MOO MOO

营业中

休息中

觀塘一向最多餐廳，而且因為多競爭，所以往往餐廳價錢都比較親民～今次同男朋友嚟到觀塘搵到間比較偏僻嘅漢堡店餐廳有兩邊門口嘅，一個喺愛琴海商場入面，一個就喺街外商場內入口廚房我地叫左兩個漢堡、一個小食同埋兩杯野飲～塊雞扒好多汁，而且仲係好嫩滑配埋個鹹蛋黃醬又唔會覺得好膩個包就普通麵包，面頭搽左d油，感覺就普普通通，唔太香同鬆軟鹹蛋黃雞堡呢個菇菇堡入面夾左兩塊大咖菇，而且塊菇煎完好多汁！不過個人覺得如果塊菇可以調左味先再煎會更香～而家佢係單單靠芝士嘅味道去調味，所以食落冇咁多層次。菇菇堡本身係想嗌水牛城雞槌，但冇貨先叫左呢個雞翼，估唔到好驚喜！雞翼外表燒到啱啱好，好香而且食落雞翼入面有軟芝士同埋忌廉磨菇，好惹味！做小食真心一流忌廉磨菇雞翼呢個野飲冇乜薑味，而且整體味道都偏淡不過好在飲落係舒服，唔會覺得超甜薑味芒果冰茶

今日經過開觀塘，又想食個快餐，所以黎到moo moo 食burger，因為聽講過佢嘅burger唔錯，所以我都黎試一試！😀order左一個白菌之堡套餐+ small salad，跟餐飲品叫左薑味芒果冰茶+$12 ：呢到好嘅地方係比唔食薯條嘅我地多一個選擇，可以揀細沙律🥗，始終好多女士要保持身材會成日食沙律的，沙律好清新👍🏻白菌之堡：有好多菇菇，再加埋牛肉配上邪惡芝士好好食呢，下面仲有蕃茄同生菜😋😬

同戰友今晚預左要 OT, 打算買個外賣返去再拼命。路過呢間，同事極力推介，我一路想試又一路未試，皆因 lunch hour 成日都 full house 的 burger 店。夜晚唔算太多人，又有另一番情調。咪諗咁多，入去食餐快最穩妥。今天主打試佢的漢堡飽，一於每人一個。小食同飲品有呢張。決定好食乜之後，首先要去 counter 買飛，然後就排排坐等叫 number 攞餐。大約十分鐘，就有得食啦！即叫即整得來都算快手。都幾脹卜卜，幾精神噃。白菌之堡 $65呢個是我的，拿上手熱辣辣，香氣四溢。內涵有安格斯牛肉、白菌、芝士、蕃茄同生菜，加上松露汁，特別香特別滋味。好欣賞佢個麵包，上層夠軟熟，下層又脆脆地，夾埋D料食真心正。牛肉漢堡扒好香牛味，又夠淋。而且份量控制得幾好，食完啱啱飽又唔會滯。熱帶之堡$67同事叫的，除左安格斯牛肉，仲有菠蘿、煙肉、芝士、蕃茄、生菜。靚牛肉加上燒菠蘿，每一啖都 juicy 滴汁，佢話好好食，想像到吖！薑味芒果冰茶$28試新野，堅有薑味，又有點果味，都幾討好。唔想成日飮汽水的話可以試吓。蘋果薄荷特飲 $28同事話味道淡淡地，似蘋果味汽水。食食吓，發現有個 comp

同朋友O係美亞買完野, 佢地拎住重野就唔同我tea喇.search下附近有咩好野自私食. 落住大雨又唔行得遠. 見附近有間食burger都幾吸引, 所以就去試下喇~有outside位, 感覺都幾正. 可惜落住雨, 我都係入去坐喇XD可以O係cashier order, 又或者用自助order機.餐廳唔算好大間, 但都有好多位. 部分bar櫈仲係軟墊座位, 坐得幾舒服架~滋味套餐都幾豐富, 種類都幾新穎~一場黎到, 梗係食burger啦!D burger即叫即整, 所以要等一陣~餐廳播住D輕快既英文歌, 感覺幾relax!沙律個沙律個汁好fresh, 酸酸地, 好開胃.而且帶有少少柚子既甜味~白菌之堡個包烘得十分香脆, 夾埋爽脆生菜同蕃茄, 仲有半溶既芝士, 口感豐富!磨菇炒得好香, 而且都好多汁!塊漢堡都幾厚實, 一啖咬落去, 肉味濃郁又juicy! 薑味芒果冰茶薑味crossover芒果都幾特別, 感覺都幾清新.不過薑味唔算好重, 係偏向香甜既紅茶~同埋呢度都鼓勵大家自己執枱既, 培養好習慣Overall, 野食高質, 店員都好nice. 值得一試!

之前係kwuntong搵食既時候，已經見到呢間MooMoo門面好吸引，好有外國cafe既感覺。咁岩朋友想食burger，就揀左呢到試下了外面環境好靚，仲有graffiti添不過天氣唔算太涼，我地坐左入面門外招牌好sharp門內環境都幾靚，佈置好有心機有2個門口，依邊應該先係正門餐牌雖然係英文，但係門外有中文餐牌仲有自助下單機添好先進😂😂 我叫左個咸蛋黃雞堡，比較特別，好少見入面有用咸蛋黃醬整既雞，蔬菜，蕃茄等成件事好juicy,亦都唔會太滯新鮮整好，包皮仲係暖暖地，好正食一個，都夠飽了但係因為岩岩病好，無叫薯條，好可惜惟有叫雞翼補返數！出乎意料之外，隻雞翼係去骨既入面釀左磨菇同芝士，外皮煎到脆卜卜真心好味雞翼真係要比100分我地仲叫左杯冰茶，甜度適中竟然真係有薑味最尾仲見到有小食拼盤既promotion 太飽了，食唔落，惟有下次食店員望落好後生，但勝在夠快手食物環境都ok，價錢合理，同朋友吹水relax就岩哂啦

團購買咗野要去拎，所以就順便去工廠大廈呢邊搵食，雖然APM距離都唔係好遠，但相比商場嘅一式化，我更加嚮往喺巷弄之中尋找特色小店Eat drink chill repeat四個手寫霓虹燈就吸引咗我。佢嘅戶外飲食區就好適合今日嘅天氣，好似去咗歐洲咁，同男朋友坐喺bar table傾吓計食下野，悠閒weekend令人忘憂我就叫咗個熱帶之堡，睇得出係心機之作，塊漢堡包皮係有煎過， 鬆軟得黎食到淡淡嘅牛油香，塊安格斯牛肉好juicy，夾埋菠蘿、蕃茄、煙肉等等配料，酸甜嘅口感零舍開胃。因為我好怕太多醬汁，所以預先叫佢小醬，廚師都好貼心咁特別為我安排，呢個千島醬食落真係唔會好肥膩，合晒我何車由於我哋係茄汁王，所以就叫左客炸薯條，雖然網上好多人推介芝士肉醬薯條，但呢一客看似普通嘅炸薯條一啲都唔失色㗎！一上枱見到佢係粗薯仲要有啲薯皮邊，新鮮即，望到都感覺到佢卜卜脆，食落更加覺得，如果呢一刻有一杯冰凍啤酒就無憾喇喺Menu上面見到有一道泰檸雞槌嘅菜式，啱啱去完泰國嘅我地，寧舍掛住泰式嘅炸雞，所以驚住食唔晒都少少哋order左三隻嚟食炸完嘅雞肉都好嫩滑，有驚喜食咗咁多熱氣野，梗係要叫番客沙津清下腸胃啦呢個正

今日一場嚟到觀塘，做完嘢之後就梗係要食返餐好啦。係OpenRice見到呢間MOOMOO都幾chill咁，有戶外地方坐，又可以靜靜地傾下計，所以一於試下佢啦。可能因為比較早6:30左右嚟到呢度，所以都冇乜人，即使我同女朋友唔食煙都可以喺戶外坐得舒舒服服唔使吸二手煙味。我就叫咗個白菌之堡，個麵包夾住牛肉嗰邊煎到香脆，而且個安格斯牛亦唔會煎到太乾，漢堡整體味道配合得好均勻。個泰檸雞鎚畀到我意外驚喜，佢個形狀唔係一般嘅雞鎚樣，似係有少少將啲肉起咗，令到你更容易食。啖啖肉之餘，佢仲隱約散發出陣陣嘅青檸香氣，再加上炸得啱啱好，雞肉保持肉汁，食落去都幾juicy。再叫埋個沙律就更加Perfect啦。食完濃味同炸嘢，可以叫返個沙律清清口腔嘅肥膩感，再配埋醋汁絕對可以refresh 返你嘅味蕾，等你可以食再食多d嘢。佢個沙律都幾新鮮配合佢酸味味嘅醋汁，我哋兩個好快就食晒啦。而且個雞扒煎得香脆又嫩滑，所以都好好食。