和歌山 (已結業)

週日約咗姨媽們去太古城濕平，中午由灣仔出發前，大家決定先喺金鐘地鐡站附近醫肚。因時間比較緊迫，所以就求其揀咗間唔洗等位o既「和歌山日本料理」。午市時份，計埋我地在內，全店都只係得六個客人 ，細小o既店舖感覺好清閒。入座後，店員先送上熱茶及餐牌。四人合共叫咗三碗拉麵同一客炸雞黎分。落好單後，可見身處於玻璃窗後o既師傅仔迅即開始烹煮食物。 一本豬軟骨拉麵（$138）：豬軟骨拉麵湯底清甜，拉麵煙煙韌韌，豬軟骨軟腍脆口，雖然係好唔錯，不過$138碗一啲都唔平 ！ 蒜香和牛拉麵（$168）：因有大量蔥蒜調味，和牛拉麵個湯底味道更為香濃，碗入面所謂o既和牛食落反而勁似本地牛肉，實難同我地剛剛喺日本富良野食過嗰啲比 。 炸雞配自加制柚子醋（$78）：炸雞外皮乾身，但未夠脆口，雞肉則多汁且唔嚡口，份量都好足，加上有沙律墊底，又用上柚子醋調味，酸酸甜甜，一啲都唔覺溜 。位於灣仔及金鐘交界o既「和歌山日本料理」，午市單點拉麵，好味就好味，不過質素未能說服細佬要俾成兩舊水去食囉！

越來越多食肆進駐灣仔區，而且都不是些泛泛之輩，主打中高上等的，最後就有一間曾在IFC經營的拉麵店轉移至永豐街，那就是和歌山日本料理。店內裝潢簡單卻流露著和風色彩，門外更設有半露天地方，感覺悠閒又舒適。由於當天早起，胃口不是太好，便來一些季節野菜沙律，刺激一下胃口，增進食慾。既然是季節性，當然每次的出品也有所不同，六款也不盡相同。當中的明太子雞蛋、麻醬蘿蔔及芝士蕃茄深受大家歡迎。明太子沙律醬帶上輕微的辣，與質感像啫哩般的蛋黃一拍即合，美味。然而白蘿蔔也不甘示弱，沾上麻醬後，既爽脆又惹味。另一款是和牛沙律，無論製法及口味在日本菜中都很創新，以一種西式日本菜來呈現。澳洲和牛以日本黑胡椒等調味，再配以低溫慢煮的方法去烹調和牛，使肉質更為鬆軟，更能感受到油脂的甘香，當中的黑胡椒正好降低了油膩感，若再沾上濃郁的醬汁，更有畫龍點晴之效。清酒煮青口有別一般濃濃的酒味，反而更為著重牛油的香味，清酒頓時變得清淡，但卻更能誘發出青口的鮮甜來，細嚼一下，肉質軟嫩細緻，每一口也非常滋味。接著的是店內的招牌拉麵，共有四款，湯底及麵條也是用上同一款，只是配料各有不同。湯底是由鰹魚、鮮雞及豚肉慢火熬成。湯色十分清澈配