馬祖台灣養生湯麵館 (和安里)

营业中

休息中

𝙞 𝙖𝙡𝙬𝙖𝙮𝙨 𝙝𝙖𝙫𝙚 𝙖 𝙩𝙝𝙞𝙣𝙜 𝙛𝙤𝙧 𝙣𝙤𝙤𝙙𝙡𝙚 𝙢𝙚𝙙𝙞𝙘𝙞𝙣𝙚 𝙨𝙤𝙪𝙥 𝙖𝙣𝙙 𝙝𝙚𝙧𝙚'𝙨 𝙤𝙣𝙚 𝙞'𝙫𝙚 𝙧𝙚𝙘𝙚𝙣𝙩𝙡𝙮 𝙙𝙞𝙨𝙘𝙤𝙫𝙚𝙧𝙚𝙙 - 𝙩𝙖𝙞𝙬𝙖𝙣𝙚𝙨𝙚 𝙢𝙖𝙯𝙪 𝙡𝙞𝙛𝙚𝙨𝙩𝙮𝙡𝙚 𝙣𝙤𝙤𝙙𝙡𝙚𝙨🍜 𝙩𝙝𝙚 𝙗𝙧𝙤𝙩𝙝 𝙞𝙨 𝙖𝙗𝙨𝙤𝙡𝙪𝙩𝙚𝙡𝙮 𝙙𝙚𝙡𝙞𝙘𝙞𝙤𝙪𝙨 𝙬𝙝𝙞𝙘𝙝 𝙜𝙤𝙚𝙨 𝙧𝙚𝙖𝙡𝙡𝙮 𝙬𝙚𝙡𝙡 𝙬𝙞𝙩𝙝 𝙩𝙝𝙚 𝙬𝙞𝙣𝙚 𝙛𝙡𝙖𝙫𝙤𝙧 𝙤𝙛 𝙩𝙝𝙚 𝙙𝙧𝙪𝙣𝙠 𝙘𝙝𝙞𝙘𝙠𝙚𝙣, 𝙘𝙝𝙞𝙘𝙠𝙚𝙣 𝙥𝙞𝙚𝙘𝙚𝙨 𝙖𝙧𝙚 𝙩𝙚𝙣𝙙𝙚𝙧 𝙖𝙣𝙙 𝙟𝙪𝙞𝙘𝙮🤤 𝙤𝙘𝙩𝙤𝙥𝙪𝙨 𝙗𝙖𝙡𝙡𝙨 𝙖𝙣𝙙 𝙨𝙥𝙞𝙘𝙮 𝙢𝙚𝙙𝙞𝙘𝙞𝙣𝙚𝙙 𝙗𝙚𝙚𝙛 𝙬𝙞𝙩𝙝 𝙝𝙖𝙣𝙙𝙢𝙖𝙙𝙚 𝙧𝙖𝙢𝙚𝙣 𝙖𝙧𝙚 𝙖𝙡𝙨𝙤 𝙫𝙚𝙧𝙮 𝙛𝙡𝙖𝙫𝙤𝙧𝙛𝙪𝙡 𝙩𝙤 𝙢𝙮 𝙡𝙞𝙠𝙞𝙣𝙜. 𝙞'𝙡𝙡 𝙙𝙚𝙛𝙞𝙣𝙞𝙩𝙚𝙡𝙮 𝙫𝙞𝙨𝙞𝙩 𝙖𝙜𝙖𝙞𝙣!!.主打滋補藥膳湯底既台灣養生麵館係蘭桂下面開左新分店，平日下午四點鬆啲去食全場得我地一枱諗住中伏，點知又幾有驚喜！👀 本身唔食得辣又鐘意飲酒，叫左個藥膳醉雞米線試下，湯底落左好多紅棗同杞子去煲，同藥膳醉雞加埋仲有陣清甜香，都真係

香港人雖然生活繁忙，也越來越注重健康，飲食不忘養生……天氣時冷時熱，早晚温差大，容易生病，是時候進補一下，今日上網找了一間主打藥膳養生湯的食肆 - 馬祖台灣養生湯麵館，中午同朋友到中環嘆一碗養生湯米線，即時感覺暖笠笠，非常滋補。餐廳地方不算大，但有地舖和M樓兩層，午市時段座無虛席，餐牌選擇共有十九款之多，全部都是藥膳湯底，主要是農場雞和牛肉兩類，可選米線或飯，或+$10可轉手工麵。二人分別點了藥膳農場醉雞米線$67和黑蒜藥膳農場雞米線$68，藥材味香濃，湯底有紅棗、桂圓肉、杞子……等等，材料十足，味道清甜，農場雞非常彈牙，米線份量很多，又飽又暖。小食方面，選擇都很多，分別有時菜、雞翼、花枝丸/貢丸/牛丸、豬肉餃和墨魚春卷，我們點了上湯墨魚春卷，同樣是藥膳湯底，咬開仲有墨魚粒，十分彈牙，$30有6粒，幾抵食。飲品方面，點了自家製桂花烏龍冷泡茶$16和四季春冷泡茶$16，同樣清涼可口，茶味清香，沒有苦澀味，烏龍茶味較濃，個人比較喜歡。

整日聽得多呢間店既藥膳好正，今日中午終於試到。我地叫左藥膳農場醉雞米線同黑蒜藥膳農場雞米線，個面一到，飲啖湯先。始終都係醉雞同藥膳湯底好夾👍，一擺近嘴邊，已經聞到勁香既酒味，飲落去，好濃既酒香，飲完個身都暖一暖，之後再試下黑蒜藥膳湯底，就即刻比下去了，因為黑蒜既濃味蓋過左藥膳個味道。個米線都幾足料，好多舊雞，而且d雞都幾滑，幾好食。我仲食埋佢d紅棗，好甜，好正👍食一啖野食，再飲一啖湯👍食到最尾，差唔多整碗湯俾我飲哂😋😋好味道

係中環食餐晏仔，其實唔難，但難在又要經濟實惠，又食得落口先為之正。呢間馬祖已經想試好耐，但我人又燥底，大熱天時我怕食完標晒汗😅，所以而家初秋就急不及待即去試！12點幾到達唔駛排隊即有位，我點左個藥膳農場醉雞米線(或可以配白飯)，湯底陣陣藥味撲鼻而來，如果喜歡藥膳既朋友，一定連湯都飲埋，份量亦十份足夠！可能藥膳味濃過醉雞味道，所以反而食唔出醉雞特色，不過雞件都算滑，唔會鞋烚烚。呢個價錢…係中環食個午餐算係咁喇！

米線我就食得多，作為「資深米線控」，港九新界嘅米線店都會去嘗試，而中環蘭桂坊呢間專食藥膳農場雞米線就真係百試不厭！食客之間保持距離是Fu已經成為常態，酒精搓手液同口罩膠袋或紙袋都係好體現到餐廳對食客嘅誠意👍🏼藥膳桃膠農場雞米線（$67）雞肉嫩滑不在話下，桃膠分量非常多，淡淡雞湯同桃膠真係好滿足好養顏。🤗🤗🤗😘湯底見到有杞子紅棗同圓肉，無論男女老幼都好補身！另外一大特色就係藥膳醉雞米線（$67）份量又係好大碗，酒香濃郁，就算唔食晒個米線飲晒啲湯都好滿足😆😆😆😆啱曬D酒鬼（依家無得去酒吧不如用酒養生下啦哈哈）同朋友分享通常都會叫多幾個小食。呢個墨魚春卷$30有六條都係一個唔錯嘅選擇，墨魚春卷好彈牙，內裏咬到粒粒墨魚肉。 叫埋個菜就差不多啦（$22）似乎所有湯底都係雞湯喎！

今晚無飯開，本來都打算返屋企煮麵食，咁啱同個朋友傾開偈，大家都無飯開，摘日不如撞日，索性約出嚟聚聚吹吓水。因為都喺閒聚，大家又喺晌中環返工，所以，就揀咗嚟「馬祖台灣養生湯麵館」，食碗養生湯麵。餐廳屬小店格局，其實，仲有樓上嘅，不過，就無走上去睇。而廚房設晌樓下，所以，下層嘅空間唔太大，然而，裝修企理，地方整潔光猛。餐牌一大張A4底面兩版睇晒，一版喺所有主食，以養生湯底做成不同嘅口味，一共11款，可配米線或白飯，部份款式更可配手工麵，定價為$65-$77，無加一服務費。反轉嘅另一版，就喺不同嘅飲品同一啲小食，前者都幾多特色嘢喎，好似自家製冷泡茶、冷萃咖啡、荔枝烏龍茶、黑糖薑母茶、牛蒡茶……等等。Nescafe雲石牛奶咖啡 $18、荔枝烏龍茶 $10小弟一向都喜歡嘆吓咖啡，見呢度有款「雀巢」出嘅牛奶咖啡，賣點喺「冷萃」，即喺低溫慢萃，即喺好似冰滴咁。入口個咖啡味較清醇，奶味偏重，幾啱我飲。友人就要咗荔枝烏龍茶，佢話茶底頗清香，而荔枝味非常突出。藥膳農場醉雞米線 $67大大碗嘅藥膳米線，上到枱時散發出好濃嘅藥材香氣，真喺唔講得笑，所以，即時飲番啖，感覺喺好真材實料，濃而不濁；配上滑溜嘅米線，