豊洲水産海鮮丼専門店 (已結業)

早個禮拜天氣涼涼地，幾乎餐餐都打火鍋，我地都頂唔順喇，於是襯週末放假食下日本菜平衡。今日黎到近鵝頸橋嘅豊州水產，為何會對呢間餐廳有啲興趣呢，因為月初去過一間日本料理食過廚師發板，當時睇過啲資料，話該餐廳係屬於豊州水產品牌，上網睇過呢度嘅餐牌，發現價錢都合理，於是決定一試餐廳位置都幾多，空間感足，既有吧枱，亦有梳化位，燈光明亮，乾淨企理。入座時間尚早，只有幾枱客人，後來愈黎愈多人，建議週末不妨預訂位置。店員好快安排左我地坐卡位、送上熱茶，十分舒適餐牌選擇豐富，供應唔同部位嘅拖羅，因為要遇到新鮮嘅魚獲先會供應，數量限定，唔係想食就有架，例如有鮪魚鮫、鮪魚筋、鮪魚面頰刺身等，因為過去週六生意十分好，店員話冇貨嚕，好有興趣試鮪魚面頰呢，好罕有嘅部位，只好留待下次。此外仲有多款海鮮丼，定價$148-398，仲有一款特大盛，重量約500g呢，大可以兩個人分享。除左有固定款式，亦可自選魚生組成丼。另有刺身、沙律、小食、一品料理，同埋幾款熟食丼，定價$118-168，價錢相宜。湯應該係魚湯，幾大碗，熱辣辣，店員都幾貼心，提我地要盡快飲，否則會腥。不過魚味唔夠好夠濃，有魚肉嘅，我都係當普通味噌湯咁飲豊洲

豊洲水產係築地有名嘅海鮮批發商，而家想食新鮮海產，唔駛專登飛去築地，仲要大排長龍先有得食嘅! 佢嚟左香港開舖，灣仔同油麻地都有直營店啦! 成間店最Sharp就係呢支七彩掛旗，掛到高一高，好吸睛。座位有吧枱。就算一家六口嚟，都有長長卡位，唔會迫。【豊洲水產海鮮丼$248】全場人氣No.1就係呢個豊洲水產海鮮丼，海鮮有︰黑鮪中拖羅、黑鮪赤身、黑鮪魚腩蓉、三文魚子、帆立貝、牡丹蝦、北海道響螺、油甘魚、三文魚、松葉蟹、熊本縣產醋鮮魚、飛魚子、三文魚玉子蛋卷。咁多款口味，款款都咁新鮮，排到靚一靚，一次過滿足晒! 飯係用日本山形縣生拔米煮，粒粒分明，軟硬適中，入口有飯香味。碗入面配左兩片紫菜，仲可以自製手卷，但包完要快啲食，咁樣紫菜先會夠脆。睇顏色已經知佢新鮮。一梳梳蟹肉，仲加左黃金飛魚子，一個字︰鮮!牡丹蝦得一隻，多一隻就好喇，幾鮮甜!嫌唔夠喉可以叫個Mega Size，不過我一個人連Normal size都食唔晒。【薄燒日本和牛丼$148】面頭有一層炒香菇，下面係好多件和牛片，大大塊。和牛油脂豐富，入口嫩滑，燒過後牛油香味更出，一食就食得出係和牛!每個丼都會有一個「麵鼓湯」，好大碗，仲有魚肉，