8鍋臭臭鍋 (金巴利道) (已結業)

尖沙咀一人台式火鍋🥘上次經朋友介紹之下，食左呢間台式火鍋店，一直念念不忘，今日又嚟試下。餐牌都有介紹，因為有八款不同特色既湯底，因而命名為8鍋，每款湯底各有特色，有辣有唔辣。🥘 蕃茄白豚鍋配料非常豐富，分別有娃娃菜、白豚肉、蓮藕、蕃茄、粟米等。本身想食清少少既蕃茄湯底，蕃茄味好濃郁，白豚肉熟左就儘快食，否則煮耐左會有啲韌。其他配料就正常發揮，勝在一人一鍋夠哂大份。🥘 粉絲個鍋可以選擇跟白飯或者粉絲。食到最後先加，吸收哂個湯既精華，掂！🧋 冬瓜茶冬瓜茶都幾大杯，甜度適中，唔錯

呢一次已經係第二次食 上次食芝士牛奶湯 麻麻地 所以今次決定食蕃茄湯*蕃茄白豚鍋蕃茄湯底蕃茄味唔係好強烈 但好夠味 豬肉片煮耐左都唔會好韌🐷 有好多唔同嘅配料 全部都係正常發揮😎娃娃菜 豆乾 凍豆腐 蓮藕 粟米 枝竹 蕃茄 金菇 香菇 木耳 鳴門卷 粉絲 可配白飯/粉絲*芝士牛奶鍋湯底分離晒 比起芝士味 更加重奶味 配料都係個幾味 正正常常 冇咩特別~ 冇咩驚喜~佢哋嘅服務態度好差 好似前世得罪佢咁 兩次食 兩次都黑晒面 第一次食 醬料冇俾 問佢攞 佢攞俾我哋 黑晒面咁 叫佢換火種又黑面 第二次食 我以為佢落漏單叫佢睇吓 佢係大聲話我話嚟緊 真心要改善下態度💩

好耐之前食過哩間8鍋臭臭鍋, 個陣時岩岩新開, 前幾日經過見到佢大排長龍,原來而家已經咁受歡迎, 攪到我突然又好想食! 聽日放飯所以今晚特登晏少少黎唔想排隊, 9點到左果然唔洗排, 但原來入面都仲係差不多full house坐位ok闊落唔少得調味料~蕃茄白豚鍋朋友唔食辣揀左蕃茄湯底, 朋友話湯底係偏甜既而且蕃茄味亦濃郁~ 有大大舊既蕃茄比你煲住~除左白豚之外仲有好多蔬菜配菜, 樣樣有d台式麻辣鍋重口味又嗜辣既我梗係揀麻辣鍋啦, 揀左中辣但原來都唔係太辣, 不過就好香! 哩個鍋既配菜就重口味d有鴨血豬腸等等。米血糕好味!仲有配左細細個泡麵~我揀左粉絲, 吸哂d麻辣湯真係正到不得了!百香果綠茶依度既飲品全部都好似平時係台飲店外賣既包裝咁, 依個百香果綠茶又唔錯喎, 因為我唔中意太甜, 又有清新既百香果香每個餐$112, 鍋入面樣樣都有d食下食下都好飽, 中意健康d既可以好似我朋友咁揀蕃茄湯食多d蔬菜, 重口味如我就仲多選擇! 不錯

今星期又開始轉涼，還霧着細雨，乍暖還寒，決定暖暖身，來過一人一鍋，正！餐店落地玻璃門口，清楚看到客人暖笠笠的樣子。馬上走進內裏，場面熱鬧，設有多張二至四人枱，每枱都一人一鍋，打得火熱。除了有九款一人鍋套餐外，還有很多加點食材、幾款小食和飲品。套餐是鍋加飯或粉絲，揀乜好呢？****************************今晚想開胃啲，就要蕃茄白豚鍋 Tomato Pork Hot Soup($112)，酸咪咪可以吃多啲，哈！一滾起便聞到陣陣酸香，茄酸味濃郁，酸香美味，很討我喜歡。鍋料相當豐富，數數看，足足有十五款，包括有娃娃菜、白豚肉、豆乾、蓮藕、蕃茄、椎山、香菇、粟米、凍豆腐、青豆角、金針菇、炸枝竹、粉絲、鳴門卷和木耳，各食材都越滾越入味，越滾越滋味。白豚肉份量不少，夾雜些肥膏，肉質紮實；凍豆腐和豆乾也不錯；娃娃菜和蕃茄都好嫩；粉絲滑嘟嘟，吸收晒蕃茄湯，很美味！但最喜歡還是粟米，極之爽甜，一件真的不夠喉，馬上追加一碟粟米Sweet Corn（$30），色澤鮮黃，好新鮮，同樣非常甜美，好味！****************************另點了杯熱香芋奶茶 Taro Mi

臨去睇演唱會，由尖咀行去紅磡途中，經過呢間長期都好多人的台式鍋物店。上次經過係星期六晚，6pm 已經要等位，最後因為趕時間食唔到…今次係星期日晚730pm，未見爆多人，最後等5分鐘就ok了。叫8鍋因為有8種鍋，每款都超多配料的。配好晒唔駛煩，一個人食都相當夠，唔夠可以散叫配料加落去。先叫一個台式奶茶，好似出面貢茶那種的包裝。味道一般，可能我唔中意太重奶味的，加上冰溶左之後就更加淡…叫左個蕃茄白豚鍋和台式麻辣鍋，連飯/粉絲，每客$108。當然比吉野家貴，但咁多料，仲要乜都有d，食款式和類別都值返。朋友的麻辣鍋要中辣，但真係唔夠辣…試完真係連鼻涕都無滴 XD！我覺得下次可以叫大辣…另外，呢個鍋多d 特別既台式配料，例如米血糕，但濕濕碎唔知去左邊…我好中意我個蕃茄鍋，夠清淡開胃，而且食到勁多菜，感覺健康。唯一的肉類是豚肉，有3-4片勁大片，肥瘦適中，好香甜。本身個鍋已經有煮好左既粉絲，但加埋配餐的粉絲就好夠飽了，吸汁一流。$108 又唔算貴，至少會約friend 黎食（但唔會約friend 食吉野家火鍋嘛）。其實坐得耐既，唔會趕你走，不過個鍋個火弱左d，一般速度食完就熄左…哈哈。