富華冰室 (已結業)

「富華冰室」尖沙咀金馬倫道分店。我每個星期六必去尖沙咀做運動，早餐必食此間餐廳，尤其是菠蘿油。每次去到門口經常有顧客大排長龍，就是為了「菠蘿油」。香港人一般人大概都吃過菠蘿油完全不感到陌生。但是此間是我食過最有口感。外賣在門口侍應生即叫即切一塊厚厚的冰凍牛油夾入菠蘿包，菠蘿包皮鬆軟香酥脆微帶甜，好好味啦！冰涼涼的牛油和熱的菠蘿包一啖入口，又熱又凍口感實在痛快之極！明知菠蘿油脂肪與膽固醇含量高，多吃必然發胖有礙身體健康，完全無法抵抗被它征服了我的胃。除了菠蘿油、流心雞尾包、墨西哥包、叉燒包、流心奶皇包都好值得去試吓。午餐再與朋友來幫襯，店與其他分店比較是細了小小，坐位之間滿寛躺裝修簡潔乾淨。服務人員非常親切有禮貌。一入內見到有燒味，因此叫了燒鵝四寶瀨粉，味道一般般還可以有燒鵝，油雞，鹹蛋，叉燒，四樣叉燒最好食半肥半瘦。外賣菠蘿油

嚟到尖沙咀食早餐，要數cp值數一數二高嘅都非富華冰室莫屬。餐廳熟客仔多，大半數都係附近番工嘅上班族，環境就普通茶餐廳，預左唔會服務好好架喇🤣坐得逼啲，不過所有野都快靚正，趕時間就岩晒。早餐我必叫嘅就係蕃茄薯仔羅宋湯通粉配菠蘿油，早餐以呢個份量來講絕對係好豐富。先來脆皮菠蘿油，菠蘿油size好大件，麵包好鬆軟熱辣辣的，中間夾著香軟嘅半溶牛油，牛油亦有相當厚度，成件事好邪惡個人習慣會先壓平個菠蘿包，咁脆皮嘅碎就唔會掉落嚟，食起上嚟都冇咁狼狽。羅宋湯通粉材料豐富，面頭嘅餸都蓋過通粉有蘿蔔蕃茄薯仔仲有厚切嘅午餐肉粒，份量好多，而椰菜同西芹已經煮到淋晒好易入口，湯底亦唔會好鹹可以飲晒。成個早餐包埋餐飲加埋都唔洗$40，認真超值