影片
更多
2010-07-20
135 浏览
父親大人生日…食甚麼個菜色好呢???...老爸今年70有5, 當人人講求健康清淡之時, 佢仍愛大杯酒大塊肉…不肥不吃!!...佢自己o既一套養生之道哇!!...嚮無肉不歡o既單一條件下, 恰巧又見飲食節目介紹北京填鴨製法…好簡單就想到o黎食京滬菜了…左近o既老字號《鹿鳴春》、《北京酒樓》、《全聚德》等都試過了…今次就試試《泰豊廔》吧?!...反正聽口碑亦不錯啊!!...星期六晚7點到來…坐位填滿半…四周光猛…陳設樸實...一眾白恤衫西褲打領帶o既服務員大叔, 衣著俾人感覺既懷舊又得體!!...唯獨空調有點不足...間吾耐廚房走廊仲有陣陣熱風瓢至...客人陸續到來, 服務員將一隻又一隻燒好o既填鴨推來推往...即席大顯身手...刀刀夠準片片有力, 此情些景又令氣溫提升兩度...好搞笑!!!菜牌源用舊式手寫價錢的...大中細、例、時價詳列清晰, 選擇多, 價錢大路...服務員大哥好意推介套餐多較抵食...但我地決定自選菜單如下:-(冷)醬蹄…排放精美, 樣就似燻蹄, 只係顏色吾同…但冇燻蹄o既皮爽肉彈, 肉質較焾…淡淡o既肉香配合附設o既醬油更加令食味提升!!(冷)燻魚…幾乎係我必選冷盆,
左近o既老字號《鹿鳴春》、《北京酒樓》、《全聚德》等都試過了…今次就試試《泰豊廔》吧?!...反正聽口碑亦不錯啊!!...
星期六晚7點到來…坐位填滿半…四周光猛…陳設樸實...一眾白恤衫西褲打領帶o既服務員大叔, 衣著俾人感覺既懷舊又得體!!...唯獨空調有點不足...間吾耐廚房走廊仲有陣陣熱風瓢至...客人陸續到來, 服務員將一隻又一隻燒好o既填鴨推來推往...即席大顯身手...刀刀夠準片片有力, 此情些景又令氣溫提升兩度...好搞笑!!!
菜牌源用舊式手寫價錢的...大中細、例、時價詳列清晰, 選擇多, 價錢大路...服務員大哥好意推介套餐多較抵食...但我地決定自選菜單如下:-
(冷)醬蹄…排放精美, 樣就似燻蹄, 只係顏色吾同…但冇燻蹄o既皮爽肉彈, 肉質較焾…淡淡o既肉香配合附設o既醬油更加令食味提升!!
(冷)燻魚…幾乎係我必選冷盆, 當然亦要叫一個!!...好濃好稠o既醬汁均勻塗滿每一件魚塊…魚身仍保持濕嫩, 冇被炸到乾乾實的…不錯呢!!
京燒羊排…除本身偏愛食羊之外, 哩個菜亦確值得欣賞!!...烹調功夫好!!...望落以為走油炸到乾乾硬的, 啖落先知皮脆肉嫩, 甘香可口!!...有點怕羊羶o既細佬都叫好!!!
鹽爆牛肚...以為係金錢肚o既部份, 原來係牛栢葉...亦吾係想像中果種”爆”…因為水份多, 就似鹽浸甚麼甚麼的那種感覺…只係跟想像中有出入, 但論食味係好的!!...既爽口又無渣!!
芝麻蝦...似蝦多士o既做法...白麵包上塗少許蝦膠...面頭沾上芝麻...猛火炸!!...火路同時間要準, 否則麵包會索滿油或又硬又燶...這個可見師傅做得好了!!...金黃香脆而乾身不油膩!!!...送杯啤酒應該吾錯!!...哈!!
鮮肉鍋貼...由細到大都咁鍾意食, 又係幾乎有邊次少得佢o既呢?...一客十件, 皮薄餡靚, 肉滑多汁...吾知係咪廚房忙??...再煎金黃一D更香口!!
北京填鴨...哩晚主角到了!!...見服務員拿住熱騰騰o既出爐鴨嚮面前一片片起肉, 係永遠令人睇到流口水o既畫面...可惜嘛係可能本身隻鴨太肥又或未燒夠火喉所以未”收油”…加上係厚切…皮下仲見到層層黃色肥膏…幾膩吓!!...大家都覺有些少失望啊!!
蔥油餅...之前食過o既通常外層以麵粉搓皮炸脆的...但哩度以類似中式酥皮製法又有係另一番滋味...中間包滿京蔥!!!...香氣四溢!!
高力豆沙...雖然哩個甜點係附送的, 但一D都吾失禮!!...熱呼呼的...又勝在紅豆餡較比一般的較為豐足但又吾會甜到漏啊!!!...
還有一提係…席間時有蚊仔飛來飛去…好有農村風味耶!!...真要注意改善一下o勒!!!
茶芥+汔水數支連加一服務費共銀HK$850 (註: 最貴係原隻北京填鴨$280)…
张贴
