爽爽麵店 (已搬遷) 新店位置

呢間我食過好多次嘅麵檔，的確係有佢嘅吸引力，每到中午都必定有人排隊。其實我每次來都係食同樣餸嘅粉或者麵，就係醉雞豬朳，而飲就係支裝自家制菊花茶。次次來食都会食新鮮雞，但今次揀左冰鮮雞，想睇下15蚊嘅差價，有幾大分別。個醉雞汁花雕味好香，應該用左啲比較靚嘅酒去做個浸雞汁；此外雕味重而入口不覺有太多酒精，可能係輕輕煮過啲酒，酒精揮發左。雞每次食都一樣咁滑，冇過火鞋口情況，今次食左冰鮮嘅亦一樣。咁15蚊差價分別喺边？就係用新鮮雞造醉雞用一种特別嘅雞香，今次食冰鮮就冇左呢种香氣，但雞肉依然嫩滑甜美，都係靚冰鮮貨。豬朳係用新鮮梅頭朳造嘅，肉鬆化餣得非常入味，並非一啲落左鬆肉粉又有雪味嘅冰鮮貨可比！麵一如以往爽口彈牙，淥得啱啱好。特別要提一提佢地嘅湯，好正！出面嘅麵湯一般只有肉同骨去淆制，但呢度嘅係應該加左豬同雞嘅什去煲，所以飲落多左個層次！我其實唔多食內臟嘅，但加內臟煮嘅湯就好欣賞！我加多左一碗。菊花茶好香，靚花煲嘅。非常滿足嘅午餐！

前日訓醒, 諗唔到食咩好, 男友仔忽然提意去食『爽爽』又好喎!! 真係好耐無去過啦, 反正要去超市入貨 + 去街市買餸, 一於又去爽返下~ 真好彩, 黎到o岩o岩有 2 個位, 一坐低就開始見到出面等位啦...肚仔餓餓, 落單先: 豬扒麵 $26 醉雞米 $28 菊花茶 $7先上枱既係少少一碟醉雞, 香香既酒醉味 + 黃油視覺 = 吸引耶~雞皮同雞肉都好滑, 好入味, 滑之餘又唔太淋, 讚!! 跟住上枱既, 係分開上既河粉(油菜一條) 同埋男友仔既豬扒麵... 豬扒依然香口有質感, 肉厚而不韌, 讚!! 河粉好滑唔易斷, 湯底清淡, 讚!! 菊花茶飲得出係自家制, 香香既菊花味, 感覺清新~ 繼續支持!!! 推推...Yeah~

那天準備和女朋友到大埔，我們決定先在元朗吃點東西再出發。女朋友說天氣非常悶熱，想吃些麵食。我靈光一閃，想到了一樣冷盤而又是女朋友愛吃的，就是醉雞。說到吃醉雞，我想到朋友強力推介過的「爽爽麵店」（不過我自己也沒嘗試過）既然女朋友想吃醉雞又想吃麵，我們一於到「爽爽」試一試吧！「爽爽」坐落在鳳攸北街，一條滿佈車行的街道上，門面可以說有點簡陋形容（坦白說當你看到「爽爽」的外觀時，感覺應該不會太爽）如果沒看過食評或朋友介紹，我自問未必會對「爽爽」多加留意，反而會對門外總是人頭湧湧感到莫名其妙呢！（坦白說就算朋友介紹後，「爽爽」令人感覺不太爽的店面，也難免會起懷疑的）當天和女朋友約一點左右到抵達「爽爽」，門外依舊人頭湧湧，有的在等位，有的在等外賣，約等了十五分鐘就有位了（幸好我和女朋友等了約十五鐘左右，否則在這炎炎夏日，我和女朋友都不會再等下去了）我們坐在一入門口的位置，全店坐滿了人，當然是要搭枱了。我也沒怎麼可餐牌，就要了醉雞撈麵，女朋友見我要了醉雞，她又在打其他主意了，最終她叫了豬扒撈麵，另外我們叫了一杯菊花茶（女朋友總喜歡叫和我不一樣的食品然後說Share來吃，但「隔離飯香」，女朋友往往索性