影片
更多
2010-06-01
87 浏览
师傅约埋食神就行去攞位, 食神嫂稍后先到; 食神嫂推介位于南角道嘅食店, 去到后发现真的人头涌涌, 攞左飞要等十几张枱先到, 由于街上非常炎热, 加上师傅同食神都系怕热之人, 于是行左过隔离间酒吧, 饮番杯啤一啤, 实行边饮边等; 大约半粒后钟再去问下, 先至去左三张枱, 其时食神嫂亦差不多到达, 见到咁多人后, 于是就带路黎左呢间食店!同一间食店但隔一条街, 人流竟然有天渊之别, 呢间食店只需要等两张枱, 所以大约等多十分钟就可以入座; 由于已经接近九点, 大家都十分肚饿, 所以喺等位时已经谂定要食咩! 一坐底即刻落单, 一口气柯打左七款菜式, 有冬荫公, 泰式生虾, 青木瓜沙律, 泰式烧猪颈肉, 蒜蓉包, 炒通菜同埋咖哩猪肉!闲谈一阵后, 热辣辣嘅冬荫公首先登场, 净系望埋去个卖相已经觉得十分之得, 令师傅十分期待, 再试下个汤, 入口酸酸辣辣, 酸味比辣味更重, 但唔会令人生厌, 非常惹味, 作为第一道菜真的十分开胃; 加上海鲜十分鲜甜, 师傅前后食左一只虾, 而每次都只得半只, 何解? 皆因虾系开边煮, 虾肉系十分爽口鲜甜, 虾膏亦甚多, 而开边煮真的非常方便进食, 第一道菜能
同一间食店但隔一条街, 人流竟然有天渊之别, 呢间食店只需要等两张枱, 所以大约等多十分钟就可以入座; 由于已经接近九点, 大家都十分肚饿, 所以喺等位时已经谂定要食咩! 一坐底即刻落单, 一口气柯打左七款菜式, 有冬荫公, 泰式生虾, 青木瓜沙律, 泰式烧猪颈肉, 蒜蓉包, 炒通菜同埋咖哩猪肉!
闲谈一阵后, 热辣辣嘅冬荫公首先登场, 净系望埋去个卖相已经觉得十分之得, 令师傅十分期待, 再试下个汤, 入口酸酸辣辣, 酸味比辣味更重, 但唔会令人生厌, 非常惹味, 作为第一道菜真的十分开胃; 加上海鲜十分鲜甜, 师傅前后食左一只虾, 而每次都只得半只, 何解? 皆因虾系开边煮, 虾肉系十分爽口鲜甜, 虾膏亦甚多, 而开边煮真的非常方便进食, 第一道菜能有此水准, 已经令师傅留下深刻印象!
接住落黎就系泰式生虾, 泰式生虾师傅都食得多, 皆因闲时有些酒吧亦不时有此小食, 但就从未见过有两食, 何谓两食? 第一食固名思义系泰式生虾, 亦即系平时食开嘅去左壳刺身虾, 而第二食就系炸虾头! 先讲第一食, 泰式生虾都算几大只, 入口十分爽口, 而肉身真的十分鲜甜, 冰冰冻冻再配上泰式酱汁, 确实系香辣爽口惹味; 而第二食炸虾头系炸得非常松脆, 而且唔油, 仲要系成只虾头吞得晒落肚, 唔会有一忽系食唔到, 真系非常之正, 师傅觉得绝对系必食推介!
青木瓜沙律由好多青木瓜丝同虾仔组合而成, 青木瓜系十分爽口, 食得到好重木瓜味, 而且味道清甜但唔辣, 如果再辣少少相信会更加好味, 这道菜亦算不错; 泰式烧猪颈肉切得唔算太厚亦不太薄, 洽到好处, 加上烧得十分香脆, 外肥肉软, 而肉身就好爽口, 绝对唔肥, 入口唔会成口油, 再点少少酱汁仲更惹味, 师傅觉得呢道亦系必食推介! 炒通菜嘅通菜亦十分嫩绿, 入口就爽但唔硬, 师傅觉得油左少少, 但未算过份, 可以啦!
最后系蒜蓉包, 蒜蓉包系大大个, 烘得十分之脆, 但入口系非常之松软, 唔会劲硬, 而且蒜蓉劲香, 就连一向对包冇咩好感嘅师傅亦赞不绝口, 呢个蒜蓉包亦属必吃; 食蒜蓉包最好配上咖哩, 是次拣左咖哩猪肉, 咖哩真系好香, 食得出咖哩系落左椰汁, 所以除左香之外亦甚滑, 不过可惜唔多够辣, 似萄国汁多过咖哩汁, 而猪肉十分松软, 成个咖哩绝对合格! 饭后仲有一甜品送, 不过师傅就麻麻地,所以冇咩点食!
总括黎讲食物质素非常出色, 环境清洁干净, 服务态度友善, 价钱十分经济, 三个人埋单三百六, 每人百二, 绝对系非常抵食! 能够令师傅一餐里有三个必食推介, 可想而知呢间食店一d都唔惹少, 虽然系第一分店, 断估水准唔会差过总店好多啩, 如果大家都系咁嘅水准就唔使一定要去𠮶间啦; 笑脸一定会比, 可以的话师傅会比个大笑佢添, 呢间食店绝对值得番啅!
张贴
