影片
更多
2010-09-25
54 浏览
蝦子餅兩個老友，大老遠從將軍澳跑入元朗揾我地食飯～嗰兩位都係識食之人，為免有損元朗呢個美食之區嘅形象，緊係要揾間口碑好嘅宴客啦之前有 fd 讚過呢間泰國菜，上嚟呢度又見幾多好評，膽粗粗拉大隊殺過去！咖哩軟殼蟹～呢個係食過嘅 fd 推介！咖哩香而不辣！平常食開咖哩炒蟹要 'loon'殼，但軟殼蟹勝在連殼都可以食埋，啱晒我呢種懶人 軟殼蟹雖然浸响咖哩汁裡面，但難得仍然鬆脆，正薄餅～唔油，但唔夠香口。泰式生蝦～ｄ蝦頗大隻，鮮甜爽口，比同區其他泰國菜館嘅出色！最令人回味嘅係佢個汁，酸酸辣辣，超級惹味，但其實都幾辣。朋友Ａ話應該係用魚露、青檸汁、薑蓉、蒜蓉、泰國青辣椒......所炮製而成。朋友Ｂ簡直想入去問個廚點整！可想而知呢個汁有幾好味泰式拼盤～蝦餅、魚餅、蝦春卷都普普通通，但平時拼盤中我最唔吼嘅香葉包雞，竟然係最好食嘅！仲要係我食咗幾十年泰菜、試過無數間泰菜館之中，最最最好食嘅！雞肉唔會好似其他泰菜館咁燒到乾柴柴，肉汁keep得住之餘，仲要有雞味呢下先難得嘛鹽燒烏頭～呢個係大驚喜 厚厚嘅海鹽包裹住條烏頭，用刀叉片起魚皮，魚嘅香味隨住熱騰騰嘅煙一湧而出，大家都忍唔住搶吃，但搶嘅係魚皮！魚皮雖
嗰兩位都係識食之人，為免有損元朗呢個美食之區嘅形象，緊係要揾間口碑好嘅宴客啦
之前有 fd 讚過呢間泰國菜，上嚟呢度又見幾多好評，膽粗粗拉大隊殺過去！
咖哩軟殼蟹～呢個係食過嘅 fd 推介！咖哩香而不辣！平常食開咖哩炒蟹要 'loon'殼，但軟殼蟹勝在連殼都可以食埋，啱晒我呢種懶人 軟殼蟹雖然浸响咖哩汁裡面，但難得仍然鬆脆，正
薄餅～唔油，但唔夠香口。
泰式生蝦～ｄ蝦頗大隻，鮮甜爽口，比同區其他泰國菜館嘅出色！最令人回味嘅係佢個汁，酸酸辣辣，超級惹味，但其實都幾辣。朋友Ａ話應該係用魚露、青檸汁、薑蓉、蒜蓉、泰國青辣椒......所炮製而成。朋友Ｂ簡直想入去問個廚點整！可想而知呢個汁有幾好味
泰式拼盤～蝦餅、魚餅、蝦春卷都普普通通，但平時拼盤中我最唔吼嘅香葉包雞，竟然係最好食嘅！仲要係我食咗幾十年泰菜、試過無數間泰菜館之中，最最最好食嘅！雞肉唔會好似其他泰菜館咁燒到乾柴柴，肉汁keep得住之餘，仲要有雞味呢下先難得嘛
鹽燒烏頭～呢個係大驚喜 厚厚嘅海鹽包裹住條烏頭，用刀叉片起魚皮，魚嘅
香味隨住熱騰騰嘅煙一湧而出，大家都忍唔住搶吃，但搶嘅係魚皮！魚皮雖然無打鱗，但燒得夠乾身，加埋海鹽，脆卜卜，惹味非常！難得魚皮燒得乾身，但魚肉依然保持到鮮嫩，一ｄ都唔乾！朋友Ａ話其實要做到咁係好考功夫同心機，時間要拿捏得相當準確，估唔到此等小舖都做得咁出色
馬拉盞炒通菜～呢個係較為遜色嘅一道菜。通菜有點老，味道略嫌太淡。
男人聚埋少不免會飲酒，今晚就KO咗５支青島（對我呢ｄ唔飲酒嘅師奶，成舊水用嚟飲啤酒，真係可以叫多一至兩個餸）我就飲三色冰，都係普通啦。甜品係椰汁大菜糕，清清淡淡，如果可以重ｄ椰汁味會更好！
整體上，呢餐都好滿意
最緊要係好食又抵食，扣除飲品同啤酒，魚蝦蟹大餐都只不過係每位$100，平到朋友ＡＢ出咗門口都不停讚不停讚
张贴
