隨心 (已搬遷) 新店位置

同個老友食飯就佢, 約響佢公司樓下食.由佢隨心揀咗"隨心".Lunchtime當然勁爆, 晚市仲有一家大細, OT客, 連佢D鬼佬上司都經常落嚟食.<<貴州酸湯魚>>一上枱, 酸微微嘅香氣已經令人流口水.份量十足, 除咗魚片, 仲有蕃茄, 青瓜, 菇同寬薯粉.上面仲有D蔥花.湯底鮮香濃郁.因為有蕃茄, 酸辣而帶甜, 唔係死辣. 大大片魚仍能保持嫩滑兼食到鮮味, 沒有被酸湯淹蓋.寬薯粉煙煙韌韌, 仲好掛湯.<<荔枝灣咕嚕肉>>咕嚕肉配以菠蘿, 洋蔥, 三色椒同荔枝.酸酸甜甜好開胃! 咕嚕肉炸得脆卜卜, 外酥內軟.每件梅頭肉都掛滿醬汁! <<福建炒米粉>>炒得夠乾身, 香噴噴.材料豐富, 即炒熱辣辣.食飽仲可以沿鰂魚涌公園行路返屋企, 當消化下. 

去完日本一個禮拜，其實都真係有少少掛住中餐，同朋友去左鰂魚涌呢間餐廳，本身想食下海南雞同酸菜魚，但望到有新奇野又想試下。① 貴州酸湯魚 $198酸菜魚同水煮魚就食得多，酸湯魚第一次食，呢種酸唔同酸菜，而係蕃茄果種酸，酸中帶甜幾開胃，比酸菜魚更加鮮甜。魚肉幾多，肉質嫩滑兼無骨，正！另外仲有雜菌，青瓜，加埋煙煙韌韌既寬薯粉，幾好。② 隨心棒棒雞 $62繼續試下新鮮野，呢個幾特別，我唔去形容呢個調味醬汁，唔辣，亦唔係麻醬，我覺得幾好味，等大家有機會自己試下。我只係會話雞肉幾嫩，幾有驚喜。③ 荔枝灣咕嚕肉 $128平時食開咕嚕肉的配料都係菠蘿，三色椒及洋蔥，呢個加埋荔枝，味道好似無太大分別，不過荔枝好味。而咕嚕肉大件亦脆口，好食！

除咗星馬泰食品, 中/川菜都係佢地嘅特色餐廳光猛闊落, 有卡位, 坐得好舒服, 一坐到, 會自動俾兩杯暖水, 服務周到！招牌沸騰魚(2人份)$168本身唔食得辣, 叫左少少辣用咗花椒提香,  同埋落咗麻椒, 食到有少少香辣麻麻口感魚片滑嫩少骨, 唔會散開, 味鮮香味濃 二人份嘅魚肉份量好多, 仲有雜菇同大量薯粉喺底, 好足料香辣海鮮粉絲煲$198本身唔食得辣, 叫左少少辣有大蝦, 帶子, 元貝仔, 海鮮新鮮海量粉絲, 粉絲夠乾身, 吸收曬海鮮精華, 正荔枝灣咕嚕肉$128做到拔絲效果咕嚕肉炸粉夠薄, 炸得乾身, 脆卜卜每件梅頭肉均勻掛滿醬汁, 外酥內軟, 肉質嫩滑再加埋荔枝肉嘅香甜, 都幾夾叫咗一個靚仔, 今晚嘅菜式好岩送飯$15同埋叫咗枝新加坡老虎啤$28 啤啤佢

隨心的海南雞飯、炒貴刁等一向出名，今次來食小菜也很有水準。最近的天氣太潮濕，要點杯 檸檬薏米水 $28，低糖配方好適合，夠熱、微甜，養顏又去水一流。酸菜魚（2人份）$198端上檯已傳來陣陣特別香味呷一口湯，少辣帶酸，不會太辣或太辣，兩者相當平衡。魚肉嫩滑又少骨，啖啖肉，美味還有薯粉、青瓜、雲耳、雜菇等配料，十分豐富荔枝灣咕嚕肉 $128是拔絲咕嚕肉，咬開外皮夠薄夠脆，內裡是嫩滑梅頭肉。炸得乾身之餘，醬汁沾在梅頭肉好均勻，好美味。香辣海鮮粉絲煲 $198除了香噴噴，賣相也豐富。有4隻帶子、大蝦、元貝仔等粉絲夠乾身，不會太油太糊口，少辣夠惹味，每條粉絲吸收海鮮精華，又鮮味，令人吃不停。