好客山東

营业中

休息中

又同老友食飯, 兩個麻甩唔知揀乜好。行到上環文咸東街附近既食肆, 見到「山東好客」就決定試呢間聞名已久既餃子店🚶‍♂️地點係橫街中間, 但人流一啲都唔少。好彩係12點前已經趕到, 舖頭仲係九成吉枱。不過一到12點, 唔駛10分鐘已經FILL滿個場。全場都係坐圓枱, 估計全店坐到三十零人。坐位就係迫架喇, 中價美食, 上環地點, 都好難比你大枱靚櫈慢慢嘆🤷‍♂️餐牌有麵、餃、小炒、飯、冷盤、飲品。偷偷話你知🤫早黎唔算太忙, 其實店家係肯幫你混搭水餃, 唔駛10隻一樣味🤣雞煨麵既濃湯鹹度適宜🐥襯番秋日涼意有少許暖胃。白色湯入面隱藏住碎雞肉同清翠既蔬菜, 店家一啲都唔姑寒, 配料十足✔️ 麵底都超夠, 最後係食唔晒😁今日混搭左羊肉餃🐑同韮菜豬肉水餃🐖記住要試下佢辣椒醬🌶️仲有醋同生抽比你溝。水餃皮厚薄OK, 內部饀料都仲保持到肉汁, 係包工既火喉✔️另外仲有加多個葱油餅, 炸物係要等多陣先浦頭, 但饀就唔太多, 算係一般啦👌山楂茶都係即場斟出黎比你, 少少酸甜味可以開胃👌埋單兩個人216, 嗌到OVER左先至呢個價💸臨尾走人個陣已經係爆場加排隊。唔怪得之夠膽話自己好客, 前提係你要有客🤘 

中國四大菜系分別為魯菜, 川菜, 粵菜及蘇菜, 而魯菜味咸, 鮮, 脆嫩, 是其風味特色, 魯菜內分為兩大派系,分別以濟南菜和膠東菜。在香港, 食到山東菜的地方不多, 看到此新開食店為魯菜菜系, 好奇的我和友人就一起去品嘗試食。客人很多, 等了約10分鐘, 終於可入座。山東炸醬麵 ($38)  炸醬, 新鮮小青瓜絲及麵條加在一起, 清爽的口感和麵條搭配起來不俗, 一點也不油膩, 香味四溢。醬豬手($42)   豬手經醬油和香料炮製, 爽軟鮮甜, 醬味清香。涼冸青瓜 ($28)    村上春樹形容青瓜簡單, 新鮮, 有生命力的清香, 此涼冸青瓜爽脆可口, 吃得滿足。韭菜豬肉水餃 ($38)   在餃子餡料的配搭上, 韭菜豬肉是最常見, 味道永遠是最好的, 其出品口感不俗, 都幾大隻, 餃皮不太厚, 食得出不是急凍豬肉, 滿意其水餃水準。山東鮮魚水餃 ($55)   對比韭菜豬肉, 較少食店敢賣魚肉餃, 原因是材料易壞, 價錢貴差不多30%, 其口感比豬肉差, 馬鮫魚魚肉不太新鮮, 但大隻, 餡多, 皮薄及賣相樸實。葱油餅 ($26)  山東以大包, 麵食, 餃子和燒雞聞名,