焱手工涮涮鍋 (已結業)

作為一個香港人，中意打邊爐係好合理既。食得邊爐多，都想食得精d、特別d，今日誤打誤撞嚟到呢間「焱手工涮涮鍋」，的確令我得到久違既滿足平日一個人頭只係$288，有海鮮有靚牛肉有粥膽，食到飽一飽！前菜都好有新意，用麻油涼拌蟲草花，又清新又健康！柚子沙律🥗菜新鮮不在話下，汁仲好多！岩哂我口味！海鮮拚盤又係好新鮮！有蝦有鮑魚、有貴妃蚌，剩食海鮮都抵左！以為得一盤，點知仲有一盤，隻蟹手腳仲識郁，新鮮到一個點！粥底火鍋先落海鮮熬一熬，唸起最後可以食一煲海鮮粥真係令我太興奮係呢個時候，可以食響鈴，但因為個響鈴太世界級，所以我無放落d湯度呢個暫時係我食過最好食既響鈴，皮超薄，勁鬆化，信我，直接食吧！我地加左每人$20食封門柳，所謂封門柳為牛橫隔膜肌肉，每隻牛只有一條，好罕有。肉味重，油花少，岩哂牛魔王手工配料可以選五款，當中蝦棒同墨魚磚好值得推介。蝦棒蝦味濃，而且極彈牙，食得出係自家製！豬頸肉好似好普通，但呢個豬頸肉無羶味，口感爽脆蔬菜籃好新鮮，一條帶黃既菜都揾唔到！仲令到個火鍋更清甜！最後食完料，就要享受個精華中既精華！入面粥膽無米粒，但加上咁多配料既熬製，清甜無味精，真係好好味

5月中天氣已經開始熱，作為打邊爐愛好者，決心要趁未到大熱天食多幾轉火鍋過下癮! 今次同朋友約左試旺角嘅焱手工涮涮鍋，一出電梯就見到大大個logo，牆身設計又幾有心思。店面唔算好大但座位夠哂闊，鍾意望到街景嘅位感覺比較開揚。主要考慮兩個set，比單點抵食，最後點左焱選套餐，可以一次過試哂三個湯底!等食之前當然要調好個醬先。先黎一個前菜，沙津清新開胃，蟲草花落左麻油好香。分別叫左養生人蔘藥膳鍋、姬松茸珍菌鍋同店家配搭嘅火焰清酒煮蜆。湯底不會過咸，胡椒味頗重。中間噴火嘅就係火焰蜆啦，店員先放蜆同酒，點火燒完再放湯，蜆肉嫩滑鮮甜。加左少少錢要手切prime肥牛，油脂分佈幾均勻，輕輕一淥就食得。當日海鮮拼盤有帶子、蟶子、魷魚、鮮蝦同龍躉魚片，因為新鮮所以冇腥味，最愛蟶子同鮮蝦，前者鮮味後者爽甜。大家要睇住時間唔好淥太耐，我地嘅帶子一唔小心煮耐左手工火鍋拼盤幾有創意，花膠牛丸配搭同口感都好新鮮，黑松露餃子好有驚喜，內餡滑之餘有淡淡黑松露香味。響鈴店員介紹係即炸，最好趁新鮮炸起食，香脆又唔油膩，放湯定淨食都好味。蔬菜籃大大份，都係我打邊爐必備!無花果雪梨茶，甜度剛剛好，好清潤。最尾仲有桂花凍做甜品，

人數少去打邊爐，往往是一個難題，一個湯底都要2-300元，加多一碟肥牛都已經每人300元落樓，非常不化算。就算肯花錢，每碟份量也很多，兩個人不能有太多食物選擇。但係如果要去放題火鍋，質素往往又很差，真是一個困局。幸好跟朋友講起，他推介了這家火鍋店給我們，於是便相約一試。餐廳環境相當舒適，窗旁有大量卡位，隱私度十足，適合三五知己相聚。除了環境舒適外，餐廳的食物安排亦能解決人數少打邊爐的煩惱。除了散叫之外，人數少亦可以點套餐。每人只是＄268，食物種類包羅萬有。湯底已經可以有三種選擇，食物包括了海鮮，肉類，丸類，蔬菜還有甜品及飲品！👍🏻特定時段仲有八五折😮醬料盤應有盡有，絕不馬虎。套餐還包含了前菜，性價比十足！湯底我們選擇了清酒煮蜆麻辣湯及雪山飛龍鍋。雪山飛龍鍋可算是最有特色，它有一大片蛋白球，配合龍躉魚湯別具特色，味道清甜，用來煮海鮮一流。海鮮拼盤超級新鮮，每種海鮮每人起碼有一件，雖然只有三個人，已經可以吃到五種海鮮！丸類餃子仍如是，總共有五款選擇，每款質素極高，跟放題不能相比！牛肉質素相當高，充滿牛味，響鈴亦是鮮炸的，蔬菜極度新鮮絕無黃邊！最後還有雪糕及包含一杯飲品，都是餐廳自家製的！