "小"半自助形式, 自己搵位, 自己出去落單, 自己等and拎飲品. 佢只會送野食俾你. 價錢比茶餐廳貴, 公司三文治$42, 英式早餐$54. 加$10先有drink. 等咖啡等好耐都冇, 之後有人同我叫同一樣咖啡都有得拎, 我就問點解遲過我都有, 佢竟然話"我哋呢度係咁ga wo". 其實講句"唔好意思, 幫你跟吓" 真係咁難? 公司三文治幾大份, 係麥包幾健康, 不過dry 到爆. 冇食哂三件, 如果食哂應該會喉痛. 味道ok. 英式早餐同張相一樣, 腸仔煙肉蛋, 味道冇機會差ga. 只係$54值喺邊? 唯唯唯一可取係加$10杯咖啡唔差. 不過由於呢間野太受歡迎, 我哋食到一半已有人企正後面等位, 仲要望到你實一實. 本來美好的一天即刻變咗陰天.

難得閒日放假又一早起到身，落街食個悠閒早餐先再行街 一唸起悠閒兩字，就好自然唸起美心小品。簡約既裝修，枱上既植物擺設，柔和既音樂，令人有種放鬆的心情。加$4蚊叫咗杯熱朱古力呢杯朱古力係我呢幾年飲過最好飲的, 朱古力味香濃但又不會太甜，口感軟滑。英式早餐水準不錯, 特別係厚切鮮甜蓄茄，香滑炒蛋，香脆種子麵包。我既Happy Friday, 就由呢一餐美味既早餐開始咗啦