AFTER TEN (已結業)

今個星期繼續尋覓小店，今次去左間唔隱世，反而位於元朗一條繁華街道上既清新小Cafe。AFTERTEN採用玻璃門設計，加上店內樓底高，感覺非常清新。我比較早到，霸左個望到街既靚位，可以望住繁忙既馬路享受悠閒Lunch。話明Cafe，食物都係以Pasta、輕食和咖啡/茶為主。作為意粉愛好者，當然繼續食 Pasta！今次叫左長柄西蘭花雞肉意粉，但因為疫情關係，食材短缺，無晒長柄西蘭花，佢地轉左菠菜，落單時都有問我o唔ok。諗一諗，菠菜同雞肉都好夾，就照Go on了。另外單點一杯烘焙鮮奶 Hojicha Latte。🍝菠菜雞肉意粉（$88）雖然Menu描述比較簡短，但都同預期一樣係白汁意粉，亦食得出落左香草👍🏻白汁份量好足夠，質地係偏簿身既，唔會掛好多係意粉上，所以唔會食到好「濟」。雞肉切成簿身一片片，方便同意粉一齊食。雞肉本身味道偏清，唔係事先醃得好重味個種，比較似沙律中既雞肉，偏清既雞肉配上意粉既白汁亦都夾，感覺健康。而菠菜亦如預期一樣好夾食材，佢比西蘭花仲有個好處，就係可以索埋啲白汁👍🏻 估唔到一碟意粉，望上去份量正常，食落十分飽肚，我都算大食，但都差啲就食唔晒！😆☕️熱烘焙鮮奶（$45）

元朗教育路近體育館果邊開左間新嘅cafe.人氣都幾高，平時唔多介紹餐廳嘅同事都叫我lunch 下午茶要去試一試。門面睇得出有裝修過，唔太豪華。不過簡潔。講到明係文青打卡cafe,緊係影多幾張入面嘅環境比大家睇。平日嘅下午茶時間都坐左大半人。menu 都算多選擇。價錢就係cafe價錢，想要平嘅可能要去番對面嘅茶記。菠菜雞肉意粉$88唔太打卡嘅食品，不過因為早餐都未食，想食飽d 就叫左個意粉。cafe 嘅食物通常份量多數都小，不過依間個份量都算正常。唔會太heavy, 健康小小嘅選擇。個汁廚師煮得幾好味，小creamy，自己屋企煮唔到。ice hazelnut latte咖啡唔太識飲。早起身，所以叫杯咖啡。唔太甜，餐廳部咖啡機好pro.隻豆幾香。打卡相

教育路罕見的一間文青餐廳菠菜雞肉意粉🍝比想像中好味😋，口感帶點卡邦尼意粉醬汁的味道，可是價錢略嫌貴左少少🤏抹茶latte見得多，呢間餐廳都有，但焙茶latte卻很少見，一見到，即刻要試一試，嘗了一口，茶味算濃，很口味，如果能大杯些我會更興奮😆值得一題，座位不多，空間較多，給人很舒適的感覺。檯面亦比想像中大，多點不同的食物，也能放得下店員態度友善，更會主動！眼見你已看完餐牌，未示意時，已走到你身邊為你服務，速度之快值得一讚