辣椒會

营业中

休息中

今晚我們去咗灣仔駱克道嘅「辣椒會」食晚飯！我們叫咗辣椒膏炒蟹、咖哩炒蟹、辣青檸魚、燒牛柳片、炸魚餅、泰式燒鷄「半隻」、蒜蓉炒通菜同紅咖哩牛腩！辣椒膏炒蟹同咖哩炒蟹嘅蟹非常新鮮同超大隻，肉質相當鮮甜彈牙，辣椒膏嘅味道唔會太辣，而且好香甜惹味，而咖哩汁嘅椰汁味道好香甜濃郁！辣青檸魚非常新鮮，肉質相當鮮甜嫩滑！燒牛柳片燒得肉質好香口嫩滑，完全唔會有「嚡」嘅感覺！炸魚餅充滿住惹味香濃嘅香茅同冬蔭功味，肉質好爽甜彈牙！泰式燒鷄「半隻」燒得相當皮脆肉嫩，鷄味非常濃郁！蒜蓉炒通菜炒得鑊氣十足，味道相當惹味！紅咖哩牛腩嘅牛腩嘅肉質極之鬆軟嫩滑，而且入口即溶，醬汁嘅味道相當濃郁！

今晚我們再去咗灣仔駱克道嘅「辣椒會」食晚飯！我們叫咗炸脆米片「跟豬肉椰汁」、燒豬頸肉、炸魚餅、香茅炸鷄、辣青檸魚、豉油王炒河、粉絲蟹煲、蒜蓉炒通菜、馬蹄冰、芒果黑糯米飯同椰青！炸脆米片「跟豬肉椰汁」嘅脆米片炸得非常香脆，加埋椰汁一齊食，真係相當惹味！燒豬頸肉嘅肉質超嫩滑爽口！炸魚餅嘅肉質好彈牙，濃濃嘅香茅同冬蔭功味，真係非常惹味！香茅炸鷄嘅炸得肉質好香脆軟滑，唔會有「嚡」嘅感覺！辣青檸魚嘅賣相非常吸引，魚肉嘅肉質相當嫩滑！豉油王炒河炒得鑊氣十足，河粉亦好爽滑！粉絲蟹煲嘅蟹肉非常新鮮，味道超鮮甜，蟹嘅肉汁溶入晒粉絲入面，令粉絲充滿蟹嘅香味，極之惹味！

今晚我們去咗灣仔駱克道嘅「辣椒會」食泰國餐！我們叫咗燒牛柳片、炸蝦餅、泰式燒鷄「半隻」、咖喱炒蟹、綠咖喱牛腩、香辣魚、酸辣海鮮什菜湯、蒜蓉炒通菜、椰青、芒果黑糯米飯、泰式椰汁糕同馬蹄冰！燒牛柳片嘅肉燒得啱啱好，肉質非常嫩滑，再加埋醬汁一齊嚟食，真係相當惹味！炸蝦餅，一咬落去就食得出他們係用新鮮蝦膠嚟做，肉質非常爽口彈牙！泰式燒鷄「半隻」，他們係採用新鮮鷄，仲要係即叫即燒，新鮮熱辣，皮脆肉嫩多汁，鷄味相當濃郁！咖喱炒蟹嘅蟹非常新鮮同超大隻，肉質鮮甜彈牙，醬汁非常香甜！係本人嘅必食推介！綠咖喱牛腩嘅綠咖喱味道好濃郁，牛腩亦炆得好腍好入味！香辣魚嘅魚肉表面嘅炸粉唔會太厚，炸得非常金黃香脆，加上酸酸甜甜嘅醬汁一齊啤食，真係相當惹味同開胃！蒜蓉炒通菜炒得好靚，味道啱啱好，唔會太濃！至於甜品嘅芒果黑糯米飯嘅芒果非常香甜，黑糯米亦相當煙韌彈牙！泰式椰汁糕嘅椰汁相當濃郁，但味道唔會太甜！馬蹄冰嘅粒粒馬蹄係用新鮮嘅馬蹄肉製成，十分爽口！係本人嘅甜品必食推介！

同男友仔兩週年紀念, 本打算食豪點, 但最後想慳慳地平平淡淡過便算了....男友仔提議到chili club. 事關之前食過覺得好好食, 所以十分推介!!去到駱克道, 一帶都係night club, chili club就係隱藏於呢堆酒店其中一角, 位置尚算開揚. 而且白色+綠色招牌絕對容易識認!上到餐廳, 幸好時間尚算早, 所以人不算太多, 但以外國人居多. 侍應安排我倆於較偏僻位置, 方便談情呢! ^^ 先睇menu, 蔬菜類於餐牌內無例明. 其他食物款式都尚算有得選擇. 唯一可惜在全個餐牌都無圖片, 大家要憑空想象喔! 我倆點了三款菜. 第一道上的係泰式炒飯. 男友仔極力推介. 可選配豬肉, 雞肉或牛肉. 我倆選了豬肉. 豬肉幾入味, 而且好淋. 但略為大件. 炒飯唔算太乾身, 味道唔錯, 而且好香! 配料方邊有紅蘿蔔粒, 洋蔥, 蕃茄同青椒等等. 算唔錯的一個炒飯, 但如能乾身一點更佳!! 份量唔算太多, 兩個人岩岩好!第二道上的係蒜蓉炒通菜. 菜炒得好靚, 好綠. 味道不濃不淡, 幾岩口味! 食前多點一下汁會更好味!最後係主菜清蒸鮮魚鱸. 原條鱸魚放在爐上蒸, 汁有少少酸酸甜