肚餓了串燒烤焗專門店 (已結業)

平時在尖沙咀只懂在商場覓食這次朋友帶路到亞士厘道想不到這座商廈很多食肆而且這間串燒店非常多少女光顧六點正剛開門營業店內裝修頗有格調芝士蟹籽玉子燒 - $38或可選肉鬆餡料玉子燒軟熟得像海棉蛋糕，甜甜的富有蛋香脆口的蟹籽配上香濃芝士，口感豐富惹味蒜蓉燒扇貝(兩隻) - $68扇貝大粒啖啖肉既保留了扇貝的原汁原味又不乏燒烤的蒜香蒜蓉燒原條茄子 - $49茄皮被燒得爽脆又不帶焦茄肉充滿水份、嫩滑多汁滿滿的蒜蓉帶起茄子的香甜鹽燒厚切牛舌(五件) - $68牛舌豐富的油花非常醇香厚切富有彈性又軟嫩多汁孜然粉羊仔柳 - $32肥瘦恰當、軟嫩多汁的羊肉一點羊羶味也沒有，充滿香氣獨特的孜然味自家製惹味燒雞肉串(兩串) - $39鮮嫩的雞腿肉經炭火烤熟每串都充滿濃香炭味肉汁份量非常多，性價比最高肉汁香燒餃子雞翼(兩隻) - $49明太子及蟹籽釀入已去骨的雞中翼煎封後皮脆肉嫩，外層雞味濃郁，餡料飽滿帶有濃濃的日式風味、鮮味香燒原條日本鰻魚 - $62肉質酥軟甘香，入口即化，醬汁鮮美可口川式燒韭菜 - $25有少許的孜然粉和辣椒粉燒得翠綠香甜的韭菜，口感清脆罐裝華元堂涼茶 - $18/罐植物涼茶不寒不燥清熱

今日去左一間餐廳名幾得意既串燒黃店 係尖沙咀泥講 價錢真係幾抵食💛餐牌睇到我地花多眼亂 有好多選擇🥰 我地就試下以下既食物🤤1. 芝士蟹籽玉子燒 大大件玉子燒上舖滿芝士同蟹籽 睇見都好興奮😍2. 鹽燒厚切牛舌 有5件厚厚既牛舌 熱辣辣食好好食👍🏻3. 芝士燒廣島蠔 可惜今日無黑松露 芝士份量好多好邪惡👅4. 自家製芝士金黃醬燒扇貝 自家製醬汁好出色 加上粟米同沙律醬 酸酸甜甜 必試😋5. 黃金薯條 份最十足 每條薯條都被鹹蛋包圍 好惹味😚6. 蒜蓉燒原條茄子 必點抵食之選 有齊乾濕蒜 茄子唔會好乾好juicy🤩7. 蒜蓉牛油烤焗雜菇 有大量金菇同雞髀菇 牛油可以再重手d😆見到佢地仲有好多款手工啤 下次要試下🌟

點了九款串燒：燒丸燒火辣牛丸加了指天椒辣得過癮，但口感不夠彈牙，而且無汁偏乾。牛類鹽燒厚切牛舌燒的時間太長或牛質素一般，牛舌過韌。雞類勁辣跳舞雞翼雞翼味道普通，靠近竹籤位置的肉未熟透海鮮冬陰公汁燒焗翡翠螺吃太飽，打包了。黃金墨魚咀鹹蛋味足，墨魚咀香口彈牙。燒蠔芝士燒廣島蠔芝士香濃、蠔無腥味，但肉質有點乾身。燒蔬菜蒜蓉燒原條茄子茄子鋪上了炸蒜，十分香口有口感。茄子無特別。汁燒惹味翠玉瓜味道鮮甜，汁多爽口芝士煙肉焗西蘭花西蘭花毫無味道，芝士與西蘭花的味道感覺各自分開了。

朋友想食串燒，上網搵一搵，呢間個環境同menu好似唔錯，就去試一試。首先上台嘅係原條燒茄子。因為茄子本身冇乜味，所以都會擺好多蒜蓉喺上面去燒。呢度除咗有蒜蓉之外，上面仲有啲炸蒜，食落除咗有蒜香味，仲會有少少口感。推薦！翠玉瓜食落都幾juicy，面頭加咗少少味粉，令到翠玉瓜更加惹味。雞肉串係呢到必食嘅推介！！！雞肉嫩口多汁，重有微微嘅甜味，一個人食兩串都唔夠喉🤤🤤店員話因為冇晒煙肉，所以就咁用芝士焗西蘭花，味道都唔錯，飽肚之選。玉子燒比較厚身，芝士同蟹子嘅味道都好夾，味道偏甜。虎蝦係要嚟呢間鋪嘅其中一個原因，15cm嘅虎蝦，配埋個黃金醬，好好味🤩🤩🤩食串燒又點可以冇燒雞翼呢。食得太開心唔記得影相😝另一推介—— 黃金薯條，每條薯條都黐住鹹蛋黃食落去好香口好惹味，一定要食🤪🤪🤪88蚊重有兩杯生啤，因為未到9點半，所以冇叫到，下次嚟食宵夜會叫埋😆😆

肚子餓時在亞士厘道找吃的，剛看到一個牌子寫著肚餓了，正合當時心情，就上去一試。舖子不大，串燒食物卻不少。牛豬雞羊海鮮蔬菜應有盡有，有燒有焗。怕唔夠飽，連飯都有三款，算幾多元化。飲品方面，主打生啤及手工啤酒。生啤在9：30後$88就有兩杯，以其他時段是$68來說，真係好抵！適合喜歡小酎兩杯的朋友。枱上有三種調味粉 - 鹽、孜然粉和辣粉。不過我覺得食物都夠味，無乜點落過。孜然粉羊仔柳 （$32）本身我好怕羊那種羶味，不過呢串羊羶味唔算好重。唔會靭，同時易咬開。秘製醬汁燒豬頸肉 ($69)份量不少，扺食。豬頸切成條狀，食落少少彈牙，唔會燒得太乾。個汁少少酸，唔錯。肉汁香燒餃子雞翼 ($49)雖然得兩隻好似有少少貴，不過又真係好好食。一咬開D汁就噴出黎，個汁感覺是微微微辣，正!芝士蟹籽玉子燒 ($38)有別於日式的鬆軟的玉子燒，這裏的壓得比較實。蛋味算濃郁，蛋面黏著一層燒溶的金黃芝士，再舖一層蟹籽，飽肚又滋味。蒜蓉燒原條茄子 ($49)每次見到都必點的燒茄子，呢間超超超多蒜蓉，亦燒得啱啱好，連皮都無乜點燶，可以食埋!黑松露香菇醬燒扇貝 ($68)醬的料很實在，菇切成細細粒。入口菇味濃郁，扇貝亦

唔好意思影得好濛，因為餐廳有啲暗 😜串燒店茄子係必食！有啲鋪頭既燒茄子係個皮燒到好窿，淨係食到中間啲肉；但呢度超超超好食！成條都好juicy，可以連皮食埋都好fresh，個人最enjoy係除左充滿蒜蓉既茄肉外，仲有個頭冇燒到好熟，好似食緊生果咁，一條茄子，雙重味覺享受 ❤️雞串超好味，好多肉，好嫩滑。豚肉有啲乾，但個整體所有串燒醃味都好好，唔會條條一樣味😂 但呢個又有啲細串，雞抵好多😜呢個不得了。。。。勁厚切牛舌，真係好痴線😂 中間油花多到滴出黎，真係諗返都肚餓同流口水。必試！彈牙！玉子又個又係必試，超好味！甜蛋有芝士鋪面。呢個啲粉有少少辣，如果唔食得辣又鐘意秋葵既話，記住同廚房講聲。但我好有創意咁將秋刀魚舊檸檬擠左係秋葵上沖走啲辣粉🤣黑松露醬好香，仲有菇既咬口，好正。呢個地方勁岩朋友聚會，最可惜係我果位朋友唔飲酒。我見到人地飲既手工啤好正😭 下次帶班酒鬼再去😎

上星期行街行到肚餓了，就去咗尖沙咀嘅樓上串燒店肚餓了到食晚餐。店內環境暗暗哋，非常適合同朋友嚟一路食串燒、一路飲酒、一路傾吓計。串燒嘅價錢都相宜，除咗海鮮嘅價錢會高啲之外，其它都好抵叫。川式脆燒雞軟骨串 (兩串) $39平時食開雞軟骨都係有檸檬汁調調味，呢到燒得脆口，又好咬口，再有籽然粉調味，唔駛檸檬汁都好夠味。燒墨汁墨魚丸 $19又係已經調好哂味，超方便，墨丸彈牙！蒜蓉燒原條茄子 $49全晚最鍾意食嘅！一上枱，已經被佢份量嚇一嚇，茄子嘅份量同埋蒜嘅份量！蒜蓉落得超大方，成個空間都充滿住好香嘅蒜味，茄子燒完又香，又不失水份，推介！自家製惹味燒雞肉串 (兩串) $39呢個係第二款推介嘅食物！雞肉都大舊，肉質鮮嫩，外皮稍有焦香，相比雞軟骨，呢款性價比超高！蒜蓉牛油烤焗雜菌 $39大份抵食之選！好似去咗bbq咁，有好多款菇🤤全部都好香，當中金菇真係一流，鍾意食金菇嘅朋友必選！香草燒紐西蘭羊架 (兩隻) $98香草好入味，燒得剛剛好，唔會鞋口，略嫌細咗啲啲，唔夠喉🤤🤤黑松露香菇醬燒扇貝 (兩隻) $59賣相雖然差少少，但味道真係唔講得笑，滿滿嘅黑松露，味道超濃郁！肉汁香燒餃子雞翼 (兩隻) $

星期五呢個咁開心既日子，梗係放工同朋友去大食一餐啦！因為約咗好夜係尖咀睇戲，所以都係附近搵嘢食，有朋友就介紹呢間係亞士厘道既樓上舖。亞士厘道多嘢食就係人都知，不過真係唔知原來仲有好多樓上餐廳，好彩有朋友介紹先無錯過到！一坐底就見到餐廳既擺設有好多酒樽，一睇就知係手工啤酒，原來呢間餐廳有同本地既手工啤酒牌麥子合作出咗啲香港電影系列既啤酒。不過因為其他既手工啤酒都好吸引，我地就揀咗另外嗰幾隻試下，價錢同麥子一樣，都係$68枝。食物好多選擇，根本上諗到既都有，蔬菜、肉類同飯等等都有得揀。呢度比較特別就係佢有前排好多人推介既咸蛋味魚皮同薯條食，我地就試咗個黃金薯條($59)，平時只係會當零食買到，而家就食到個熱辣辣既版本，感覺新鮮好多，而且味道都好適中，可以令你一試再試！海鮮就有叫咗呢個蒜蓉燒扇貝($59 2隻)同蒜蓉燒廣島蠔($59 2隻)，調味料好濃郁，連埋呢隻好多肉既扇貝同蠔食感覺唔錯。珍寶日本帆立貝($69)，好大隻！香燒原條日本鰻魚($59)，好少食港式串燒既地方可以食到鰻魚！香草燒紐西蘭羊架($98)，羊架燒得幾好，唔會太銀，羊味都好濃，不錯！蔬菜類嚟啦！翠玉瓜($20)同秋葵($

今次重遊舊地，同朋友仔到位於尖沙咀的串燒店食晚餐。地點非常易揾，只要L5出口行2分鐘到就到達呢幢大廈。餐廳簡約的裝潢，加上酒瓶擺設，感覺時尚又有feel。係等朋友的途中，我們先叫一份我念念不忘的黃金魚皮！餐廳新鮮將魚皮及咸蛋黃炒均，令每塊鬆脆的魚皮都占有咸蛋的咸香香，鍾意食咸蛋乜乜的一定不能錯過！食燒烤或者串燒一定唔可以錯過燒粟米！燒香的粟米零舍吸引，微焦的外面，加上咬落每一粒的粟米粒，將每口佈滿Juicy的粟米汁。翠肉瓜食飯就食得多，串住黎燒真係第一次。平時炒餸一般都係切薄片炒到軟身，今次餐廳用竹簽串起的翠肉瓜就切得比較厚身，而且瓜身吸滿掃上燒汁，令呢串翠肉瓜不再係菜式上的配角。餐廳真係有好多少見的燒蔬菜，當中呢份餐廳推介的燒蘆筍更係人氣之選。採用比較幼嫩的BB蘆筍，令到食的時候唔會食到過粗的纖維。蒜蓉燒茄子都係我的Encore清單之一！以原條茄子切開，釀入大量的蒜蓉及葱，燒得香軟的茄子肉加上香濃的蒜蓉，真係會食到停唔到口。餐廳都有提供不同的焗菇，今次我們就點左其中兩款。用錫紙包住個個係蒜蓉牛油烤焗雜菇，菇包內的金菇及蘑菇等吸曬蒜蓉牛油的精華。不過岩岩食完含有海量蒜蓉的焗茄子後，呢份

朋友仔生日將近，我們一行四人去左位於高興一番。佢地早早聽過我推介的肚餓鳥串燒店，今次我們決定去呢到一邊食串燒，一邊飲下酒。餐廳唔算太大，不過7點時已有8成的枱已經有客了。餐牌方面，除左有豬牛雞外，仲有大量的燒海鮮。此外，驚唔夠飽的男孩們，你們可以叫個焗飯頂下胃tim(笑)餐廳有來自不同國家的手工啤提供，鍾意甜味的我就揀左果味重的Pear Cider。而壽星女就試了容易入口的西瓜手工啤。有啤酒又點可以少左熱氣小食呢？我們叫左一份黃金炸魚皮。魚皮係用新鮮的鹹蛋炒成，無論聞落定食落都非常香。除左有鹹香的鹹蛋味外，餐廳仲加左牛油一齊炒魚皮，令到味道的層次更豐富。無論咩烹調方式，都無燒的豬頸肉咁香口。一塊豬頸肉燒香後切成片，點埋旁邊的微酸的香蒜汁，真係乙非常惹味，$69咁大碟絶對超值！識食牛舌一定要食厚切的！燒得香口的牛舌味道剛剛好，肉質夠Juicy唔會過份乾，我們幾個一致讚好。餐廳提供不同配料的燒蠔，如果大家好似我們咁，有選擇困難症的話，就可以點肚餓鳥燒蠔拼盤，入面有齊所以味道的蠔。我特別推介蒜蓉燒廣島蠔，肥美的蠔肉加上大量的蒜蓉，真係好吸引。一行四個女仔，當然會叫返D蔬菜平衡下。呢份蒜蓉牛油

好耐無食串燒了，所以揾個朋友仔陪我去食串串。呢間位於尖沙咀的樓上串燒店，地點近地鐵站夠方便。餐廳去到都唔少人，不過都有幾張枱淨，所以都唔洗等位。餐廳的串燒種類好多，由豬牛雞羊到海鮮、丸、蔬菜，到小食、甜品，甚至飯類都有。餐廳除左有不同的罐袋汽水果汁外，仲有不同的手工啤。見到餐牌有黃金炸魚皮，諗都無諗先叫左一份。暖粒粒又脆身的炸魚皮，加上新鮮撈埋一齊的鹹蛋黃，真係同新加坡個個係兩個Level。另外，我們叫左「自家製醬燒黑豚肉」及「鹽燒鴕鳥肉」。兩款串串都燒得非常香口，肉質卻唔乾。當然我都有叫到食串串必叫的牛舌啦！個人認為用燒的烹調方式係最適合牛舌的，因為火喉可以火速燒熟表面，把肉汁鎖係入面。朋友對海鮮敏感，所以我只係叫左一隻蒜蓉燒15cm虎蝦及一份兩隻的芝士燒廣島蠔。虎蝦非常厚肉彈牙，而且上面的蒜蓉山都好惹味。芝士燒廣島蠔非常肥美，上面的芝士都好香。另外。我仲要左一份兩隻的汁燒鮑魚，個汁好香、鮑魚有咬口但唔會太un。此外，我推薦大家試呢個比目魚！雖然係用燒烤的方式烹調，不過都無阻魚肉的嫩滑度。金菇牛肉卷的牛肉油香滲埋黎金菇到，整體好Juicy！芝士丸用左調味粉調味，令芝士丸內外都好吸引。

是日收工同大人出遊尖咀，不過到尖咀都7:00，所以就搵好西食先。亞士厘道有唔少野食，見到有間野叫"肚餓了"幾得意，上網睇左好似唔錯。上到去地方唔算好大，不過勝在就算搭枱都唔會黐到好埋或者唔夠位放野食。我地剔剔下野食，唔計野飲都揀左12樣。（雖然叫左咁多，但我無樣樣影哂）先黎左個黃金魚皮，同新加坡嗰隻包裝咸蛋魚皮差唔多，不過呢個係新鮮熱辣辣。當然係咸，所以要黎送酒的確唔錯！順帶一提佢有唔少手工啤酒，餐牌有寫埋唔同酒有咩唔同味道之分。鹽燒厚切牛舌，真係幾厚下，唔韌，肉味好濃。鹽燒鴕鳥肉+醬燒黑豚肉相比之下黑豚肉比較好食，因為鴕鳥肉肉味稍為遜色，相返黑豚肉比較出味同比較juicy，不過鴕鳥肉都係唔錯的，只係黑豚肉燒得比較好食。蒜蓉燒茄子，大人睇相已經話一定要食。因為個面差唔多全部都係鋪滿蒜蓉，茄子又無燒到乾哂，啲肉汁仲喺返哂到，加埋滿滿既蒜蓉好邪惡！芝士燒蠔，今次到滿滿既芝士再加上肥美既廣島蠔，魔鬼來了～西京比目魚，唔知咩係西京（可能係東京既對面），剩係知個汁甜甜地，舊魚又好滑。以為啲野食會好細舊，其實都唔少野，一分錢比返一分貨你，唔錯，食得過！

兩個大男人最好酒池肉林今天就來吃吃串燒先來一枝電影主題啤酒他們的名字叫回魂夜和食神檸檬薄荷味味道清新自家制美味燒雞肉串燒大大串肉質嫩滑燒得超香口鹽燒牛舌是我的最愛體型厚切吃起來非常有肉感經典系列蜜糖燒雞翼不能不叫已沒有不好吃的理由椒鹽燒新加坡白魚蛋不錯微焦的質感有獨特的香氣大男人們要再來點肉肉香草燒紐西蘭烤羊架肥瘦適中羊味香口油脂在口內爆發秘制醬汁燒豬頸肉原碟奉上外皮微焦十分香口惹味燒新鮮冬菇串超香口蒜蓉燒原條茄子極重口味海量蒜頭燒得香口蒜頭控必為之瘋狂芝士金黃醬燒虎蝦很美味蝦頭膏甘香蝦肉爽實最後點了大熱的黃金炸魚皮鹹蛋和魚皮不知產生了什麼化學作用又鹹又香令人一口接一口肉食了一整個晚上男人間的話題總是沒完沒了

好耐無食串燒，較早前便與友人去了尖沙咀的肚餓了串燒烤焗專門店食飯. 愛食牛舌的我, 來這裡必食的鹽燒厚切牛舌. 這裡的牛舌同其他串燒店好不同, 牛舌切得夠厚身, 又大粒, 食的時候好有口感. 牛舌又夠彈牙, 加上牛舌面放了鹽, 更能帶出牛舌的味道. 烤焗西京比目魚. 一打開已經香味撲鼻. 比目魚份量也不少. 魚肉夠雪白, 肉質好嫩滑, 好好味. 蒜蓉燒扇貝. 扇貝幾大隻, 而且每隻也放滿了蒜蓉, 愛食蒜蓉的朋友真係唔可以錯過. 入口有濃濃節蒜蓉味. 特式茄汁芝士海鮮焗飯. 海鮮飯有不少海鮮, 而飯吸收晒海鮮的精華, 特別好味. 一口你食了多款的肉和海鮮, 就點了蒜蓉燒原條茄子. 茄子的肉夠鬆軟, 而且混合蒜蓉特別惹味, 兩者好夾. 茄子更起了中和作用, 無咁油膩.