八不·壽喜燒

营业中

休息中

向來都喜歡日本料理🍣~而熟食中我最鍾意壽喜燒,因為湯底甜甜香香又有牛味🐮~今日嚟到大南街呢間木系嘅壽喜燒,因為呢度有靚牛肉😍😍!我哋點咗個經典日本A5黑毛和牛壽喜燒套餐~包埋野菜拼盤同埋雞蛋🥚~店員會先幫我哋用牛嘅油脂加壽喜燒汁煎香啲洋葱同京葱🧅~等啲壽喜燒汁收乾啲,就可以煎牛肉啦!啲牛肉油份滿滿,入口即化,令人好回味😋~我哋仲追加咗份美國安格斯/Prime頂級(板腱)~但因為當日無貨,所以升級咗做封門柳🤩~呢個牛肉比較有肉香,油脂無咁多,口感比較扎實~另外點多個稻庭烏冬嚟吸湯🍜~配埋啲京葱洋葱,真係好甜香好味~另外仲叫咗啲炸物~呢個雜錦吉列野菜有兩件南瓜,三件冬菇🍄‍同兩件茄子🍆~外層炸得好脆又唔會厚,最好食冬菇,入口好juicy💦~另外叫咗個吉列海鮮拼盤二人盛,有蝦,帶子同埋蠔🍤~個蠔最好食,夠晒肥大,反而帶子煮得有啲老~整體嚟講,呢間餐廳嘅壽喜燒真係好有正宗風味🎍~而且佢啲牛肉真係好靚,好有去日本食嘅感覺🤤~炸物都唔錯,新鮮熱辣而且大件~

今日嚟開呢頭傾野，心血來潮，想試吓食關西風嘅壽喜燒，就嚟到門面好有日本風既八不試下。餐廳主打關西風嘅壽喜燒，所謂關西風，就係要將啲肉煎咗先，跟住落啲壽喜燒汁落去，今次食咗牛板健嘅壽喜燒set，食開牛既都知呢個肉本身肉味會比較豐富啲。店員好細心咁樣示範點樣整，之後由我哋就開始煎，都唔係太難上手，本身牛肉味好香濃，同埋有蛋汁配埋一齊食。食完牛肉之後仲有一大盤嘅蔬菜，店員上菜嗰陣除咗有一支壽喜燒汁之外，再會有一支高湯，高湯聞落去，應該似係落咗柴魚片同埋昆布，係非常正宗日本嘅dashi . 蔬菜吸收咗壽喜燒汁高湯同埋牛嘅香味。可以話集百家之大成！ 蔬菜配搭亦都非常正宗。睇到隔籬，見到佢A5和牛品質都好似唔錯，下次會試吓佢嘅日本和牛。