李公館

营业中

休息中

之前聽同事講話這間餐廳不錯，於是等到同家人來食慶生飯，在訂位時同時預訂埋這裡出名的杏汁豬肺湯及冰鎮咕嚕肉，還表明係慶祝生日，便會在冰鎮咕嚕肉上插上生日牌，夠哂特別！餐廳面積不算大，但沒有細枱，我地四人被安排坐六人枱，大家坐得寬鬆。而茶位每人＄16，前菜＄16，是基本入場費！我地點了:手拍青瓜青瓜清新脆口茶香燻蛋蛋有好濃燻煙味，其餘沒有什麼特別。冰鎮咕嚕肉主角出場超大好靚！賣相吸引，冰上面有士多啤梨同黃色蕃茄仔，中間有糖漿整成的裝飾品，還放上了生日牌，當然要相機食先啦！我最中意係有完粒士多啤梨同蕃茄仔被薄薄的糖漿包著，類似冰糖葫蘆般，咬起來脆卜卜，食落甜甜地帶少少水果酸，好好味！冰入面藏了咕嚕肉，桃肉及菠蘿，正所謂寶物沉歸低好玩又好食杏汁豬肺湯湯料豐富，豬肺㷛得好淋好滑，個湯係奶白色，飲落有好香杏仁味，而且飲得出個湯係用杏仁打磨而成的，調味適中，真係好出色茶香燻雞皮脆肉嫩，不帶點多餘肥膏，好好味花雕蛋白蒸花蟹第一眼見到好失望，隻蟹好細隻，而且價錢不便宜呢安慰自己說可能隻碟大顯得隻蟹細姐至於味道，花雕酒味香濃，蛋白滑流，可惜蟹比較瘦冇咩肉食，建議可以不點咖哩脆皮牛腩原來係用炸粉包著牛腩，雖

喺同事嘅介紹之下搵到呢間位置方便，座位寛闊，又適合大班人聚會嘅清靜地方。坐落喺集成中心對面，一幢商廈嘅二樓，好易搵。步入餐廳即時感覺一種古雅秀氣，裝修以翠玉為主題，地板門框都透出微微綠光，賞心悅目。設有兩間貴賓房及兩張獨立圓枱，夠唒私隱；普通枱同樣闊落，用上絲絨梳化，夠哂舒服。打開餐牌琳琅滿目，心大心細，全部都係新派菜式。我地緊係聽同事講訂位時，訂定招牌菜冰鎮咕嚕肉，果然名不虛傳，外脆內軟，脆皮帶傳統拔絲效果，肉嫩無骨，冷暖交雜，令人回味。隔離枱叫左升級版咕嚕肉，分別在於多左脆糖裝飾同増量水果，影相效果一流。另一代表作與別不同灌湯脆皮墨魚丸，亦相當出色，香脆外皮配彈牙墨魚肉，丸中間灌以鮮味湯汁，juicy茶香燻雞值得一讚，茶香四逸，外皮燻得脆脆嘅，成隻雞都冇乜肥肉，雞肉出奇咁嫩，正正層層疊係食得架，疊疊煎藕餅甚具鄉村風味，鮮味豬肉碎加爽口蓮藕粒煎得脆卜卜，不錯。玉桂蘋果安格斯牛柳粒，玉桂蘋果粒清新可口，惟獨牛柳粒帶梳打粉味，略為失色。石鍋紅燒野菌金磚豆腐，剛送上枱以為係魚塊，細看那薄薄一層灰黑部分原來係特別鋪滿紫菜絲嘅豆腐塊，就是這一層紫菜令平淡嘅豆腐帶來甘香，見廚師心思。海鮮什菜煲大