Fifty Fifty (已結業)

約左朋友去長沙灣買野~完成任務之後就要搵食😝行下行下發現左一間係小街中嘅西餐, 比佢嘅裝飾吸引住😛門口除左一棵大大嘅聖誕樹同大雪人之外~裡面都充滿聖誕氣氛, 要唱下: 又到聖誕~🎅餐單方面, 有沙律, 小食, 肉類, 魚, 意大利飯意粉同甜品~仲有酒類同咖啡或冇酒精飲品選擇都好多, 而我地就每人叫左一道主茶再加個餐~先黎左餐湯, 餐湯係蔬菜海鮮湯, 微微嘅酸味令人開胃, 份量又剛剛好主菜黎啦~炭燒美國安格斯西冷扒(5成熟), 有時出街食扒最怕 overcook, 而呢度絕對唔會, 外面燒得剛剛好而裡面又鎖住肉汁! 肉夠厚, 份量十足! 薯條亦都好香脆同沙律配合好好食❤之後係另一個主菜黑松露醬日本帶子野菌天使麵, 一上菜, 就飄黎好香濃嘅黑松露味~野菌又好多, 唔同種類味道好豐富~帶子亦都好鮮, 完全冇雪味! 非常好~飲品另外加錢要左焦糖咖啡, 就算係焦糖都唔會太甜, 非常好❤而另外加錢嘅薄脆朱古力好有驚喜, 唔單止唔會太甜, 濃濃嘅朱古力味令人忍唔住一飲再飲最後係甜品, 個餐本身有是日蛋糕, 今日係朱古力芝士餅, 又滑又有朱古力香味😍而且隻碟好靚😂另一件係加左5蚊食嘅 Tiramisu

今晚朋友推介長沙灣搵食，話有間cafe，裝修靚又舒服，最緊要仲話唔貴，所以黎試下。由長沙灣站行過黎，大約一條街距離，易搵，我未黎過長沙灣都搵到！入到黎，感覺好似銅鑼灣/尖沙咀既餐廳，同係街既街坊餐廳感覺好唔同！👆🏻想食香口野，當然要試下呢個薯條，即叫即炸，薯條粗身有咬口，個黑松露醬甜甜地，中和番薯條既油膩感，我個人重口味，食薯條仲鍾意加d鹽😝！👆🏻哈密瓜超甜，連我平時唔鍾意食密瓜/哈密瓜既人，都食左好多舊😆，火腿唔算好乾身，感覺應該唔係風乾左好多年。👆🏻翡翠螺好大隻下，用牛油焗好香，岩岩好熟，不過入面既肉無乜味。👆🏻又係黑松露😆，無計，我太愛黑松露，呢個意粉都幾多蘆筍同雜菌，又唔會太多汁，整體感覺唔錯！👆🏻跟餐甜品，估唔到焦糖醬同cheese cake咁夾，不過就會有少少搶哂d藍莓味。👆🏻 夜晚都係唔敢飲咖啡，怕眼光光到天光，所以飲呢個，綠茶襯埋個杯，成件事好綠😂，面既綠茶泡沫對我黎講有d苦，整走左後就無咁苦。2個人食飯，因為想邊食小食邊傾計，所以只叫左一個set dinner，但份量好足夠，食到我地好滿足☺️☺️☺️

今天難得放假，睡飽了便與與媽媽到附近的餐廳吃個brunch~ 平日客人不算多，可以坐窗邊的卡位，座位舒適，感覺悠閒 ~下午茶時間還能點 set lunch，很適合懶人遲起床的我。 媽媽簡單點了 A.黑松露溫泉蛋沙律餐，份量十足，蔬菜新鮮爽脆，每口也能嚐到溫泉蛋的蛋香味及松露香味，再加入胡麻汁醋調味，酸香醒胃，健康滋味~我則點了 C.煎日本帆立貝香草鮮茄茸意大利麵餐:忌廉雜菌湯，口感順滑，喝到細碎的菇菌粒，再加上香草及胡椒調味，味美可口~煎日本帆立貝香草鮮茄茸意大利麵，帆立貝香口鮮嫩，意粉質感柔韌有勁，沾滿鮮茄茸的意粉酸中帶鮮，加上芝士/香草/洋蔥粒，猶如在吃 pizza 味的意粉，不太油膩，酸香滋味!薄脆朱古力，面層軟滑香甜的忌廉與可可脆脆味道合襯，整杯富微甜的朱古力味。 跟餐轉特飲只補$8，抵飲!另點了小食:Fifty Fifty 燒黑松露大蘑菇，大蘑菇有成人拳頭般大， 份量十足，厚身多汁，內釀多款雜菌同樣軟熟多汁，菇菌味香濃，盡吸車打芝士/黑松露/香草味，份外香口滋味，回味無窮!餐湯至飲品皆很美味，而且秉承這區的傳統美德 “價廉物美”，平日 11am 至 6pm 還免收加一，超抵食