家傳芋曉

营业中

休息中

今日係平日黎，放工都5點即刻去家傳芋曉，係係天秀站落車，向住大球場果個方向有間酒店，隔離有個商場，望住個地圖都搵左一陣，原來上左一層電梯，去見到麥記就係附近，果陣都幾多學生架～有兩三個學生排緊隊，另外都有幾個等拎野食。排隊都算快，收現金，亦都收八達通。由比左錢開始計，等左5分鐘左右就有得拎，超快，買左個葡撻雞蛋仔，因為即叫即整關係，食落去熱嘅，邊位有幾粒脆嘅，但係其他唔脆軟腍腍嘅，葡撻餡偏甜，冇咩葡撻味，不過不失，可以一試。

想食葡撻雞蛋仔唔洗走到澳門咁遠啦🤩天水圍一間小食店都有～ 仲有非常特色口味—芫茜雞蛋仔🙈🧇 葡撻雞蛋仔 $36每粒撕開中間都有少少葡撻蛋漿 食落好香葡撻味😍雞蛋仔都係即叫即做 做到外脆內軟嘅感覺 好食👍加上佢嘅蛋漿好足料 粒粒都好飽滿 食完勁飽🤣🥤 手打渣男檸檬茶 $30香水檸檬味濃 好解渴解膩👍不過個人認為呢個價錢有啲貴 始終天水圍都唔係市區地方 上次我係旺角飲平過呢間🙈咁啱星期六去食嘅時候都比較多人叫 等左15-20分鐘先有 加上小店人手唔算多 雞蛋仔機得一部🙈 所以要有啲耐性 平日入去食可能會好啲🤓🖐️推介推介 （葡撻雞蛋仔）

見到有葡撻味雞蛋仔就諗住試吓，點知番到屋企一拎出嚟發現中晒伏，成底雞蛋仔係又淋又爛溶溶，仲要面頭嗰幾粒個樣已經係成底最正常，下面完全係一pat嘢咁變晒形，唔講真係唔知係雞蛋仔🤮我都鼓起勇氣試咗一兩粒，發現佢表面雖然深色，但入面係未熟晒，然後未熟嘅粉漿仲要同啲葡撻餡撈埋一齊，成件事係睇同食都極之唔開胃，仲好意思收$36一底🙄🤯但睇佢社交平台相入面嘅雞蛋仔又好正常，所以可能咁啱嗰姨姨唔識整，但唔識整可以照直講整唔到，而唔係整到爛晒又唔熟都仲比人食，如果係小朋友照食咗都唔知點算🤢今次當買個教訓，下次就算買雞蛋仔都要check下貨先好走，同埋希望老細見到可以改善下，以免做壞招牌😮‍💨