海潮食堂

营业中

休息中

今日因為工作入左觀塘， 醒起觀塘有間茶餐廳的多士， 被人吹捧得天上有地下無，又內脆外軟，又話心機之作， 又全港首創，所以雖然落雨兼唔順路，都要專登兜路過去食，心中祈求唔好再中伏。 去到嗰陣大約4 點左右， 得兩三枱客，所以唔洗等可以即刻量體溫就就坐。入去經過佢哋個文武吧個陣，笠到個師傅係度整緊佢哋個招牌菜「蔥花蛋多士」， 估佢哋應該係即叫即整，因此都放心啲（因為睇食評， 因為人話個多士微温，似係整定。）坐低就即刻同呀姐落單， 等左5分鐘左右就有個食 一上枱，見到個樣都係同啲人講嘅大致相同， 一塊厚麵包烘完中間剖開一半揸牛油，然後夾住個厚厚的蔥花炒蛋。中間個蔥花炒蛋餡的確好厚但點解個多士一邊厚一邊咁薄，突登咁切的嗎？好多蔥花,蔥味濃食完之後，只係覺得同普通多士無咩分別🤔🤔唔會話外層特別脆，入面好軟熟，就係一塊普通烘左的方包。中間蔥味係好濃， 但係個人覺得偏鹹。最緊要係， 個多士真係微温，同平時食多士個温度真係有差別，唔通師傅要等個包凍少少先切開，所以個蛋同包都凍左唔係熱辣辣🧐？總結， 無咩特別， 唔會突登再去😆

就係因為男朋友send咗條YouTube片俾我睇係衛詩雅介紹呢一間隱世小店，住左觀塘咁耐我都未食過，於是就決定趁我而家失業鬼咁得閒 ，隨時可以weekday去食個飯 。Anyway點都要就男朋友，佢都要返工嘅⋯⋯唯有都係lunch Time黎同人逼下啦 ，真係排晒隊㗎，不過好彩都唔係等左好耐。雖然都係迫迫地㗎喇，不過食晏時間係咁上下啦。其實睇完條片心目中已經諗定想食啲咩㗎啦一嚟就叫左個五香肉丁手撕雞撈通粉。再叫咗個阿華田多士仲有就係招牌葱花蛋多士 ！佢嘅特色飲品冰啡樂都要試吓嘅。先來個撈通粉：平時只會食到撈麵或者燴通粉，呢個撈通粉佢嘅汁有啲啲麻辣嘅味道再加埋佢嘅肉丁同埋蔥油手撕雞 造成左一碟鴛鴦味嘅撈通粉 ，好味。不過男朋友話有啲辣之後嘅阿華田多士：佢嘅多士全部都做到好薄身㗎，加咗啲兒時嘅阿華田粉係上面再加啲煉奶咁就造成左一樣出邊冇得食嘅特色多士啦至於佢嘅招牌葱花炒蛋多士：果然係招牌，實得黎又滑嘅炒旦，唔會炒得過咗火，再加埋啲葱粒 好香喔！冰啡樂：係完全冇諗過可以咁樣飲嘅。其實只係簡單咁樣將ice coffee加可樂，點知出嚟嘅味道可以咁夾㗎喎，啱晒我呢啲飲唔到齋啡怕佢苦嘅人，加咗可樂

在眾多雜誌、網站爭相介紹「海潮食堂」之前，已經幫襯過佢幾次。當初，係一個朋友向我推薦，話佢的奶茶好飲，我先至去試下的。不過時至今日，「海潮」已經新出了很多好味的新款食品。未講食物之前，先講下老闆。幫襯幾次之後，老闆就會認得你，甚至記得你食過咩、鍾意食咩，之後會介紹你試新野所以次次去親都有驚喜。講返正題，今日其實唔係好餓，不過去開附近又行到攰，所以想歇下腳兼嘆返件多士。這件係薄多士，我的最愛麵包比起一般的方包還要薄，所以烘過之後特別脆口。表面加上華田粉、砂糖和煉奶，食落口又脆、又甜又有朱古力味。至於蔥花蛋多士，我係第一次食。這款多士很厚，有兩層餡料-蔥花蛋和牛油。我個人其實很怕食厚身的多士，因為麵包太厚會令人容易覺得口乾。不過這款多士又唔會出現這個缺點喎！超厚的蔥花蛋，為多士帶來濕潤的感覺，味道有少少咸和濃郁的香蔥味。夾在烘脆了的麵包中間，咸、香、脆齊備，很好食一改我對厚多士的印象。提提大家，「海潮」係無招牌的而且門口唔太顯眼，所以去搵食的時候記清楚地址啊。