隆姐泰國美食館

营业中

休息中

星期日晚喺九龍城唱完K，梗係順便去食泰國茶喇！平時嚟九龍城食泰國菜多數食小曼谷或者䧂伯耶，今次就由朋友介紹第一次試隆姐！一行4人咁啱有位唔洗等，見有好多枱客都幾full，而且成間店嘅職員都講泰文，感覺好正宗啊！叫咗馬拉盞炒通菜、炒金邊粉、泰式炸蝦餅、雞肉併豬肉燒烤串、蒜蓉飽同埋一人一杯泰式飲品！（1）馬拉盞炒通菜落咗單5分鐘都無個菜就嚟咗喇！比想像中細碟，幾入味，唔算好辣！（2）炒金邊粉金邊粉賣相唔錯，雖然有小小酸，但都幾香，味道就中規中矩，分量OK，無碟菜咁細碟。（3）泰式炸蝦餅咁多樣菜式入面我最滿意呢個炸蝦餅！佢有5大件每件幫你切開咗一半，細細件方便擺入口！點埋泰式辣醬一齊食，外脆內軟好彈牙，蝦味好出，唔會太油仲好香！（4）雞肉併豬肉燒烤串一共6串，雞肉豬肉各3串。串燒燒得幾好，一啲都唔燶！雞肉質地幾滑咬落唔乾身，不過沙爹醬好浠，味道太淡，食落好似有小小花生粒，個人覺得個沙爹醬可以再濃稠啲！（5）蒜蓉包一共4件，有手掌咁大件之餘夠厚身！咬落都幾脆唔硬，入口好鬆軟，蒜蓉好足料好香！（6）黑珍珠龍眼冰一人一杯泰式飲品我揀咗黑珍珠龍眼冰，好大杯、好足料！好多龍眼肉，黑珍珠幾爽口。如果甜度

星期一有同事生日,去左食泰國菜, 佢話見到呢間泰國菜好多人排隊等位,九龍城兩條街有兩間的,今次我們去唔係主店,係分店,唔知係咪星期一,又唔知係咪分店,所以冇人排隊喎,間店好小的,仕應都係泰國人,唔係好識講中文架.我們點左:泰式金邊粉上菜好快,份量唔算好大,但係好味喎,有蝦,芽菜,蛋,同事話呢個味好好味,勁鍾意鐵板蠔仔煎蛋蠔係好大隻架,唔係平時食開的蠔仔,仲要好肥美架,好正呀生蝦生蝦都好大隻架,好爽呀,加埋D特制的醬一齊食,GOOD冬蔭公湯(小)小以為唔多,但其實都有好多碗喎,有兩隻大蝦,好多大大件的菇,味道都幾好呀,酸酸辣辣咁燒豬頸肉賣相好靚,都爽身呀,不過我覺得佢肥左少少呀馬拉盞炒通菜呢個菜都好青綠,馬拉盞唔算好突出蒜蓉包(兩客)好大件的,一客有四件,好香口,好脆呀,加埋咖喱一齊食好夾好好味呀黃咖喱雞賣相失色左啦,好淺的顏色,味道都唔係好突出,普通,唔辣架,雞肉都好多,都淋身的,仲有青椒飲品:芒果冰,菠蘿冰,青檸冰,珍多冰芒果冰好好飲,係好沙好滑的,透心涼呀後加:魷魚沙律這個沙律看樣子是沒甚麼的,但原來辣到飛起,同事食左一塊生菜,充滿辣汁,可以維持左好耐都未散呀,魷魚都好大件及爽口的

趁聖誕節出去試下新野食~今年聖誕節打破傳統~唔去食放題,又唔去打邊爐~去左搵泰國菜食!!今次派出我地「肥字輩家族-4人作戰小隊」黎打頭陣!(ゝω・)因為驚聖誕節周圍食飯都會多人,所以我地5點幾就已經去到九龍城啦~諗住快快手食完就去行街~我地入到去既時候,成間舖得一枱客!⊙﹏⊙畢竟係第一次黎,而且就咁睇環境既話..的確唔算好吸引..加上,之前都只係喺呢度睇過大家既食評.所以起初我都有d擔心...不過!當d食物送到黎我地面前之後!我既擔心就一掃而空啦!!ヾ(*´∀｀*)ノ我地叫左一個set dinner,再加散叫小食~第一樣黎既係佢!其實味道都唔差~比我想像中好!菜都算甜~不過都幾濃味之後就上左泰國菜必備既對唔算好食得辣既我地黎講,呢個冬蔭公飲落唔算好辣,而且上既時候仲有火燒住,所以熱騰騰咁都幾好飲!同埋!入面有剛剛好既4隻蝦~ヽ(´∀｀●)ノ再黎就係我覺得成餐最好食既就係佢!!!ヽ(●ゝ∀・●)ノ・.。*又脆又香~不會太硬~而且味道都好好!!大家去記得食=]無記錯既話係$25~跟著就上左飯啦~菠蘿都幾甜~材料有雜豆,提子乾,肉鬆,仲有臘腸,小隊隊員覺得呢個飯都炒得唔錯!跟著食左好多人黎都

師傅約埋食神就行去攞位, 食神嫂稍後先到; 食神嫂推介位於南角道嘅食店, 去到後發現真的人頭湧湧, 攞左飛要等十幾張枱先到, 由於街上非常炎熱, 加上師傅同食神都係怕熱之人, 於是行左過隔離間酒吧, 飲番杯啤一啤, 實行邊飲邊等; 大約半粒後鐘再去問下, 先至去左三張枱, 其時食神嫂亦差不多到達, 見到咁多人後, 於是就帶路黎左呢間食店!同一間食店但隔一條街, 人流竟然有天淵之別, 呢間食店只需要等兩張枱, 所以大約等多十分鐘就可以入座; 由於已經接近九點, 大家都十分肚餓, 所以喺等位時已經諗定要食咩! 一坐底即刻落單, 一口氣柯打左七款菜式, 有冬蔭公, 泰式生蝦, 青木瓜沙律, 泰式燒豬頸肉, 蒜蓉包, 炒通菜同埋咖哩豬肉!閒談一陣後, 熱辣辣嘅冬蔭公首先登場, 淨係望埋去個賣相已經覺得十分之得, 令師傅十分期待, 再試下個湯, 入口酸酸辣辣, 酸味比辣味更重, 但唔會令人生厭, 非常惹味, 作為第一道菜真的十分開胃; 加上海鮮十分鮮甜, 師傅前後食左一隻蝦, 而每次都只得半隻, 何解? 皆因蝦係開邊煮, 蝦肉係十分爽口鮮甜, 蝦膏亦甚多, 而開邊煮真的非常方便進食, 第一道菜能