金鶴拉麵 (閩街)

营业中

休息中

金鶴佐敦店，隱身於柯士甸站與佐敦站之間的舊區墟市的一隅，要跟著google map走才能找到。今次專誠來吃招牌雞白湯拉麵，想不到，原來燒活鰻才是鎮店之寶！蒲燒活鰻串 (8.5/10)店長介紹，日本直送活鰻，每天供應有限。可以選擇鰻重（鰻魚盒飯）或鰻魚串燒。好，今次先來一串試試吧。果然，鰻魚燒得表層微脆，肉質鮮嫩而富有彈性，鰻魚油香滿溢，質素屬香港罕見。雞白湯拉麵 (7/10) 依舊湯頭濃厚，牛蒡和#座銀 做法一樣，薄切再炸，像炸魚皮的原理相近，脆身口感更配湯麵。下次打算skip拉麵，直接吃鰻重。

去到佐敦，好自然會想起金鶴拉麵，今次係第二次去食。記得上次個期間限定係“京都抹茶雞白湯拉麵”，今期個期間限定係“北海道極濃蟹湯拉麵”，當然要試下啦。拉麵一上枱就聞到香噴噴嘅味道，急不及待要試下啲湯底先，湯底熱辣辣，入口鮮甜好滑口。望住大大片嘅叉燒和滿滿嘅蟹肉，未食已經流晒口水，一啖拉麵一啖湯，十分滋味。上一次試過鰻魚串，就令我愛上，所以今次一定要點，表面燒至微焦脆脆的，鰻魚口感軟嫩，超滿足。我實在太為食啦，仲點了一份燒雞泡魚乾，看似燒焦，但一啲都不會韌，更是脆口，配上沙律醬味道真不錯。整體味道保持水準，服務員有禮貌，服務態度佳，店內環境乾淨舒適。

這家店門面光鮮，而且甚有日本風，我最愛日本野的我，緊係要去試試佢。 安坐後給了我一杯茶 （凍的但係正）我們點了「北海道極濃蟹湯拉麵」香濃蟹湯而且好多蟹肉，最為突出是拉麵，真係好好味，軟硬度超適合，之後再叫了多款小食 ，「雞泡魚乾」熱辣辣好味，「燒牛舌串」黑椒味厚切，「燒鰻魚串」店員推介果然野味，厚厚肉，而且燒至金黃色，好香口，「煎餃子」這裡是炸的，通透香口 。備註：店裡店外都甚有置身於日本感覺，而且店員細心，會介紹店內出名食物「燒鰻魚」，最令我開心是在臨近食完，店員送上甜品「和果子」注明了（免費）溫馨提示：雖然給了冰茶，也可要求換熱茶的

朋友係拉麵控專程黎試下呢到最出名既雞白湯拉麵去到時已經有8-9人等緊好彩佢有訂位咋有訂位都等左近10分鐘先入座🙊坐低之後侍應有提櫈底可以放袋但冇人斟水俾我地反而有2個人照顧後面入黎枱客🙁叫左招牌雞白湯拉麵同串燒鰻魚🍜碗麵真係好似藝術品炸牛蒡擺得好靚但炸得耐左，略嫌有啲苦最期待既湯底同我預期有啲出入入口濃郁唔油膩但雞味冇想像中濃反而雞肉勁嫩有汁又好食加埋用胡椒調味唔似一般雞胸肉咁乾身無味叉燒同麵只可以話不過不失唔知係咪因爲客人太多啲麵煮耐左有啲糊冇煙韌彈牙既口感蒲燒活鰻魚串燒鰻魚串好嫩火侯啱啱好醬汁香口$68可以一試

每當別人問及我最喜愛的拉麵店，我都會毫不猶豫地回答「座銀」，品嚐多次卻仍會覺得驚為天人，其雞白湯沾麵的確令人回味再三。早前佐敦新開了一間拉麵店——金鶴拉麵，同樣是以雞白湯拉麵和沾麵作為主打之一，立即便引起了我的興趣，欲去一試並與我最愛的座銀一決高下。拉麵店並非位於繁華大街上，而是匿藏於與「澳牛」只有數街之隔的巷道中；雖然店內座位不多，但四處都充滿高雅別緻的和風擺設，坐於吧桌位置更可以目賭師傅炮製美食的過程、欣賞師傅的手藝。金鶴與座銀的雞白湯沾麵各有千秋，尤其是湯底方面明顯走截然不同的路線，要分高下實在是難以一概而論；兩間質素可謂勢均力敵，但個人口味還是偏好座銀，感覺比較清爽、油膩感較輕。金鶴雞白湯沾麵 ($138)沾麵原本會附上溏心蛋一隻、火炙日本黑豚叉燒以及慢煮日本薩摩赤雞叉燒各兩片，或是全火炙日本黑豚叉燒或全慢煮日本薩摩赤雞叉燒四片；店員奉上時亦貼心地提醒如果沾麵湯底冷卻可以隨時請店員幫忙翻熱。雞白湯不如座銀一樣經Cappuccino打泡法發打，所以亦缺少了那種綿密細滑的豐盈感，反而以雞油為主，雖然油膩感強烈但雞味鮮美濃厚，鹹度恰到好處，最後更可以請店員加入鰹魚湯一併飲用，別有一番