烤魚工房 (南天大厦) (已搬遷) 新店位置

呢日想食烤魚 知道元朗呢間烤魚工房 尤其晚市時段 門口一定排長龍等位 所以今日就揀左午餐去試下 餐廳環境有特色 牆上繪上色彩鮮豔圖畫 好生動🔸蒜香酸菜烤魚 （$328）我地揀左中麻小辣江團魚 因為店員推薦話魚比較嫩滑另加配菜 金針菇 火鍋寬粉 魔芋原條江團魚用大鐵盆坐熱上桌 魚面鋪滿海量既蒜蓉及酸菜賣相好吸引 盆下一直加熱滾住咁食 加上蒜蓉超級濃超重蒜味清江魚肉質嫩滑無細骨 可以放心食用 入口有酸味蒜香味感覺兩種口味好特別完全充滿地道風味既烤魚 寬粉好煙靭索埋d烤魚汁好好食好正🤤🔹荔枝特飲 （$32）清香荔枝味 味道不錯🔹芒果至尊 （$32）芒果味道濃厚 好滑好正

平時我都鍾意朋友返大陸食探魚，貪佢啲魚大大條有冇骨，不過下下要返大陸又真係幾麻煩，知道元朗開咗一間類似探魚嘅烤魚工房，急不及待要去試！佢嘅烤魚食法真係同探魚差唔多，同樣係烤魚下面會有一啲材料，你可以再另外叫一啲材料加下去，類似打邊爐。口寡寡突然間好想食酸菜魚，聽姐姐講話江團魚比較少骨，於是我哋就點左蒜香酸菜味嘅江團魚（$288）。然之後可以揀啲配料我就揀咗凍豆腐同金針菇，再加多個出前一丁，每款配料都係$16，但係之後再加就要$20了。在等待烤魚的時間，我哋還點左一啲燒烤同埋飲品，烤茄子（$32）係我每次必食燒烤嘅首選，喺呢度都烤得幾好味！👍厚燒牛脷串$36有兩串四片都幾抵，而且加上孜然粉更有燒烤風味！燒墨魚仔($28)都幾新鮮，不過脆燒鰻魚（$36）就有少少失望，可能外面嘅味料太多唔係好食到鰻魚嘅味道。另外我哋嗌左兩杯飲品，一杯係荔枝特飲色彩非常鮮艷，令一杯係百香果多多，呢杯幾好飲喎！大概過咗15分鐘，我哋點的烤魚上枱了！條江團魚嘅size非常之大上面鋪滿左酸菜同埋蒜頭，聞到就非常之香，食落酸菜嘅味道唔係話十分之酸，不過味道都唔錯。而魚嘅肉質非常鮮嫩，真係啖啖肉，而且食得出條魚非常新鮮