影片
更多
2010-09-25
54 浏览
虾子饼两个老友，大老远从将军澳跑入元朗揾我地食饭～𠮶两位都系识食之人，为免有损元朗呢个美食之区嘅形象，紧系要揾间口碑好嘅宴客啦之前有 fd 赞过呢间泰国菜，上嚟呢度又见几多好评，胆粗粗拉大队杀过去！咖哩软壳蟹～呢个系食过嘅 fd 推介！咖哩香而不辣！平常食开咖哩炒蟹要 'loon'壳，但软壳蟹胜在连壳都可以食埋，啱晒我呢种懒人 软壳蟹虽然浸响咖哩汁里面，但难得仍然松脆，正薄饼～唔油，但唔够香口。泰式生虾～ｄ虾颇大只，鲜甜爽口，比同区其他泰国菜馆嘅出色！最令人回味嘅系佢个汁，酸酸辣辣，超级惹味，但其实都几辣。朋友Ａ话应该系用鱼露、青柠汁、姜蓉、蒜蓉、泰国青辣椒......所炮制而成。朋友Ｂ简直想入去问个厨点整！可想而知呢个汁有几好味泰式拼盘～虾饼、鱼饼、虾春卷都普普通通，但平时拼盘中我最唔吼嘅香叶包鸡，竟然系最好食嘅！仲要系我食咗几十年泰菜、试过无数间泰菜馆之中，最最最好食嘅！鸡肉唔会好似其他泰菜馆咁烧到干柴柴，肉汁keep得住之余，仲要有鸡味呢下先难得嘛盐烧乌头～呢个系大惊喜 厚厚嘅海盐包裹住条乌头，用刀叉片起鱼皮，鱼嘅香味随住热腾腾嘅烟一涌而出，大家都忍唔住抢吃，但抢嘅系鱼皮！鱼皮虽
𠮶两位都系识食之人，为免有损元朗呢个美食之区嘅形象，紧系要揾间口碑好嘅宴客啦
之前有 fd 赞过呢间泰国菜，上嚟呢度又见几多好评，胆粗粗拉大队杀过去！
咖哩软壳蟹～呢个系食过嘅 fd 推介！咖哩香而不辣！平常食开咖哩炒蟹要 'loon'壳，但软壳蟹胜在连壳都可以食埋，啱晒我呢种懒人 软壳蟹虽然浸响咖哩汁里面，但难得仍然松脆，正
薄饼～唔油，但唔够香口。
泰式生虾～ｄ虾颇大只，鲜甜爽口，比同区其他泰国菜馆嘅出色！最令人回味嘅系佢个汁，酸酸辣辣，超级惹味，但其实都几辣。朋友Ａ话应该系用鱼露、青柠汁、姜蓉、蒜蓉、泰国青辣椒......所炮制而成。朋友Ｂ简直想入去问个厨点整！可想而知呢个汁有几好味
泰式拼盘～虾饼、鱼饼、虾春卷都普普通通，但平时拼盘中我最唔吼嘅香叶包鸡，竟然系最好食嘅！仲要系我食咗几十年泰菜、试过无数间泰菜馆之中，最最最好食嘅！鸡肉唔会好似其他泰菜馆咁烧到干柴柴，肉汁keep得住之余，仲要有鸡味呢下先难得嘛
盐烧乌头～呢个系大惊喜 厚厚嘅海盐包裹住条乌头，用刀叉片起鱼皮，鱼嘅
香味随住热腾腾嘅烟一涌而出，大家都忍唔住抢吃，但抢嘅系鱼皮！鱼皮虽然无打鳞，但烧得够干身，加埋海盐，脆卜卜，惹味非常！难得鱼皮烧得干身，但鱼肉依然保持到鲜嫩，一ｄ都唔干！朋友Ａ话其实要做到咁系好考功夫同心机，时间要拿捏得相当准确，估唔到此等小舖都做得咁出色
马拉盏炒通菜～呢个系较为逊色嘅一道菜。通菜有点老，味道略嫌太淡。
男人聚埋少不免会饮酒，今晚就KO咗５支青岛（对我呢ｄ唔饮酒嘅师奶，成旧水用嚟饮啤酒，真系可以叫多一至两个𩠌）我就饮三色冰，都系普通啦。甜品系椰汁大菜糕，清清淡淡，如果可以重ｄ椰汁味会更好！
整体上，呢餐都好满意
最紧要系好食又抵食，扣除饮品同啤酒，鱼虾蟹大餐都只不过系每位$100，平到朋友ＡＢ出咗门口都不停赞不停赞
张贴
