小甜谷 (已結業)

開會前同朋友去食啲嘢打打氣！我哋未試過食呢間，去到門口見裡面無人，仲以為未開，原來幾個店員坐在橫巷出面！一見到我們就出來招呼！因為六點幾，只有我們一枱客！變咗包場！店內面積唔大，光猛乾淨，淺木傢俬，座位都幾闊落！店舖用玻璃門圍住，原來玻璃門可以推開，在橫巷放枱仔，可以坐多好多客人！感覺開揚！各自叫了一個甜品！我平時唔食冰，但因為呢個冰賣相好靚，而且網上口碑又唔錯！所以照叫！菠蘿蜂蜜雪山（$50）份量好大，三款甜品我要等最耐，因為個冰係新鮮即打！賣相好靚，用半個原個菠蘿殻刮空裝沙冰，冰粒好細滑，菠蘿味清甜唔假（唔會藥水味）底部混有雪到冰凍四方形新鮮菠蘿粒，又滑又juicy! 仲有爽脆菠蘿肉！口感好豐富！食店比埋一枝飲管飲果汁，但我冰都食唔晒，所以無飲，我叫埋兩個朋友幫手都食唔晒！店員服務正常，我們說說笑笑享受了一次包場嘅甜美經驗！