西貢咖啡餅店

营业中

休息中

講到西貢嘅美食名物，呢間咖啡店嘅菠蘿油&葡撻，一定榜上有名。通常晏晝嚟到，條人龍會排到好誇張，極受歡迎。菠蘿油菠蘿包外形飽滿，外皮焗到金黃香脆，麵包好鬆軟，重點當然仲有足夠厚切嘅牛油，冰凍牛油加熱辣辣嘅菠蘿包先可以試到冰火嘅滋味。要嗌嘢飲先可以坐低食，正常茶記質素嘅奶茶。因為菠蘿油本身已經唔平，再加杯凍飲，就顯得有啲貴，所以都好多人選擇外賣，然後坐附近嘅長凳/公園食。另外外賣左葡撻，以前堂食過，外層嘅酥皮香脆，size 係比KFC 葡撻略大嘅。不過外賣左就冇堂食咁好食，所以無論菠蘿油定葡撻，都係新鮮即食先好。

星期日滑完水, 鬼咁肚餓但又怕食太多影響晚餐, 最好就係去食西貢名物-菠羅包啦!  4點落船未係西貢繁忙時間, 條隊唔係太長, 大約等左10分鐘左右就買到.  到排到隊時都係受唔住內心魔鬼嘅誘惑, 買左菠蘿油!  正如好多人所講, 店家真係長期好生意, 所以佢啲包真係買親都係新鮮出爐熱辣辣.  菠蘿包都係一貫咁好味, 麵包鬆軟, 菠蘿皮厚身夠脆口, 仲鋪滿晒成個包面.  但有得就有失, 因為個包真係好熱辣辣嘅關係, 所以夾喺中間嘅牛油已經係咁溶, 所以我影完相之後(其實張相都見牛油已經溶緊) 就快吞轟咁食晒成個包.  雖然我仲比朋友笑問我係咪好肚餓, 但食完都係滴左好多牛油喺膠袋底, 變相個包嘅牛油香味會淡左.  所以下次我諗我都係會食返菠蘿包就好了.

今日去西貢玩結果等巴士要等幾個字咁就諗住買個包做早餐啦然後就醒起早排見到YouTube有人介紹西貢有間好出名好好食既菠蘿油咁我就Google下發現同巴士站超近咁我就出發去買早餐lu睇片介紹如果係星期六日或者繁忙時間就要排晒隊咁我平日朝早梗係唔使排啦去到我就買咗一個菠蘿油（$18)都算少少貴但見佢咁大舊冰凍牛油個包又熱既又咁多人介紹咁就試吓佢啦我就覺得個菠蘿油好好食個包好鬆軟上面啲菠蘿皮好脆又唔會好易甩配埋大大嚿凍嘅牛油真係不得了雖然少少貴但味道其實值得如果大家鍾意菠蘿油嘅真係唔好錯過（要排隊就另計啦）另外我都見到好多人有推薦葡撻佢嘅價錢仲進取$15 1個但我早餐嘅份量已經食唔到佢所以留返下次再試啦我一路買嗰時都見到個師傅一路拎啲熱辣辣嘅新鮮麵包出嚟

話說Bina去咗咁多次西貢都冇成功食過西貢名物一係就勁長龍 一係就賣晒要等出爐 總之都係要等講緊嘅係西貢咖啡餅店嘅 🍍🧈菠蘿油😂又一次證明 緣份到了就會食到❣️唔使排隊呢件事真係十分感動🥹🫶🏻菠蘿油 $18 定價方面偏貴 但都理解嘅西貢區遊客多不得不說 啱啱出爐嘅菠蘿包係特別好食呢個包好好食 又香脆又鬆軟😋 真係數一數二好食牛油🧈就普普通通啦。似係安佳啲frd如果可以用法國AOP牛油就完美了🤭Any肥。呢個下午茶真心邪惡但值得嘅😈完。#飲食係一種享受唔淨係為左生存#無論平定貴都一定要花費得明明白白#eat_withbina #eat_cafe_withbina#eat_西貢_withbina

✨西貢人氣港式餅店✨.去得西貢上網research有咩食，都一定有聽過西貢咖啡餅店，佢嘅菠蘿油同葡撻都好出名，難得去到就梗係要試埋٩(ˊᗜˋ*)و 星期日嘅晏晝去到，當時己有長長嘅人龍，但幸好只需排10-15分鐘就買到💓雖然見唔少人話個到嘅員工態度麻麻，但我當日就冇呢個情況發生，稱唔上好親切友善但絕非態度惡劣♪.▫️菠蘿油 $18金黃香脆嘅表層下係軟熟嘅包體😻我自己鍾意一片厚牛油咁咬住食，但因為個包太新鮮同熱所以片牛油好快融咗😢係幾好食但個人覺得如果個包可以放多一陣，片牛油再凍啲就好（我自己鍾意呢種菠蘿油）.▫️葡撻 $15新鮮出爐就係好食๑⃙⃘´༥`๑⃙⃘ 而且係熱到燙口個隻，大家食個陣唔好太大啖😹撻皮口感酥脆，蛋漿滑溜重奶香，不過同Bakehouse比都係遜色少少🤏🏻.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我IG @fibee3b

放假遊西貢，上網見到好多人介紹呢間餅店，本身都冇乜興趣試，點知經過見到有人排隊，又見到師傅捧一盤盤嘅麵包出嚟，竟然咁都比我哋撞到新鮮出爐？既然咁有緣份聽到佢呼喚，即管會一會佢。 我哋揀咗菠蘿油，18蚊一個真係非～常～貴！💸不過同去旅行心態一樣，出得嚟玩，唔介意嘅。好慶幸有買，因為驚喜級好食！🤩脆皮好鬆脆，麵包好香軟，味道亦唔會太甜。 好可惜我手腳慢，食到牛油部分已經溶晒，食唔到冰火感覺，但個包索咗啲牛油更加香，更加滋味。要留意嘅係啲牛油溶咗之後要格外小心，如果唔係一咬就會「咇」出嚟，我就係人板，彈到成身都係🐷呢個包果然名不虛傳😋不過我相信係啱啱出爐先有咁正嘅效果，我當日去係星期四下晝3點，有興趣不妨參考吓。同埋個人覺得代入多啲遊客嘅角色，效果更佳🤪

今日去西貢行下，第一時間就諗起呢間餅店嘅菠蘿油，並唔係因為我食過覺得好正而想再食，而係聽聞好好食但未食過，上之黎又話賣哂...今日四點幾黎到，即刻到左呢間餅店問有冇菠蘿油，店員竟然話有，仲要唔使排隊😳買左兩個，相機食先！呢個菠蘿油真係有哂好味嘅元素，麵飽微暖，菠蘿包皮鬆脆，重點係舊牛油厚得黎仲要微凍❤️❤️❤️有時就係怕個飽熱而整溶左舊牛油；又怕當個牛油凍嘅時候，個飽凍冰冰...呢個菠蘿油真係好滿足！相信下次再黎西貢，我唔係因為未食過想試而第一時間就黎買，而係因為太好味而想再食😍

1月1日和朋友去了西貢，看日落吃包🤣 我想這家餅店，愛吃的大家應該都不陌生～ 原先我都不以為然，不知道原來這個盛惠17元港幣的菠蘿包，真的有其獨特之處😋 下次還想再對著海景吃好吃的菠蘿包啊！✿ 菠蘿油 $𝟣𝟩 ☻ ☻ ☻ ☻ ☻ ☻六星的食物是很想很想再吃的意思！最出色的是那一層脆皮，一碰便碎😍😍 包體軟熟，可惜天氣冷我們又剛好碰不上剛出爐的那一盤包，包包有點冷掉，牛油可以完整一塊呈上🤤 軟滑的牛油為菠蘿包加上多一層香氣和雪糕般的口感，極度邪惡卻極為好吃😋 一個包大概有500卡路里吧🤣✿ 葡撻 $𝟣𝟥 ☻ ☻ ☻ ☻ ☻酥皮比一般葡撻薄一點，也是鬆脆好吃，一咬便碎！蛋漿很滑又不會過甜😋 肚子有空位的話也可以吃完菠蘿油後再吃一個😚

————————————————————————下午茶食個菠蘿油加杯凍奶茶都系一個唔錯既選擇🥰✨菠蘿油 （$17）✨凍奶茶 （$23）呢間菠蘿油系西貢keep住多人排隊，因為新鮮出爐，賣完即止！而味道方面，菠蘿油外皮好酥脆，菠蘿包整得好軟熟，熱辣辣嘅菠蘿包夾住一塊鮮牛油🧈溶化系入面，不得了🤤🤤🤤🤤簡直想再來一個！而凍奶茶叫左少少甜，茶味都算濃而且帶點澀味，不錯不錯！好味指數：9/10————————————————————————🏠西貢咖啡餅店 📍西貢海傍廣場2號金寶閣6-7號舖地下#美食 #相機食先 #香港美食 #吃貨 #西貢美食 #菠蘿油 #奶茶 #milktea #hongkong #hongkongfoodie #hongkonggoodfood #food #foodssss___

每次入西貢都一定要食呢度嘅菠蘿油同葡撻架！因為真係超級好味呀！！！😋菠蘿油呢個真係我食過最好味嘅菠蘿油！個包非常鬆軟，最鍾意包入面嘅奶香味。菠蘿皮好脆，甜度適中。最重要係佢每一次嘅包都係新鮮出爐，熱辣辣架！！大大個，真係好正！不過我就不太喜歡牛油太油膩了，所以就咁叫菠蘿包都ok架！評分：8.5/10🤩👍🏻👍🏻👍🏻價錢：$17(菠蘿油) $11(菠蘿包)😋葡撻成個酥皮非常酥脆，唔會有啲地方淋左架！蛋漿方面甜度恰到好處，好香蛋同奶味。焗得啱啱好！咁好味，真係肥啲都抵呀😂😂不過價錢就比其他地方貴啲啦。評分：8.5/10🤩👍🏻👍🏻👍🏻價錢：$14嘆埋杯凍啡，真係relax呀！我下次入西貢都一定會再食！必推薦呀！😆

之前下午茶試過摸過一次門釘， 不是沒開門，而是菠蘿包已經沽清。今次醒呀！一早過來吃早午餐。當然係點菠蘿油同撻啦！店舖有少少露天座位，但與排買菠蘿包及葡撻是分開兩條龍的，所以如果你見人龍少，分分鐘排錯隊，就算你坐低咗，你都要行返出去排隊買菠蘿包，除非你諗住食其他或者買嘢飲啦！店員隨手用較剪，剪開菠蘿包中間，放嚿牛油變成菠蘿油，菠蘿包賣$11，加牛油$6＝$17， 奶茶&齋啡, 外賣杯上普通+正常。新鮮出爐嘅麵包當然好食，菠蘿面層香加輕脆，但特別易碎開出嚟，飽香味十足，牛油融化混合一起，新鮮出爐菠蘿飽和牛油，呢個真係絕配。 呢間嘅都算做得出色之一。我排咗十分鐘唔洗，但後來有聽到店員說下一爐要等三十分鐘，咁就覺得唔係咁值。另一個要排隊才可以買嘅牛油撻和葡撻都不錯。但不要太高期望。食物賣相＝(滿分20) 15食物味道＝(滿分20) 17服務質素＝(滿分20) 12裝修整潔＝(滿分20) 12性價比率＝(滿分10) 7回頭指數＝(滿分10) 7總評分。（滿分100) 70分

午餐內容：兩個葡撻，兩個好肥但新鮮出爐好味的菠蘿油+普通通粉+三杯野飲。午餐時間唔使等好耐~大約10分鐘有位坐位都ok 同兩個小朋友一齊小朋友都鐘意食呢到個菠蘿包

今日去西貢嘅時候就見到呢間餅店排曬長龍，就過去買左一個菠蘿油$17，都排左大約五分鐘。值得一讚嘅係佢嘅菠蘿包係新鮮出爐，熱辣辣，而舊牛油就一路食一路熔，溝埋一齊真係好好食，雖然heavy左啲，但係去到真係要再食。

葡撻算是驚喜到我，好耐沒食到好食葡撻啦。雖然價錢不平，但依然值得一試。菠蘿包味道不錯，算不上驚艷，但比起金華的相對鬆軟，更令我喜歡。環境就係包鋪外幾張外擺櫈桌，流轉好快。服務態度一般。標皇冠👑推薦的咖啡奶茶都感覺很一般，23一杯凍飲，感覺略貴。

入西貢本想去Let’s Jam點知一落車見到呢間麵包店排晒長龍原來係賣菠蘿包8掛的自己心癢癢又排埋一份見d人10個10個咁買走所以點都買個試下一係吾試一試就知龍與鳳真係堅好味內脆外軟 軟得黎吾係空氣包係實在的面包個包同塊牛油夾到天衣無縫我係街角企係度咬左一啖 然後忍吾住合上眼去用心感受佢地之間的水乳交融😨😨😨😨😨