盈苑海鮮酒家

营业中

休息中

屋企人住土瓜灣附近，喺欣榮花園商場開咗間新嘅酒家，推出咗好多新優惠，晚市孖寶、下午茶優惠好似幾抵食，一於去試吓佢環境: ⭐️⭐️⭐️⭐️樓底高，夠晒闊落，枱與枱之間好多空間，就算多人坐都唔會逼夾，全家人坐得舒舒服服，靜中帶旺，唔使喺鬧市同人迫食物:⭐️⭐️⭐️⭐️我哋食咗以下菜式窯燒雞孖寶套餐 有一隻雞加一道小菜 $238🥢一入嚟就見到隔籬枱好多都叫王牌窯燒雞，望落好鬼大隻又好靚仔，好鬼吸引原來窯燒雞🐓係新鮮即叫即制，所以製作需時，要等一等等到上枱，超大隻，層皮好薄勁脆皮，一野剪開隻雞髀，小心俾啲汁彈親，因為真係好熱未見過層皮可以咁薄，脆卜卜好似薯片咁樣真係要即刻趁熱食，要小心焫親嘴呀！雞胸仲係好滑，中間滲出濃濃煙燻和香草味，真係食得過菠蘿盞鬼咕嚕肉🥢套餐小菜我哋就揀咗咕嚕肉，賣相同味道都好吸引，色彩繽紛嘅配菜加上菠蘿，咕嚕肉外層鬆脆，仲有脆卜卜嘅油炸鬼，吸滿酸酸甜甜醬汁好開胃黃金焗海蝦 $108🥢好香口，每隻海蝦包上鹹蛋黃醬超勁邪惡，啖啖都係鹹蛋黃嘅咸香瑤柱蝦乾浸菜苗 $98嗰啖湯勁香瑤柱蝦乾味，啲菜完全吸盡蝦湯精華，香濃鮮味紅燒脆皮乳鴿 $68乳鴿唔會炸到過燶，keep到鮮嫩多汁，香濃滷水味，外

土瓜灣有唔少中菜選擇🍚 但有得食窯燒雞嘅酒樓就好難搵到🧐 今次嚟到開業冇耐嘅盈苑嘆傳統特色中菜🤤一隻窯燒雞配一款指定小菜，孖寶特價優惠$238，份量十足🙌🏻炭香窯燒雞🍗原隻雞用荔枝柴窯燒，為咗保留肉汁同埋熱度🌡️ 師傅專登原隻奉上，先用鉸剪將兩隻翼剪開✂️ 然後再食雞髀，食嘅時候可以點埋流出嚟嘅雞汁一齊食🤭 食到肉質鮮嫩之餘，仲原汁原味添😋菠蘿盞鬼咕嚕肉🐷叫得盞鬼當然唔少得油炸鬼，上碟時仲保留到油炸鬼脆度，而且仲掛到汁，唔會因為有汁而腍晒👍🏻 咕嚕肉充滿肉味，脆漿夠簿身，唔會俾粉漿掩蓋豬肉同咕嚕汁嘅甜味😌