岩手膳館 (已結業)

之前去親廣華街閒逛，路過岩手都會見到排哂隊望入舖內得好少位置，所以以往選擇晚餐都skip左呢間早兩日9點幾行過，居然冇人排隊而且仲即刻有位，未食晚餐既我當然要試一試男朋友叫咗呢個龍蝦拉麵，其實真係好普通，好似普通小店食嘅拉麵咁囉以為龍蝦拉麵湯底應該有特別嘅味道啦，點知同我碗蔥油拉麵個湯係一樣整體來講不過不失，但要＄112嘅價錢來講真係唔值囉，龍蝦又唔係大隻我就叫左自家製蔥油叉燒拉麵，不得了咸到呢我食呢碗拉麵飲咗四杯水 啡色一條條嗰啲應該係炸咗嘅蔥油，可能唔啱我口味啦，就算下次唔使排隊都唔幫襯啦貴得又冇質素

岩手膳館名字聽來倒是頗特別，完全想不到是吃拉麵的地方，這天女伴想食拉麵，於是便找到這間岩手膳館。晚市來到竟然未滿，待店員執好枱就能進入，看畢餐牌便點了這裡的招牌菜蔥油叉燒拉麵。拉麵很快就來了，拉麵上鋪滿了黑色的蔥蒜，聞上去非常香，伴著麵來吃更是十分惹味。但叉燒卻平平無奇，令人有點失望。湯底更是只有咸味，飲下去後令人非常口乾，即使香惹再出色亦難以彌補。埋單一個拉麵索價九十多元，普通拉麵價錢，整體而言雖然有不少缺點，但其特色的惹卻值得一試。

平時見有人排隊，以為味道唔錯。當日lunch time見冇人，同行又有人想食拉麵，即本試下。進去，先知地方原來咁細，唔怪得“有人排隊“啦。一行人，叫咗5碗麵。有以下：（1）和風牛肉拉麵（同行人仕說：味精湯。唔值咁嘅價錢。）；（2）2 x 蔥油叉燒拉麵（我食依個。冇乜蔥油味。我說：味精湯。唔值咁嘅價錢。）；（3） 芝士海鮮（海老）拉麵（海老是刺身，浸在湯內。我唔批評，你地自己諗。另外同行人仕說：味精湯。唔值咁嘅價錢。）；（4）岩手拉麵（同行人仕說：味精湯。唔值咁嘅價錢。）。綜合各人意見：（1）重味精。飲咗好多水，都解唔到渴。（2）麵及叉燒份量少。男士食一碗唔會飽。（3）好港式茶餐廳既拉麵。（4）失望。以為「貴嘢自然好」。一句到尾，冇下次。希望依啲食店唔好再呃神騙鬼扮哂勁。

英國返來真係好想食碗拉麵～ 見到MK有間新開拉麵店望落去幾OK就同朋友去試下～ 雖然店面唔係好大不過座得幾舒服， 我order左個蔥油叉燒拉麵，真係有好多料！ 叉燒好大份，隻蛋好好食～我最中意～ 湯底都好好味，夠濃～ 拉麵硬度啱啱好～ 我個friend就order左個岩手拉麵～ 一樣勁多料～真係一分錢一分貨～下次一定再來過～