力奇四季火鍋 (已結業)

為左慶祝我表弟成功讀醫，我決定冇limit請我表分食返餐好，個衰仔幾有我心，揀返間有牛食既，佢提議黎到我既favourite力奇！講真呢間野就冇物裝修同服務，但勝在野食一流！一早卜左位，但其實都係要等位咁卜黎做咩，，，，？等左成個鐘先有得食，都算係咁請我飲返罐汽水。即刻點左個蕃茄薯仔湯底，我見十張有八張都係叫呢個，因為佢愈煲會出味，個湯之後飲真係清甜，好出色，其他配料記得叫d索味既野，好似豆卜同芋絲，因為個湯真係唔好哂到主角牛！我地叫左牛切同美國肥牛，個人認為叫美國肥牛抵食同埋好味d，一來佢感覺上大大塊多d，二來肉味好似濃過手切，返而手切只得口感但肉味欠奉，但中意食牛既朋友都可以一試，大家如果多人可以叫一個烏冬，覺得幾抵食，冇酸味既！埋單都要千幾，不過兩兩表冇計啦！飲勝！

很感動，今次終於吃到天天爆場人人讚的力奇火鍋！上次排了二小時人龍都未退過，結果放棄了，非常無奈。今次預早book 枱再戰力奇，不需等位便可入坐。原本想試招牌豬骨煲，可是價錢要$240實在是太貴了，於是轉為大家都喜愛的蕃茄薯仔煲 ($90) 。基本上力奇火鍋大部份的火鍋配料的份量都很多，很適合大夥兒聚餐。不過貼心地，力奇幾乎所有配料都可以雙併，免卻了眼闊肚窄的苦惱。新年當然要吃飽一點! 於是一行5人共點了頗重份量的配料。蕃茄薯仔湯底-超多蕃茄粟米及大約有兩個大薯仔，很好味，讚！食完成個火鍋之後再食舊薯仔真是一絕，事關舊薯仔已經吸收哂成個湯底既精華。巨蠔-非常鮮甜，沒有絲毫腥味，正到不行!!桂花蚌加珊瑚蚌雙併-價錢頗貴，份量不算多。有點腥味，熟後嚴重縮水…肥牛-只叫左小碟，但都夠5人吃午餐肉-很多人認為用來打邊爐怪怪的，但事實上用來打邊爐另有一番風味，正！魚皮餃併菜肉餃-魚皮餃都不錯，可以總覺得不及四海的好吃。菜肉餃大大粒，超夠味，推介！墨魚滑-一般般，不夠結實響聆-如常地好吃雜菇-有金菇，冬菇，雞脾菇，雞脾菇最正！芝士丸加魚麵-芝士丸一般，事關水水的芝心不夠味。魚麵一般，唔鮮味，有點硬。

話說昨日八號風球，無端端多左日假，左等右等下5:15先落波，唔洗返工當然要慶祝一下﹗決定相約友人去打個邊爐﹗從來都不會待薄自己，見呢排咁鬼辛苦決定食大佢﹗去左大角咀既力奇火鍋!可能八號風球岩岩落波關係，我地七點去到都無咩人﹗上網睇食評都知呢度無服務架喇﹗等左好耐先有個阿姐羅0的豉油俾我地，而0的蒜呀辣椒呀全部都係自己走出去門口羅的﹗真係無人理﹗今次點左蕃茄薯仔湯底，好多料呢﹗有我好鍾意食既粟米﹗滾左一陣倒一碗來飲﹗超清甜﹗倒牌蝦，$70，係大虎蝦來架﹗成隻手板咁長﹗仲要好生猛係咁跳﹗你地睇下幾大隻﹗打邊爐用料唔洗有咩講究，最緊要就係新鮮，呢隻蝦真係超爽超好味呢﹗唔洗蘸任何醬油已經好好味﹗墨魚滑，$75，又係要激讚﹗食落口彈牙得要命，最緊要係佢真係墨魚打，入口滿佈墨魚粒，我同工友即時想起台北太和殿的好味花枝丸呢﹗四寶丸，$70，鯪魚丸超級香﹗食到我地四個隻眼發哂光﹗跟住到呢間野必食推介............鮑魚嘩大佬鮑魚，$56一隻﹗我咁大個仔都係第一次食咁大隻鮑魚吧﹗埋到台隻野仲係咁動，好鬼生猛，當然個外觀就係核突左少少.......大家心照﹗阿姐話齋灼佢十分鐘就好食喇﹗起左個殼之後