金蒂餐廳

营业中

休息中

早排疫情嚴重影響太大，想去間餐廳裝修緊，轉去另一間但去到先發現執左…然後改去飲茶但酒樓都暫停營業…最後去左呢間。店內座位頗多，唔算逼，但lunch set大約$80，都唔平。想落order但原來有幾個set都無，不過都唔怪得餐廳既…只係當日食個lunch都太崎嶇了😂。🔅菲式炸豬肉飯 ($80)豬炸到頗乾，瘦肉位係硬柴柴😥，皮都偏硬唔夠脆…但西蘭花同蒜香飯幾好食拉返少少分😂。🔅印尼巴東雞飯 ($80)巴東雞就普通，雞件都多，但唔太滑🙈。🔅海南雞飯(雞翼) ($80)雞翼算滑，整體普通無特別😐。💬比較特別係飲品可以無限添飲，不過lunch都係飲熱檸水多所以唔啱我😝。但$80 lunch set咁既水準真係有啲失望☹️。

因為落雨，一路行一路搵食，行過見到Cinta-J未係好多人，就入去碰下運氣，都等左陣先比到位我地。好耐無黎，又搞搞新意思，試下少揀嘅套餐。我就叫左個泰式豬頸肉飯，有泰式豬頸肉，時菜，酸瓜，配白飯或蒜香飯。我同事就叫左菲式炸豬肉飯，同樣配上時菜，酸瓜，配白飯或蒜香飯。每個套餐都跟甜品西米露及無限添飲飲品一杯。我個泰式豬頸肉比想像中淋，唔好以為豬頸肉又薄又幼條會好易食，其實箍牙妹好多時都食唔到，我都係見到隔離姐姐果碟唔錯先嗌。個醬汁甜甜地好好味，送飯唔錯。同事叫嘅菲式炸豬肉，好脆，面層肉淋，但較底位置就脆到極，箍牙妹食唔到。佢配果個唔知係咪甜酸醬，但好稀，又唔覺有味。