牧羊少年咖啡館 (屯門市廣場1期)

营业中

休息中

每個月都會到訪既飯堂～（笑）諗唔到食咩嘅時候就會過嚟⋯今次點左之前未試過既野食English Brunch新鮮出爐，上菜時仲係出緊煙～但味道比較普通，炒蛋黑松露味好淡，尚好唔算太油是拉差醬雞翼炸得剛剛好，皮脆肉嫩～香噴噴好邪惡（但真係好熱氣～哭）大阪燒風味煙三文魚薄餅好普通，個人不太喜歡芥末醬整體幾樣食材加埋唔係太夾⋯餐湯Menu冇寫係咩餐湯，店員上菜時亦都冇介紹應該係薯仔湯，但飲落似BB食嘅糊仔⋯比較之下，之前嘅南瓜湯會更出色blueberry yoghurt (+$12)唔會好甜好杰身，值得一試（後面賣緊望月流心月餅廣告～笑）

屯門市廣場既黃店真係唔多，今年終於開左牧羊少年！係新界西第一間呀！位置都好易搵，係牛角隔離就係啦！素肉醬意大利粉$68今次食lunch set都好抵，68就包主菜、湯同飲品，素肉醬意大利粉有好多肉醬，仲有一堆素芝士係面，撈埋一齊食好夾，素肉同普通豬肉既分別唔大，係冇左咬落去有啲點彈既肉質咁，其餘都好好份量都岩岩好一個人食！飽晒！藍莓奶酪今次跟餐加12蚊轉左藍莓奶酪，一杯都有330ml嫁，好香藍莓味！不過都唔細杯，飲晒就真係好飽啦！

終於屯市又開多間💛店，以後又有多個選擇。今次牧羊係fb搞咗個新開幕優惠，係fb share post晚市就有8折！(優惠已完結)可能又有優惠，新店位置又近牛角，六點九去到已經要等三十幾張枱。最後都等咗成個鐘先入到去。大家都好肚餓所以就叫咗比平時多嘅份量。黃店就梗係要多支持啦！藍莓乳酪好足料，淡淡都食到果肉，唔會太甜，但係如果成杯飲品涷多少少就好啦！我地三個人食見到有三個帆立貝真係好開心。意粉煮得al dente，口感超級好。成碟意粉份量都多，又好掛到啲充滿洋蔥香味嘅忌廉汁。蘑菇雖然唔係主角但係份量都唔少㗎小食拼盤份量比想像中多，每款都有4舊。上到枱全部種類都係熱辣辣。整體上隻隻都好食，自己排就(最好食)雞翼👉🏽豬肉腸👉🏽薯格👉🏽花枝丸👉🏽春卷👉🏽雞肉腸。中間仲有千島醬同他他醬俾你配嚟食，當然都會俾埋茄汁啦！Pizza就相對上差少少。主要係因為個餅底超級硬同乾。三文魚都有六大片嘅，但係呢個口味可能醬嘅份量都比較少，所以入口除咗會覺得乾仲會冇乜味(只有咸味)，可以唔洗試。食埋個甜品先 窩夫份量超級大，係外脆內軟，算係厚實類型。中間嘅朱古力醬同兩球雪糕真係俾得好足，香蕉分量亦唔少。食完就勁飽