意粉狂熱 (屯門時代廣場北翼)

营业中

休息中

麵類嚟講，我地最愛食意粉🍝意粉🍝狂熱真係岩哂我地，餐廳以多款意粉為主打菜式，定價親民😍 套餐有齊餐湯、主菜及飲品當然仲有pizza、小食及甜品選擇啦，菜式選擇非常之多空間感夠，座位闊落好座，有圓檯長檯及卡位🌟香濃南瓜忌廉湯南瓜湯色澤金黃，口感creamy，南瓜味濃郁🌟法式芝士洋蔥湯餐飽一早已放在湯內，吸滿湯汁，飲嘅時候除左有濃郁嘅麵包味，仲有洋蔥🧅味，湯內滿滿的洋蔥粒🌟蒜味芝士雞翼 雞翼炸得香脆，肉質嫩滑，外脆内軟，雞翼上面有好多芝士，再沾上蒜味芥末醬，非常惹味🌟軟殼蟹配海膽忌廉汁鮮製意粉🍝軟殼蟹係全隻，外層炸至金黃色，口感香脆，意粉彈牙，海膽忌廉汁好濃郁creamy，條條意粉都吸收左濃濃嘅海膽味道，上面嘅粒粒蟹子增加口感🌟南瓜忌廉汁香草雞肉鮮製意粉🍝意粉是扁身意粉，口感偏向軟綿綿和淋身南瓜忌廉汁creamy，雞肉亦十分入味🌟飲品士多啤梨🍓茶梳打-口感清新，好香的士多啤梨味，非常之解渴😍芒果🥭汁-濃濃的芒果味 好香🌟香濃朱古力窩夫🧇小朋友大愛出場😍😍窩夫焗到外脆內軟，朱古力雪糕味度濃郁，配埋兩件小蛋糕真係為呢餐畫上句號

睇戲後選了這間比較吸引的餐廳食晚飯！我們選了個套餐試下，上食物的速度太快，湯飲了一半的時間已出了2道菜，因怕食物食唔切放在枱上冷卻，同侍應說聲希望上菜慢D，侍應說主菜可以不要起住，你們說起菜先送來。聽後覺得很好，侍應態度良好👍👍餐湯：法式洋蔥湯，清淡的口味👍 忌廉蘑菇湯，香濃的口味👍三文魚沙津👍蒜味芝士雞翼雞翼味道偏淡，但配上個醬食味道啱啱好！蕃茄香草雞肉天使麵👍上枱時第一眼見到以為係湯麵😆，但食落湯汁掛在天使麵上又啱啱好，味道很好！香烤安格斯西冷牛扒+$48賣相幾好，但食落唔得牛扒肉質好韌甜品Tiramisu

今晚同朋友去左一間性價比極高嘅西餐廳，木系裝修讓人感到溫馨舒適，座位舒適，意粉款式選擇多，食完大滿足。蒜味芝士雞翼烤過嘅雞翼肉質嫩滑，配埋特製嘅蒜味芥末醬，增添微辣風味，令雞翼更美味。鮭魚親子和風忌廉鮮製意粉今次試咗店員推介新品，用左日本特製白味噌及和風濃汁，帶出鮭魚獨有鮮味，意粉本身口感彈牙，醬汁鹹香味與濃郁忌廉相互融合，必試新品。芝士肉醬千層麵麵片夾住一層層濃郁嘅肉醬，再加上芝士和充滿鮮味嘅鮮蕃茄醬，芝士焗至溶溶地，香氣四溢，口感豐富。明太子海鮮披薩披薩餅皮煙靭薄脆，上面鋪左蝦、帶子等海鮮，用左濃郁嘅明太子醬，香噴噴之餘味道極佳。蝶豆花檸檬冰茶顏色夢幻，飲落去有淡淡嘅花香，檸檬嘅酸爽感，非常清新。

今晚來到屯門的「意粉狂熱」，餐廳的裝潢溫馨，充滿著簡約而新穎的裝潢，帶著意式風情，舒適的用餐環境令我們感到放鬆。我們選擇了「肉&魚狂熱套餐」，總共有9樣食物，非常抵食。忌廉蘑菇湯： 開胃的忌廉蘑菇湯濃郁滑順，蘑菇的香味令人垂涎欲滴。法式芝士洋蔥湯：洋蔥湯很濃郁，每一啖都有洋蔥碎，味道令人驚艷。鮭魚凱撒沙律（半份）：凱撒沙律清新開胃， 三文魚鮮美，是完美的前菜。蒜味芝士雞翼（4隻）（蒜味芥未醬）： 雞翼經過烤制後，皮脆肉嫩，蒜味芥末醬的調味使其更加美味。香煎鮭魚配味噌忌廉鮮製意粉： 三文魚的肉質鮮嫩，味噌忌廉醬汁濃稠而滑順，與意粉完美搭配。香烤黑安格斯西冷牛扒： 這道牛扒烤得恰到好處，大概有7成熟，外酥內嫩，紋理脂肪較為均勻，肉質鮮美。配以特製的醬料，很豐富的層次。是日甜品（2人份）： 甜品是 提拉米蘇，味道豐富，咖啡和酒精的微醺感與奶酪混合物的滑順和甜美形成了絕妙的對比。凍水果茶： 凍水果茶爽口解渴，又不會太甜。「意粉狂熱」不僅提供多樣的意大利美食，而且以其用餐環境和精緻的菜餚都很有誠意，絕對值得再次光臨。

同事們講起屯門市廣場開左意粉狂意，今期仲要出左軟殼蟹，大家即興去食lunch先~意式脆炸軟殼蟹配蒜味芥末醬一上枱見到就急不及等待切開黎食，大大隻既軟殼蟹，兩隻份量相當足夠，炸得十分鬆脆，最緊要係絕不對油膩，濃濃的蟹味配上蒜味芥末醬，非常好味，必食推介呀!忌廉蘑菇湯每啖都有蘑菇的忌廉蘑菇湯，忌廉creamy配上啖啖蘑菇，有口感得黎又好味!蒜味芝士雞翼必食推介之一! 呢個雞翼真係唔可以唔食呀! 雞翼外脆內軟，d雞皮好有蒜味，d肉亦好嫩滑，簡直一流，配埋個蒜香芥末醬，真係一人食一碟先夠喉呀!芝士牛肝菌濃汁鮮製意粉牛肝菌同芝士係非常夾，醬汁香濃得黎又唔會太膩，意粉又彈牙口感好好，每啖意粉都有濃濃的醬汁包住，大家都食清哂成碟意粉呀!香草烤雞雜菌蕃茄意粉烤雞好滑，雜菌加埋蕃茄一齊煮，非常開胃呀! 意粉係闊條麵，煙韌彈牙，又係一個好選擇!題外話，呢到既侍應好好，好有禮貌，值得一讚呀!!

近日為朋友慶祝生日，在openrice找到這間沒有負評的餐廳，所以就來試一試。餐廳雖然位於商場之中，但位置有一點難找，會不小心錯過了。餐廳門口不大，但店內空間不小，枱與枱的間隔也充足，不會有擠迫的感覺。裝修不華麗，但有一定氣氛，四人分到的卡座也很寬敞。餐點方面為意大利菜，即披薩、意粉、肉類，但比較像日式西餐廳的感覺。擺盤很出色，適合影相拍照。集團經營的餐廳，出品會有一定標準。味道因每個人口味不同而不作詳述。(請參考附圖📷）

本身打算食板長，但等好耐都未有位，就落去其他餐廳望下，去到意粉狂熱拎飛等左5分鐘就有位，太好了！餐湯：蘑菇湯湯唔會好稀，有好多蘑菇碎增加口感，好飲。香草烤雞雜菌蕃茄意粉($68)蕃茄醬中既蒜味比蕃茄味重，令人更加開胃，烤雞係雞髀肉，意粉份量有得免費升級1.5倍，不過普通份量我都ok，唔算好細碟。(個人口味S: 3.2/5)鮭魚牛油果忌廉焗飯($78)焗飯即焗，好夠熱。炒飯底唔錯，同忌廉汁好夾。三文魚、牛油果同蕃茄都好味。(個人口味E: 3.7/5)蒜味芝士雞翼($38)雞翼偏細隻，面頭有芝士粉，但芝士粉既存在可有可無，無乜味。醬似加左蒜味既蜜糖芥末醬，加左醬會比較好食，醬汁加分。(個人口味S: 3.1/5)(個人口味E: 3.4/5)凍檸茶整體唔錯，焗飯最出色，可能夠熱，意粉都ok，但下次會想試下其他意粉，雞翼小食就無下次。備註：Lunch都要加一服務費

意粉是朋友最喜歡吃的食物，近日給我發現了屯門有間自家製意粉餐廳的意粉狂熱，原來還有銅鑼灣、紅磡、旺角店，以後食自家製意粉就可以選擇這餐廳啦！餐廳門面設計閃令令，好時尚，帶有些歐式風格，而地方以長形兩邊桌椅擺設，環境舒適整潔，很不錯。餐牌上有多款午市套餐，不同種類的自家製意大利粉、Pizza、焗飯、小食、甜點及飲品等，款式好吸引。溫泉蛋芝士卡邦拿意粉   $88這個是升級了的意粉份量，意粉頗多，好吸引呀！濃厚的忌廉芝士汁，香濃幼滑，自家手製意粉煙韌有嚼勁，啖啖麵粉香氣，意粉非常好吃，加上惹味煙肉、溫泉蛋、芝士，口感豐富，美味可口。蒜香白酒汁海蜆意粉     $78粒粒飽滿的海蜆，肉質爽口，鮮嫩多汁  ;  意粉帶有啖啖麵粉香，順滑有咬口，充滿香蒜和白酒味，食起來很惹味，亦帶點清爽，沒有油膩感，好吃。蒜味芝士雞翼    $38這個雞翼小食舖滿了濃厚的芝士碎，單看都立即想吃呢！雞翼肉質嫩滑，炸得很鬆脆，加上芝士香濃，雞翼再沾了蒜味芥末醬，多重口感，非常滋味！意大利芝士餅     $38擺盤精美，細心製作的芝士餅，口感軟滑綿綿，濃濃可可粉味，另帶有淡淡酒味及芝士香，口感細膩，吃完這甜品十分滿足

今晚收工之後行左去時代廣場睇下有咩食，睇到有意粉狂熱又有Pizza又有意粉就選呢間。我地選$318二人餐。忌廉南瓜湯好creamy，南瓜湯又好香濃好香。香草雞扒凱撒沙律，麵包粒好鬆脆，沙律菜又好爽脆又新鮮，配上凱撒醬一起食超好味。芝士煙肉忌廉帶子意粉，忌廉汁好香濃意粉又好有咬口，帶子又不韌又夠入味。明太子忌廉芝士海老披薩，Pizza是薄批外脆內軟，忌廉芝士好香濃，蝦又彈牙整個pizza超美味。蒜味芝士雞翼煎到外脆肉嫩又多汁。海蝦牛油果法包多士，多士脆連埋醬汁一起食又幾好味道。最後以甜品做終結又幾美味可口。

最近發現了屯門都有分店的 Pastaholic，這裡的意粉和薄餅很有名，而且款式又多又特別，價格便宜，吃多款都不會覺得破費，真的很不錯。餐廳裝修時尚簡約，設計型格，店內以長形擺放餐桌為主，地方整潔，環境舒適寫意。餐牌裡除了有多款午餐，亦有單點的小食、甜點、特飲等，款式很不錯。美式辣肉腸披薩 配炸雞   $88披薩是薄批，底層鋪了厚厚的蕃茄醬，惹味的辣肉腸，肉味香濃，肉質爽口，散發濃郁芝士味，很好吃。這個另拼炸雞，肉質鮮嫩多汁，比我想像中還要嫩，最怕吃到炸雞又乾又嚡，這炸雞塊絶對嫩滑鮮美。蘆荀蕃茄羅勒忌廉意粉   $68翠綠色的賣相，看起來已經很吸引。意粉爽滑彈牙，沾上濃濃的羅勒香料，意粉另有一番風味，蘆荀新鮮碧綠，很爽脆，微甜的小蕃茄，與羅勒很配，這碟意粉口感香濃，但不覺膩，很好味。(升級) 溫泉蛋芝士卡邦尼拿意粉     $88升級版的卡邦尼意粉，份量真的非常多，意粉條條分明，爽滑有彈性，不會煮得過淋，好吃。最上層鋪了滿滿的芝士及惹味的卡邦尼醬汁，配合流心溫泉蛋和香脆的煙肉就更美味，吃到停不了，太滋味！蒜蓉多士     $12香香脆脆的蒜蓉多士，不會烘焙過硬，而且吃起來啖啖蒜蓉香，我