Are U Labeler

营业中

休息中

對我嚟講，我對何文田既印象只有「流淚行勝利道」，今日經過勝利道，我先發現原來何文田有好多寵物店或獸醫診所，不過最吸引我始終都係食物，行去隔離街發現一間叫Are you labeler既咖啡店。霓虹燈Logo非常型格，牆身藍色油畫恍如星空🌌。- 焗芝士雜錦海鮮螺絲粉通常西餐見到雜錦海鮮呢四隻字，我都會聯想起蟹柳、急凍蝦，但Are You labeler係真材實料，入面有新鮮青口、帶子同彈牙大蝦。另外用左兩種芝士，芝士味非常香濃而唔膩，螺絲粉偏硬，有口感。- 菠菜三文魚意大利飯飯身偏向軟身，醬汁加左芝士更加creamy，菠菜令顏色十分奪目，每一啖都食到三文魚粒，不過調味略鹹。- 玫瑰荔枝梳打🌹粉紅既顏色加上貓仔造型匙羹，絕對令女仔怦然心動。味道微甜，加左玫瑰更refreshing。- Blue Curacao Lime Soda🔵顏色同樣迷人，飲落好似飲緊mocktail。我發現餐廳職員大多係年青人，大約20歲出頭，而餐廳嘅名字Are You labeler指現時社會標籤化嘅問題，特別係年青人，希望大家唔好標籤人，或唔好因為被標籤而失去信心。咁好食又有意義既餐廳，大家一定要大大力咁支持。

發現旺角東出口走過來是比較近的😁地點係比較幽靜嘅內街，非常適合weekends 放鬆身心🥰 而且店內環境好有文青feeling ☺️ 好有去左台灣coffee shop嘅feeling 適合三五知己傾計食飯 飲咖啡好鍾意店內文青環境🥰菠菜三文魚意大利飯口感比較creamy 味道比較鹹 裡面有切件的紅椒 所以會帶點辣味 口感比較濃 凱撒沙律🥗沙律不過也不失 清新味道 可以減去creamy 嘅味道 也有利於健康卡邦尼意粉🍝好多cheese 口感creamy 蘑菇份量非常多😋意粉軟硬適中

今日經過一間地鋪cafe, 見到室外嘅座位都幾chill, 見menu有pasta, risotto, burger, fish and chips等等. 唸住去完旺角之後行返黎食晚餐, 貪佢地點都方便但就旺中帶靜幾舒服, 而家佈置到聖誕🎄氣氛濃濃的.>黑松露雜菌意粉 (HKD82)充滿黑松露醬同勁多菇類, 仲有切得大大粒嘅大啡菇添, 調味啱啱好, 意粉份量夠哂飽又彈牙, 質素唔錯👍🏻.>菠菜三文魚意大利飯 (HKD98)而risotto比例上就相對勁大份量, 加入大量芝士勁拉絲, 菠菜完全融入risotto, 每粒意大利米都索滿忌廉汁, 又有切粒燈籠椒增加味道同口感, 食落每一口都有三文魚非常足料, 推介!!>Hot Chocolate (HKD40)其實有serve到水, 天氣咁凍我想要杯熱朱古力暖一下, 面頭嘅心心拉花又真係好鬼warm架❤️, 朱古力味亦唔會太甜.>Rose Lychee Soda (HKD36)老公嘅玫瑰荔枝梳打都好靚, 有一粒已去殼嘅荔枝同灑上靚靚玫瑰🌹花辮, 佢話甜甜地好refreshing.

朋友介紹旺角附近有一間非常休閒的小型cafe，位於何文田梭椏道的 "Are U Labeler"，休閒又舒適，當然要去試一試。Café分為室內室外，室外佈置有點懷舊，門前只放了一張餐桌子，可供客人在戶外聊天談心，十分寫意。食店內的裝修舒服，以水泥牆身繪上藍色壁畫，感覺相當舒服。店內更放置了不少裝飾品，讓人感覺更放鬆。菠菜三文魚意大利飯平平無奇的意大利飯。估不到一下手，芝士的香味便散發出來，配合三文魚、菠菜後，味道相當creamy，口感濃郁而且不會太膩。雙色芝士焗雞翼來到時，陣陣的芝士香一湧而來，芝士包著整隻雞翼，而且當中更加入了沙律醬，吃起來，味道層次更豐富，而且雞翼經過醃製後非常入味，肉質嫩滑有肉汁，包你食完一隻又想食第二隻。焦糖咖啡口感細緻順滑，甜度適中，更有貓貓作伴，特別美味。吃到飽時，才發現店內有3D的立體拉花，真的笨了，下次再來一定要嚐嚐 - 睇得又飲得的3D立體卡通拉花。

又到sem尾，幾忙都要比自己抖下😌今次去左何文田一間隱世cafe，呢度環境夠清靜，坐得好舒服，d牆仲有壁畫，好靚😍叫左杯Cappuccino加左3D Latte Art☕️好QQ😚杯cappuccino幾香，飲落5會太甜，睇得又飲得🤤叫左個焗芝士雜錦海鮮螺絲粉，幾creamy，仲有少少拉絲😈海鮮足料，青口都幾爽口👍🏻另外仲叫左菠菜三文魚意大利飯，份量算多，兩個人食呢兩樣都食到好飽🤣食飽坐喺度嘆下咖啡傾下計，咁就過左一個悠閒ge下晝☺️