四季良晨 (新都城中心) (已結業)

今日同女友係寶琳睇完電影，去左位於同一商場既四季良晨。七點左右去到已經滿座，好彩好快就有位。裝潢幾有特色，牆上每一個格大小不一，入面放嘅東西各不相關卻充滿和諧感。四季良晨除左係台式餐廳，仲有Counter專賣台式飲品。我叫左木瓜純鮮奶。配搭相當新𩓙，天然甜。女友就叫左白桃烏龍茶，味道較清甜。食物方面，三盛牛肉麵既三盛指腱心牛肉、牛腩同牛丸。麵條比較腍，湯底辣得過癮，分量十足。牛腩煮得幾腍，唔會咬極都咬唔開。加$6仲有滷水豆腐，平均$1一件，幾入味。蕃茄濃湯水餃總共有四隻，酸酸地非常開胃。至於女友叫既晩市定食套餐仲超值。鹽酥雞扒唔粉，炸到金黃色脆卜卜。滷肉飯肥瘦適中，而且滷肉分量幾足夠，唔會去到最後淨係食白飯。另外仲有燉湯同菜，真係抵食。

台式餐廳食嚟食去都係嗰幾間，今次試試新意思，呢間餐廳由裝潢到食物都好用心，價錢相宜，味道唔錯。煲仔 · 塔香三杯雞飯 $88 呢個係晚市定食，跟餐有埋上湯浸時菜同埋燉湯，三杯雞用上九層塔煮，味道香濃、肉質亦嫩。麻醬雞絲冷麵配涼拌貓耳朵 $52 加配滷水蛋 +$6 夏天真係好難抗拒台式冷麵，特別係佢濃濃嘅麻醬，簡直將成個麵昇華，呢到嘅冷麵整得都出色，雞絲唔會乾柴，而且麵質好彈牙。涼拌雲耳調味出色，酸味恰到好處，超開胃。蕃茄濃湯水餃 $28/4隻 水餃比較一般，外皮略嫌有啲厚，但係個茄湯真係對得住濃湯呢個名，相信如果叫茄湯嘅麵食應該好出色。桂花雞翼 $23/3隻 我孤陋寡聞，叫嘅時候我以為係凍食嘅，原來係將一隻隻炸起香脆嘅雞翼，點上桂花醬嚟食，個桂花醬靚到呢～ 兩者配起上嚟食，都幾夾，點上個醬後味道fresh啲，食起上嚟無咁熱氣，同埋個味道都幾特別，好鍾意。芝士奶蓋抹茶 ＄28 芝士奶藍唔算突出，比較稀身，只計抹茶嘅話味道可以。鐵觀音珍珠鮮奶茶 $23 鐵觀音茶底清香，茶同奶比例唔錯，整體都ok。唔駛加一服務費，埋單2人約$250。如果你鍾意睇我嘅食評，不妨關注我，支持吓我，謝謝你☺️💕

將軍澳新都城商場 提供不少美食， 特色餐廳 俾區內人， 基本上區內人日常飲嘅食嘅買嘅都齊備好少會出城。平日時間過咗去新都城食午餐， 發現最近新開咗间台灣食肆， 主打台南菜同台式茶飲。店舖喺商場二期， 台式小店裝修， 舒服自然，滿有文青feel。揀咗飲品， 會喺隔離 《幸福之茶研社》自己直接取或者送回店內。珍珠阿華田$24唔係好甜， 珍珠勁煙韌，不過咬到牙都攰😅。仙氣火龍果茶$30味道好清甜， 呈深紅色， 唔通用咗紅肉嗰隻火龍果？腱心牛肉麵紅燒湯底$58牛展肉用咗中心嘅部位所以好軟熟。 面身較焾不過都好索湯好好味！ 湯底味道濃郁，但個人覺得偏甜， 還好帶微微嘅辣中和返個甜味。紫菜魚丸湯$6牛肉麵外加了小食， 魚丸好彈牙結實👍塔香三杯雞$48個煲唔係熱辣辣甘上， 有酒香和九層塔嘅香氣， 但雞件較靭和乾。手拍小黃瓜 小食加$12青瓜好爽脆，唔令醃得太酸或太鹹， 夏天食好清新開胃。涼拌貓耳朵$12 酸酸辣辣嘅小食都係好開胃， 貓耳朵特別小巧爽脆。蕃茄濃湯水餃$28水餃皮比較腍， 包得唔夠結實。 濃湯蕃茄仲有唔少嘅蕃茄肉， 夠曬開胃醒神。鹽酥花枝丸$23 外皮酥脆， 做到酥炸生蠔外皮果種效果。

星期五放工出街食飯，揀咗就近既台灣嘢食晚餐~環境主打文青風格，裝修感覺治癒，最鍾意望到牆身見到好多立體花，好有青春氣息~~滷水蛋牛腩雞肉飯套餐套餐材料豐富，滷肉飯汁配白飯味道香口，雞肉鋪滿整個白飯面，肉質嫩滑，配埋滷蛋其實已經好滿足~牛腩份量都多，不過燜得可以再入味啲，軟硬度適中，不過肉質就略嫌有啲乾身，浸多少少湯會更好吃~有不少蔬菜做伴碟，蔬菜都吸收左牛腩汁都幾入味~燉湯夠足料，飲到底見到有不少材料，飲落清甜可口，不過隔咗油會更飲到湯嘅精華更好味~~涼拌貓耳朵木耳口感爽脆，調味料控制得宜，酸甜度剛剛好~辣椒唔會太多，唔會比辣味蓋過酸甜，係不錯既開胃小菜~~番茄濃湯水餃蕃茄湯底濃郁，水餃吸收左湯嘅精華有濃厚嘅蕃茄味，水餃餡料算足夠，而且咬開有肉汁流出來，唔會乾身~~三盛牛肉麵(蕃茄湯)湯底濃郁，牛肉量足夠，牛丸咬落彈牙，牛腩吸收左番茄湯肉質軟諗，而且燜得都夠入味，牛展夠爽口，厚度適中，啖啖肉非常滿足~~芝士奶蓋鐵觀音叫咗少甜整體感覺唔算甜，反而飲到茶味更加順口，芝士味唔算重，但係個人認為少許芝士味已經令整體口感頗為豐富，係一個唔錯嘅選擇~~桂圓杞子菊花冰茶整體清甜可口，係養生之選，食到